پکتيکا کې بيا ځلې زلزلې نن ۵ تنه مړه کړل
د دغه وزارت ویاند ډاکتر شرافت زمان ویلي، په دغې زلزله کې تر ۱۱ زیات نور کسان ټپیان شوي دي.
د امریکا د جیولوژي سروې ادارې ویلي چې د نن ورځې د دغې زلزلې قدرت ۴،۳ ریښتر درجې و.
دا په داسې حال کې ده چې د طالبانو د چارواکو په وینا، د افغانستان په پکتیکا او خوست ولایتونو کې د چهارشنبې سهار وختي زلزلې امله شا او خوا زر تنه وژل شوي او سلګونه نور ټپيان شوي دي.
خپلواکو سرچینو تر اوسه دا شمېرې نهدي تأیید کړي.
د طالب چارواکو په وینا د دغې زلزلې تر ټولو ډېر زیان د پکتیکا ولایت ګیانې او برمل ولسوالیو ته رسېدلی دی.