Lebap welaýatynyň Türkmenabat şäheriniň hususy eýeçilikdäki dükanlarynda azyk we senagat önümleriniň bahalary birneme arzanlap, olaryň görnüşleri köpelip başlady. Azatlyk Radiosynyň sebitdäki habarçysy bu haryt köpdürlüliginiň we arzançylygynyň ýörite bir firma tarapyndan ýola goýulýandygyny habar berýär. Köp ýaşaýjy bu ýagdaýlary irki prezident saýlawlary bilen baglanyşdyryp, "emeli döredilýän arzan azyk bolçulygy" diýip atlandyrýar.
