Путин: Россия икътисады үсеш темпы буенча Европаның әйдәп баручы илләрен узып китә
Россия – Европаның иң зур икътисады һәм үсеш темпы буенча Европа берлегенең барлык әйдәп баручы илләрен узып китә. РФ Президенты Владимир Путин «ВТБ: Россия чакыра» форумында шулай дип белдерде.
«Шул ук вакытта, Россиянең икътисади үсеш структурасында «төп, чимал булмаган тармаклар» зур өлешне били», - дип искәртте Россия лидеры.
Ул эшкәртү производстволары, транспорт, логистика, төзелеш, мәгълүмат, элемтә, торак-коммуналь хуҗалык өлкәләренең шундый тармакларга керүен әйтте.
Элегрәк Путин Россия һәм Согуд Гарәбстаны арасындагы дусларча мөнәсәбәтләрне үстерү өчен берни дә комачаулый алмый дип белдергән иде.