کندهار کې د ازادو مبارزو سيالۍ پيلېږي
د طالبانو په مشرۍ د افغانستان د بدني روزنې او ورزش ادارې پر خپلې فېسبوک پاڼې لیکلي دي، چې په پلان کې لري په کندهار کې د پنځو ولایتونو فراه، نیمروز، هلمند، هرات او کوربه کندهار ولایتونو د لوبغاړو ترمنځ د ازادې مبارزې د MMA څانګې سیالۍ پيل کړي.
یادې ادارې وړاندې لیکلي، چې د کندهار د ورزش ریاست او MMA فدراسیون د دې لوبو لپاره په تیاري بوخت دي چې د روانې غبرګولي میاشتې په ۳۰مه نېټه به پیل شي.
د پنځو ولایتونو ترمنځ د ازادو مبارزو سیالۍ به د کندهار ولایت په دولتي جمنازیوم کې وشي.