Новости за 15.07.2021

(Мөслим, 15 июль, «Татар-информ», « Мөслим »). 10 июльдә Мөслим районының Дусай авыл тарихына багышланган «Данлы Дусай» китабын тәкъдим иттеләр. Әлеге чара авылның Сабантуй мәйданында милли бәйрәм буларак үткәрелде. Чарада район башлыгы урынбасары Азат Әхмәтҗанов катнашты. «Данлы Дусай» китабының авторы — Мөҗәһит Әхмәтҗанов. Әлеге китапка авыл тарихы, аның кешеләре, аларның көнкүрешләре, авыл белән бәйле истәлекләр тупланган. Китапта тарихи фотосурәтләр, кайбер нәселләрнең шәҗәрәләре, күренекле шәхесләрнең тормыш юллары, иҗатлары да урын алган.

(Чаллы, 15 июль, «Татар-информ», « Шәһри Чаллы »). 13 июль көнне Чалының өч районында шәһәрне төзекләндерү, яшелләндерү һәм чәчәкләр белән бизәү буенча конкурста катнашу өчен гаризалар җыю башланды. Ул 30 июльгә кадәр дәвам итәчәк. Конкурс ике этапта уза. Иң элек район конкурс комиссияләре оешма-предприятиеләрдән, шәхси эшмәкәрләрдән, шәһәр гражданнарыннан коллектив һәм шәхси заявкаларны караячаклар, конкурсның район турын үткәрәчәкләр. Җиңүчеләр 10-18 августта узачак конкурсның шәһәр этабында каралачак. Читать дальше...