د نورستان ځنګل کې د اور وژنې لپاره طالبانو له چين د مرستې غوښتنه کړې

د نورستان په نورګرام ولسوالي کې په ځنګله کې د لګېدلي اور نن نهمه ده چې لا هم نه دی مړ شوی.


د طالبانو حکومت په دې تړاو له چین څخه د مرستې غوښتنه کړې ده.


د طالبانو د بهرنیو چارو د وزارت مرستیال شیرمحمد عباس ستانکزي د چین د سفارت له شارژدافیر دینګ ینان سره په کابل کې په دې تړاو نن خبرې وکړې.


د طالبانو د سرچینو په وینا ښاغلي ینان ژمنه وکړه چې په دې اړه به له خپلو چارواکو سره خبرې وکړي.