ډېوېک اوريګي له لېورپول لوبډلې لاره بېلوي
ډېوېک اوريګي له لېورپول فوټبال لوبډلې لاره بېلوي.
لېورپول لوبډلې نن پر خپله ټوېټر پاڼه ولیکل، چې د دې لوبډلې لوبغاړی ډېوېک اوريګي به د جون میاشتې په پای کې د تړون له ختمېدو سره له دې لوبډلې بېل شي.
دا به د لېورپول اوم لوبغاړی وي، چې په نېږدې راتلونکي کې له دې لوبډلې لار بېلوي.
۲۷ کلن اوریګي به د اي سي میلان فوټبال لوبډلې سره یو ځای شي.
اوریګي که څه هم پرلپسې لېورپول لوبډلې ونه لوباوه خو بیا یې هم په کړیو لوبو کې د خپلې لوبډلې لپاره ځیني یادګاري ګولونه وهلي دي.