Новости за 24.06.2021

Министрлер кабинети 24-июнда чукул жыйынга чогулуп, Кыргызстанда коронавируска байланышкан абалды талкуулады.

Президент Садыр Жапаров Дүйшөмбү шаарына барып, Тажикстандын президенти Эмомали Рахмон менен жолугат. Чек ара жаңжалынан кийинки анын сапары кызуу талкууга түштү. ИИМ кыздарга тийишкен жигиттерди жети суткага чейин камакка алууну сунуштады. Бул кыз-келиндерди зомбулуктан жана ыдык көрсөтүүдөн сактоо үчүн киргизилет. Ооганстандагы талибдер Тажикстан менен чек арага жакын жайгашкан Кундуз шаарын курчап турат. Wall Street басылмасы эл аралык күчтөр чыгып кеткенден кийинки алты айдын ичинде Ооганстандын азыркы өкмөтү кулашы мүмкүн экенин жазды.

Жогорку Кеңеште депутат Шайлообек Атазовдун фракциялашы Айсулуу Мамашевага жасаган мамилеси талаш-талкуу жаратты. Алар "Ата Мекен" фракциясынын лидерин алмаштыруудан чыккан чырдан улам кайым айтышып, талашып тартышкан. Айрыкча социалдык тармактарда саясатка спорттон келген Атазовдун соңку жоругун айыптагандар, кесиптешинен кечирим сурашын талап кылгандар арбын. Парламенттин 23-июндагы жыйынында "Ата Мекен" фракциясынын депутаты Наталья Никитенко фракциянын лидери алмашканын маалымдап, Сайдулла... Читать дальше...

Ооганстандагы талибдер Тажикстан менен чек арага жакын жайгашкан Кундуз шаарын курчап турушат. Ал арада The Wall Street Journal басылмасы америкалык чалгын кызматтарына таянып, эл аралык күчтөр Ооганстандан чыгып кеткенден кийин алты ай ичинде Кабул өкмөтү кулашы мүмкүн экенин жазды. 25-июнда ооган президенти Ашраф Гани Вашингтондо АКШ президенти Жо Байден менен Ооганстандагы кырдаалды талкуулаганы турат. Ооганстандагы кырдаалды тажик президенти Эмомали Рахмон да Казакстандын жана Өзбекстандын мамлекет башчылары менен талкуулады. Читать дальше...

Кыргызстандын дыйканчылык аймактарында сугат суу тартыш. Токтогул суу сактагычында суу былтыркыдан аз. Мындай шартта кандай чукул чаралар керек? Өзүнө суу жетпей жаткан Кыргызстан тагылган милдетти - Казакстанды жана Өзбекстанды сугат суу менен камсыздоо жөнүндө макулдашууну кантип толук аткара алат?

*** (Мен) мамлекетте кадырлуу адам сыяктуу элем (кадыр-барктуу элем). Мамлекетиме бирге өлгөн эр (мамлекетим үчүн өлгөн эр). (Абалы) начар мамлекеттин кымбаты элем, алп элем. *** Мамлекетимдин урматына өзүмдү (колдоочу тотемимди) таптым. Атам, акылман бегим тапкан кырк кудуреттүү… тууганымды таштабадым (колуман чыгарган жокмун). Каным-мамлекетим, аттиң ай, кайрандарыма, кандай өкүнүчтүү, тойбодум. *** Күрөң жердеги мамлекетим-каныма, кайрандарыма, аттиң ай, туугандарыма, аттиң ай, кайрандарыма, тойбодум, аттиң ай. Читать дальше...

“Кумтөр маселеси” кайра күн тартибине коюлгандан бери Кыргызстандагы жоон топ саясатчы суракка чакырылып, коррупцияга айыпталып камалды. Коомчулукта муну бийликтин коррупцияга каршы аеосуз күрөш катары кубаттагандар да, бийликтин өз таасирин күчөтүү аракети катары сындагандар да болууда.

Улуттук университеттин Ош филиалында пара алуу схемасын уюштурууга шектелип кармалган окутуучу 22-июнда үй камагына чыгарылды. Бул тууралуу "Азаттыкка" Ош облустук сотунун басма сөз катчысы Айпери Туратбек кызы билдирди. Анын айтымында, шектүү 22-июнда окуу жайдын Гуманитардык-табигый илимдер факультетинин деканы кызматынан убактылуу четтетилип, ошол эле күнү Ош шаардык сотунун чечими менен үй камагына чыгарылган. Шектүүгө өлкө аймагынан соттун жана тергөөчүнүн уруксаты жок чыкпоо эскертилген.... Читать дальше...

Москвада COVID-19дан эмделбегендиги үчүн жумушунан четтетилген кызматкерлер ал күндөр үчүн маянасын албайт. Бул тууралуу орус башкалаасынын коронавируска каршы оперативдүү штабынан билдиришти. Ал убакыт эмгек тажрыйбасына да камтылбайт. Мындай чара коронавирустун жайылып кетиши менен байланыштуу. “Роспотребсоюздун” борбор шаар боюнча башкармалыгы  милдеттүү вакцинация тууралуу эреже киргизген. Июндун башынан бери Орусияда коронавирустун жаңы штаммына чалдыккандар кескин өсүп кетти. Ошол эле маалда эмдөө жай жүрүүдө. Читать дальше...

Кыргызстанда 100 000 жаран коронавируска каршы вакцинанын биринчи дозасын алды. Алардын жарымы экинчи дозаны да алып бүтүп калды. Бул тууралуу 24-июнда "Азаттыкка" Республикалык иммунопрофилактикалык борбордун директору Гүлбара Ишенапысова билдирди. Учурда өлкөдө 65 жаштан өткөн жарандар Орусиянын "Спутник-V" вакцинасы менен эмделүүдө. 18ден 65 жашка чейинкилерге сайылчу Кытайдын Sinopharm препараты түгөнгөн. ЮНИСЕФ эл аралык уюму аркылуу жакын арада дагы 75 миң кытай вакцинасы алып келинери расмий кабарланган. Читать дальше...

Дүйнөлүк Саламаттык сактоо уюму балдарды COVID-19 илдетинен эмдесе болорун билдирди. Жаңыланган маалымат уюмдун сайтында жарык көрдү. Апта башында дүйнөлүк уюм балдар менен өспүрүмдөрдү коронавируска каршы эмдөөгө болбойт деп айтып келген. Анткени,  вакцинанын бул топко кандай таасир этери тууралуу жетиштүү изилдөөлөр жок. Жаңыланган сунуштарда 12 жаштан чоң балдарды Pfizer препараты менен эмдесе болоору айтылат. Мындай бүтүмгө Эксперттердин стратегиялык кенешме  тобу келди. Муну менен катар... Читать дальше...

Түркия өкмөтү Баткенде бош жаткан 1000 гектар жерге мөмө-жемиштин бир нече түрүн өстүрүүгө жана анын түшүмүн кайра иштетүү үчүн ишкана ачууга көмөктөшөт. Мындай маалымат Түркиянын Кыргызстандагы элчиси Ахмет Садык Доган Баткенге барганда белгилүү болду. Министрлер кабинетинин Баткендеги өкүлчүлүгү тараткан маалыматта Түркия кол кабыш кыла турган каражаттын көлөмү жана аны ишке ашыра турган убактысы айтылган эмес. Кыргыз-тажик чек арасындагы соңку куралдуу жаңжалда кыргыз тараптан 36, тажик тараптан 19 адам курман болгон. Читать дальше...

Канада жана дагы бир нече өлкө БУУнун адам укуктары боюнча кеңешинде Кытайдан Шинжаңга көз карандысыз байкоочуларга барууга уруксат берүүнү талап кылышты жана Бээжинди уйгурлардын дискриминациясы үчүн айыпташты. Женевада башталган сессияда Канаданын өкүлү адам укуктары боюнча жогорку комиссар Мишель Бачлет 2018-жылдан бери Кытай бийлигинен Шинжаңга барып кетүү уруксатын ала албай жатканын белгиледи. Ошондой эле, Канада ал аймактагы лагерлерде отурган миллиондогон уйгурлардын абалына, алар кабылган ырайымсыз мамилеге тынчсызданарын айтты. Читать дальше...

Июнь айынын башында сот чечими менен Бишкек шаарынын мурдагы вице-мэри Мирлан Амантуровго козголгон кылмыш иши кыскартылды. Анын мэриядагы коррупциялык схемага тиешеси бар экени айтылган. Амантуровдун иши УКМКда тергелип жаткан учурда атайын кызматтын имаратын айланта асфальт төшөлүп жатты. “Азаттык” бул эки окуянын байланышын, Амантуровдун мэрияда иштеп турган учурдагы топтогон эбегейсиз байлыгын иликтеп чыкты.

Уйгур жамаатынын укугун коргогон адвокаттар Эл аралык Кылмыш сотуна Тажикстандын бозгундагы мусулман тектүү адамдарды Кытайга кайтарууга көмөктөшкөнү боюнча жаңы далилдерди жолдоду. Эл аралык соттун кеңсесине келип түшкөн документте Тажикстан менен катар Камбоджа да көрсөтүлгөн. Түштүк Азиядагы бул өлкө да уйгур улутундагы адамдарды кармап, Кытайга экстрадициялап турган деп шек саналууда. Тажикстан менен Камбоджа Эл аралык Кылмыш сотунун мүчөсү. Ал эми Кытай болсо бул уюмга кошулган эмес. Ошондуктан... Читать дальше...

Ооганстандагы талибдер Тажикстан менен чек арадагы Кундуз шаарынын жака белине жакындашты жана тажик аймагы менен байланыштырган өткөөлдү кармап турушат. Согушкерлер акыркы жумаларда улам бир районду өз көзөмөлүнө алып келатышат. Шаршембиде Конгрессте сүйлөп жатып, АКШ куралдуу күчтөрүнүн биргелешкен штабдарынын кол башчысы, генерал Марк Милли 419 райондук борбордун 81и козголоңчулардын колуна өткөнүн билдирди. Анын айтымында, алар 60 борборду былтыр, америкалык аскерлерди Ооганстандан чыгаруу жараяны баштала электе басып алышкан. Читать дальше...

Кыргызстандын президенти Садыр Жапаров 27-28-июнь күндөрү расмий сапар менен Түркмөнстанда болот. Президенттик аппарат мамлекет башчысы Ашхабадда түркмөн президенти Гурбангулы Бердымухаммедов менен жолугушуп, эки тараптуу, эл аралык, регионалдык кызматташтыкты талкуулай турганын кабарлады. Андан ары Жапаров 28-29-июнь күндөрү Тажикстанга расмий сапар жасайт. Тажик президенти Эмомали Рахмон менен эки тараптуу кызматташтык жана чек ара маселесин сүйлөшөт. Садыр Жапаров буга чейин Борбор Азиядагы... Читать дальше...

25-июнда түнкүсүн Чүй, Талас, Ысык-Көл облустарынын кээ бир райондорунда, Ош, Жалал-Абад облустарынын тоолуу аймактарында өткүн өтөт. Эртең менен жана күндүз Чүй, Талас, Ысык-Көл, облустарынын көпчүлүк аймактарында, Баткен, Нарын облустарынын  кээ бир райондорунда, Ош, Жалал-Абад облустарынын тоолуу жерлеринде жаан-чачын болот. Тоолуу райондордо сел жүрүшү мүмкүн. Абанын табы: Ош, Баткен, Жалал-Абад облустарында түнкүсүн 15...20, күндүз 33...35, Чүй өрөөнүндө түнкүсүн 13...18, күндүз 21...26... Читать дальше...

UFC уюмунун YouTube каналына ирландиялык мушкер Конор Макгрегордун америкалык Дастин Порье менен болгон экинчи беттеши жарыяланды.

Кыргызстандын президенти Садыр Жапаров расмий сапар менен 28-29-июнда Тажикстанга барат. Бул тууралуу президенттик аппараттын басма сөз кызматы маалымдады. Дүйшөмбүгө барганда Жапаров тажик президенти Эмомали Рахмон менен эки тараптуу кызматташтыкты талкуулайт.  Буга чейин Тажикстандын Тышкы иштер министрлиги Жапаровдун сапарын чагылдыруу үчүн журналисттерди аккредитациядан өтүүгө чакырган. Бул сапар кыргыз-тажик чек арасындагы куралдуу жаңжалдан кийин эки өлкө президенттеринин биринчи жолугушуусу болот. Читать дальше...

Ысык-Көл облусунда чек арачылар кабылган аварияда машинаны айдап бараткан аскер каза болду. Улуттук коопсуздук мамлекеттик комитетинин (УКМК) Чек ара кызматынан кабарлашкандай, кырсык 23-июнда Сөөк ашуусунда болгон. Жүк ташуучу автоунаа менен үч аскер жүк алып баратканда автоунаа капталга оодарылып кеткен. Жол кырсыгынын чоо-жайы иликтене баштады. Кыргызстанда июнь айынын ортосунда эки күндө жол кырсыктарынан кеминде 15 адам ажал таап, ондон ашык киши жаракат алган. Мерт болгондордун, жабыркагандардын арасында жаңы төрөлгөн ымыркай... Читать дальше...

24-июнда Бишкек шаардык соту президенттин аппаратынын мурдагы башчысы Данияр Нарымбаевдин бөгөт чарасын карап, аны камакта калтыруу чечимин чыгарды. Буга чейин Нарымбаевди камакта калтыруу боюнча Биринчи май райондук соту чечим чыгарып, адвокаттар шаардык сотко даттанган эле. 9-июнда Улуттук коопсуздук боюнча мамлекеттик комитет Данияр Нарымбаевди “Кумтөр ишине” байланыштуу айыптап, “Коррупция” беренеси менен кылмыш ишин козгогон. Биринчи май райондук соту аны тергөө бүткүчө камакта калтырган. Читать дальше...

Түркиянын Turcovac вакцинасынын үчүнчү фазасы Кыргызстанда да сыналат. Бул тууралуу 23-июнда өлкөнүн саламаттык сактоо министри Фахреттин Кожа басма сөз жыйынында билдирди. "Вакцинаны сыноонун үчүнчү фазасына 40 800 ыктыярчы катышат. Изилдөө Венгрияда, Азербайжанда жана Кыргызстанда жүргүзүлөт. Биз сыноого дагы бир нече өлкөлөрдү кошууга аракет кылып жатабыз" - деди Кожа. Кыргызстандын Саламаттык сактоо жана социалдык өнүктүрүү министрлигинин өкүлү Гүлбара Ишенапысова бул тууралуу азыр маалымат жоктугун айтты. Читать дальше...

Орусиянын президенти Владимир Путин Рамзан Кадыровго дагы бир жолу Чеченстандын президенти болууну сунуш кылды. "Интерфакс" кабарлагандай, 23-июнда Путин Кадыров менен видеобайланышта сүйлөшүп, Чеченстанды Орусия Федерациясынын эң коопсуз аймактарынын бири деп атады. Мында Кадыровдун эмгеги зор экенин белгиледи. Чеченстанда президенттик шайлоо сентябрда өтөт. Орусиялык укук коргоочулар, Европа Биримдиги жана АКШ соңку жылдары Чеченстанда адам укуктарына байланыштуу жагдай кескин начарлап кеткенине тынчсызданып келатышат. Читать дальше...

Кыргызстанда соңку бир суткада дагы 822 кишиге коронавирус жукканы аныкталды. Дагы беш бейтап көз жумганын COVID-19га каршы Республикалык штаб 24-июнда кабарлады. Ооруканада жаткан 2600дөн көбүрөөк адамдын 120сынын абалы өтө оор, 800дөн көбү оор абалда. Саламаттык сактоо жана социалдык өнүктүрүү министрлиги кабарлагандай, өлкөдө COVID-19 вирусун жуктургандардын расмий эсеби 24-июнда 118 106 кишиге жетти. Алардын 107 миңге жакыны айыгып, 1 958и каза болду. Кыргызстанда коронавирустун үчүнчү толкуну курчуп... Читать дальше...