په ارزګان کې د الفت لوبډله د فوټبال سیالیو اتله شوه
د افغانستان د بدني روزنې او ورزش ادارې نن یکشنبه پر خپله فېسبوک پاڼه لیکلي دي، چې دا سیالۍ د ارزګان ولایت په مرکز ترېنکوټ کې د فوټبال د ۸ غوره لوبډلو ترمنځ وشوې.
د دې سیالیو پایلوبې ته استقلال او الفت لوبډلې وتلې وې چې الفت لوبډلې د یوه ګول په وهلو سره دا لوبه په خپله ګټه تمامه کړه او د دې سیالیو اتله لوبډله شوه.
د بدني روزنې او ورزش ادارې ویلي دي چې دا سیالۍ د یونېسیف موسسې په مالي ملاتړ له دې پیغام سره چې خپل ماشومان یو ځل بیا باید ښوونځي ته ولېږو، وشوې.