اوکراين: زاپوريژيا سيمه کې د روسي ځواکونو د پرمختګ مخه نيول شوې
د اوکرایین ولسمشر ښاغلي زلنسکي بېګا ناوخته په یوه ویډیويي پیغام کې د سویل ختیځ زاپوریژیا سیمې څخه د مثبتو خبرونو یادونه وکړه او ويې ویل د اوکرایین ځواکونو د روسي ځواکونو د پرمختګ مخه نیولې چې هڅه یې کوله د سیمې د بشپړې تصفیې لپاره خپل عملیات پیل کړي.
زلنسکي زیاته کړه چې اوکرایني ځواکونه په تدریجي ډول د خارکیف په سیمه کې پرمختګ کوي او د هغه په خبره زموږ ځمکه آزادوي.
زلنسکي همدا راز خبر ورکړ چې هغه د فرانسې له ولسمشر ایمانویل مکرون سره په لومړۍ لیکه کې د وضعیت او په راتلونکو ورځو او اوونیو کې د جګړې د احتمالي شدت اخیستلو په اړه خبرې وکړې.
دوی په اروپایی ټولنه کې د شاملېدو لپاره د اوکراین د غوښتنې او د اوکراین او ټولې اروپا لپاره د امنیت د تضمین په اړه هم خبرې کړي.