کندهار: څاه ته لوېدلې مېرمنې ساه ورکړه
په کندهار کې د طالبانو د اطلاعاتو او کلتور مرستیال شمس صمیم وایي، د دې مېرمنې د ژغورنې په عملیاتو کې ونه توانېدل چې هغه ژوندۍ وژغوري.
د ښاغلي صمیم په وینا د لومړنیو معلوماتو پر اساس معلومه شوې چې دا مېرمن د تاوتریخوالي له امله له کوره وتلې او د ځان وژنې په هڅه یې ځان برمې ته غورځولی و.
د نوموړي په وینا د پېښي د تحقق لپاره د دې مېرمنې خاوند نیول شوی دی.
خو له دې سره سره د افغانستان په جنوبي ولایتونو کې ژورو څاګانو ته د ماشومانو د لوېدو پېښې بیا بیا کېږي ځکه چې د دې ډول څاګانو جوړوونکي پر خپلو څاګانو د خوندیتوب لپاره سرپوښ نه ږدي.