ملګرو ملتونو پکتیکا او خوست ته د مرستو کاروان لېږلی
یوان اچ سي آر په یوه ټویټ کې ویلي، چې دا اداره د افغانستان په جنوب ختیځ کې په زلزله ځپلو لرې پرتو سیمو کې د عاجلې سرپناه تشه ډکوي.
د ملګرو ملتونو د کډوالو عالي کمېشنرۍ ویلي، چې د خوست په سپېرې او د پکتیکا په برمل ولسوالیو کې کورنۍ د دوی ملاتړ ته اړتیا لري.
د تېرې چهارشنبې د ورځې د سهار وختې مرګونې زلزلې پر دغو دوو ولسوالیو سربېره د پکتیکا په ګیان کې هم خلکو ته ډېر درانه ځاني او مالي زیانونه اړولي دي.