Новости за 22.02.2022

21-nji fewralda Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň prezidenti wezipesine dalaşgär görkezilen Serdar Berdimuhamedow bilen saýlawçylaryň duşuşygy geçirildi. Iň ýokary döwlet wezipesine dalaşgär bilen duşuşmak üçin welaýatyň ykdysadyýetiniň ähli pudaklarynyň zähmet toparlarynyň, jemgyýetçilik guramalarynyň, ýörite orta okuw mekdepleriniň wekilleri, hormatly ýaşulular we kümüş saçly eneler ýygnandylar. Serdar Berdimuhamedow öz çykyşynda... Читать дальше...

Aşgabadyň Atamyrat Nyýazow köçesiniň ugrunda, “Köpetdag” stadionynyň garşysynda ýerleşýän  “Halkbank” döwlet täjirçilik bankynyň bankomatlarynyň öňünde ýene-de uly nobatlar emele gelip başlady. Bu barada Azatlyk Radiosynyň habarçysy 20-nji fewralda habar berdi. Habarçymyza görä, häkimiýetler uly nobatlary ýaşyrmak üçin, pul nagtlaşdyrmak isleýän mähelleden bankyň arka tarapyndaky howlynyň öňünde garaşmagy talap edýär. “Uly nobatlar ötegçiler görmez ýaly ýaşyrylýar. Müşderiler bankyň howlusynda nobata garaşmaly bolýar” diýip... Читать дальше...

Mary welaýatynda çilim söwdagärlerine we çilim çekýän raýatlara gözegçilikler güýçlendi. Polisiýa işgärleri çilim we temmäki önümlerini satýan söwdagärlere garşy reýdleri geçirýärler. Şeýle-de, köçelerde we köp gatly jaýlaryň töwereginde çilim çekýän raýatlar hem saklanýar we pul jerimesini tölemäge mejbur edilýär. Bu çäreleriň arasynda, çilimiň we mahorkanyň bahasy 50% gymmatlady. Bu ýagdaýlar barada Azatlyk Radiosynyň habarçysy Marydan maglumat berdi. Onuň sözlerine görä, 21-nji fewralda polisiýa... Читать дальше...

Maryda häkimiýetleriň başa barmaýan wadalarynyň arasynda, söwdagärler karantin sebäpli bazarlaryň ýapyk galmagy bilen bagly uzaga çeken kynçylyklarynyň çözgüdine saýlawlardan çykalga gözleýär. Häkimiýetler bazarlaryň açylmagy üçin Serdar Berdimuhamedowa ses bermäge çagyrýan mahaly, söwdagärler bu çagyryşa garşylyk görkezip, prezidentlige Mary welaýatyndan dalaş edýän kandidata ses berjekdiklerini aýtdylar. Bu ýagdaýlaryň jikme-jiklikleri barada Azatlyk Radiosynyň habarçysy sebitden maglumat berdi.

Türkmenistanda saýlaw möwsümi dowam edýän mahaly, Magtymguly adyndaky türkmen döwlet uniwersitetinde bilim alýan talyp gyzlardan saýlawlara gatnaşmak üçin milli egin-eşik satyn almak talap edilýär. Bu aralykda prezident wezipesine dalaşgärleri bellige almak işleri dowam edýär.

Lebap welaýatynyň Türkmenabat şäheriniň hususy eýeçilikdäki dükanlarynda azyk we senagat önümleriniň bahalary birneme arzanlap, olaryň görnüşleri köpelip başlady. Azatlyk Radiosynyň sebitdäki habarçysy bu haryt köpdürlüliginiň we arzançylygynyň ýörite bir firma tarapyndan ýola goýulýandygyny habar berýär. Köp ýaşaýjy bu ýagdaýlary irki prezident saýlawlary bilen baglanyşdyryp, "emeli döredilýän arzan azyk bolçulygy" diýip atlandyrýar.

Prezident Wladimir Putiniň Ukrainadaky iki separatist sebiti garaşsyz döwlet hökmünde ykrar etmek we bu sebitlere goşun ibermek baradaky hereketine jogap hökmünde, Günbatar ýurtlary Moskwa garşy täze sanksiýalary öňe sürdi. 22-nji fewralda Russiýanyň parlamentiniň iki palatasy hem Kreml goldawyndaky separatistleriň gözegçilik edýän ukrain sebitleri bilen dostluk şertnamalaryny tassyklamak üçin ses berdi. Şu aralykda Ýewropa Bileleşigi sanksiýalaryň “ilkinji bukjasynyň” ara alnyp maslahatlaşyljakdygyny we belki-de 22-nji fewralda... Читать дальше...

Türkmenistanda irki prezident saýlawlaryna dalaşgärleri hasaba almak işleri dowam etdirilýär. Merkezi saýlaw komitetiniň 21-nji fewralda çap eden maglumatyna görä, raýatlaryň teklip toparlary tarapyndan dalaşgärlige hödürlenen Maksatmyrat Öwezgeldiýew we Kakageldi Saryýew, Senagatçylar we Telekeçiler partiýasy tarapyndan dalaşgärlige hödürlenen Babamyrat Meredow ýokary döwlet wezipesine dalaşgär hökmünde bellige alyndy. Şu aralykda, 21-nji fewralda Daşoguz welaýatynyň häkimliginiň mejlisler zalynda... Читать дальше...

Rus parlamentiniň aşaky palatasy, Döwlet dumasy 22-nji fewralda Kreml goldawyndan peýdalanýan separatistleriň gözegçilik edýän ukrain sebitleri bilen baglaşylan dostluk şertnamalaryny tassyklap, biragyzdan ses berdi. Prezident Wladimir Putin Günbataryň duýduryşlaryna gulak asman, 21-nji fewralda Ukrainanyň gündogaryndaky Donetsk we Luhansk sebitlerine gözegçilik edýän separatistleriň garaşsyzlyk barada eden tekliplerini ykrar etjekdigini aýtdy. 22-nji fewralda parlamentiň ýokarky palatasynda... Читать дальше...

“Sibir” howaýollarynyň uçary 25-nji fewralda Türkmenabatdan Moskwa nobatdaky ýörite uçuşyny amala aşyrar diýip, hökümetçi “Türkmenportal” neşiri Russiýanyň Aşgabatdaky ilçihanasyna salgylanyp habar berýär. “Domodedowo” halkara howa menziliniň resmi web sahypasynyň maglumatyna görä, S78536 belgili uçar Türkmenabatdan ir sagat 09:50-de uçup, Moskwa wagty bilen 13:20-de Orsýetde gonmaly. Orsýet soňky aýlarda Orsýete göçmek kararyna gelen türkmenistanlylar üçin onlarça uçuş gurnady we her uçarda... Читать дальше...

Britan premýer-ministri Boris Jonson öz ýurdunyň Russiýanyň telekeçilik bähbitlerini derrew, berk sanksiýalar bilen nyşana aljakdygyny aýtdy we Russiýanyň prezidenti Wladimir Putine Ukraina garşy mundan aňry ilerlemezlik duýduryşyny berdi. "Biz haýal etmän ykdysady sanksiýalar toplumyny dörederis" diýip, Jonson 22-nji fewralda, Kobra milli adatdan daşary howpsuzlyk komitetiniň mejlisini geçirenden soň žurnalistlere aýtdy. "Bu Angliýanyň Russiýa garşy girizjek ykdysady sanksiýalarynyň diňe ilkinji tapgyrydyr... Читать дальше...

Ukrainanyň prezidenti Wolodymyr Zelenski öz ýurdunyň Orsýet tarapyndan basylyp alynmak howpy bilen ýüzbe-ýüz durýan pursatynda, Kiýewiň öz ýaranlaryndan diňe sözlere däl-de, eýsem “açyk” goldaw we hereket alamatlaryna garaşýandygyny aýtdy. “Biz öz hyzmatdaşlarymyzdan açyk we netijeli goldaw çärelerine garaşýarys. Biz üçin häzir hakyky dostumyzyň we hyzmatdaşymyzyň kimdigini, Russiýany kimleriň diňe sözde gorkuzmagy dowam etdirjegini görmek örän möhüm" diýip, ol 21-nji fewral güni giçlik telewideniýede berlen sözünde aýtdy. Читать дальше...

Günbatar ýurtlary we beýlekiler Russiýanyň prezidenti Wladimir Putiniň Kreml tarapyndan goldanýan separatistleriň Ukrainada eýelän sebitleriniň garaşsyzlyk talaplaryny ykrar etmek kararyny ýazgardylar, ABŞ we onuň ýaranlary Moskwa garşy täze sanksiýalar toplumyny girizmek wadasyny berdiler. ABŞ resmileri 21-nji fewral güni giçlik Waşingtonyň ýaranlary bilen maslahatlaşýandygyny we 22-nji fewralda Moskwa garşy täze sanksiýalary yglan etjekdigini aýtdy. Putin separatistleriň garaşsyzlyk jarnamalaryny ykrar edip... Читать дальше...

3-nji fewralda Özbegistanyň Horezm welaýatynyň Hazarasp etrap kazyýeti bloger Sobirjon Boboniýozowy üç ýyl azatlykdan mahrum etdi. Bu barada düýbi Daşkentde ýerleşýän “Ezgulik” adam hukuklary jemgyýetiniň başlygy Abdurahman Taşanow Azatlyk Radiosyna habar berdi. Ynsan hukuklaryny goraýjynyň aýtmagyna görä, Horezm welaýatynyň Hazarasp etrabynyň Buston obasynda ýaşaýan blogçy Sobirjon Boboniýozow Özbegistanyň ilkinji prezidenti Yslam Kerimowy we häzirki döwlet baştutany Şawkat Mirziýoýewi kemsitmekde günäli tapyldy. Читать дальше...