Новости за 25.03.2022

Birleşen Ştatlaryň prezidenti Jo Baýden Türkmenistanyň prezidenti Serdar Berdimuhamedowa Nowruz baýramy mynasybetli gutlag hatyny iberdi. Baýden Berdimuhamedowy prezident wezipesi mynasybetli gutlamady. Saýlaw düzgün bozmalary bilen geçirilen irki prezident saýlawlarynyň yz ýany, Türkmenistanyň Merkezi saýlaw topary öňki prezident Gurbanguly Berdimuhamedowyň ogly Serdar Berdimuhamedowy 73 % töweregi ses bilen ýeňiji yglan etdi.

Golaýda Azatlyk Radiosy Aşgabadaky Teke bazaryň golaýynda ýerleşýän ýaşaýyş jaýlarynyň häkimiýetler tarapyndan ýykylýandygyny habar berdi. Azatlygyň habarçysy 25-nji martda jaýlary ýykylýan raýatlara Büzmeýinden jaý berilýändigini habar berdi.

25-nji martda Russiýanyň Ukraina garşy başlan sebäpsiz urşy ikinji aýyna girdi. Bu aralykda, söweşleriň möwjemegi bilen, günbatar ýaranlary Kiýewe has köp harby goldaw wada berip, Moskwa garşy ýene bir topar sanksiýa girizdi. Prezident Wolodymyr Zelenski Ukrainany goldamakda we Russiýa garşy sanksiýa girizmekde bilelikde işlänligi üçin NATO hem-de Ýewropa Bileleşigine minnetdarlyk bildirdi, ýöne ol bu çäreleriň biraz öň görülmändigini, eger şeýdilen bolsa, Russiýanyň goňşy ýurda goşun sürmezinden... Читать дальше...

Türkmen häkimiýetleri 23-nji martda Ahal, Balkan, Lebap we Mary welaýatlarynyň pagtaçylarynyň gowaça ekişine girişendiklerini yglan etdiler. Emma lebaply daýhanlar şol gün döwlet telewideniýesinde hamala gowaça ekişine badalga berilendigi baradaky reportažlar üçin üç gün öňünden ýazgy edilendigini we birnäçe günläp ýagan güýçli ýagynlaryň netijesinde ýurduň gündogar welaýatynyň köp sebitlerinde meýdanlaryň entek ekişe asla-da taýýar edilmändigini bellediler.

Musulmanlar üçin mukaddes hasaplanýan Oraza aýynyň öň ýany, galyberse-de, Serdar Berdimuhamedowyň prezident wezipesini eýelemeginiň yz ýany gowşadylýan pandemiýa çäklendirmeleriniň arasynda, Türkmenistanda metjitleriň gaýtadan açylmagyna garaşylýar.

Türkmenistanyň mekdeplerinde ýokary klas okuwçylarynyň, hususanda gyzlaryň arasynda “ahlak terbiýäni ýokarlandyrmaga” gönükdirilýändigi aýdylýan sapaklar ýene-de gün tertibine getirildi. Bu işlere çekilen terbiýeçileriň käbiri ýaşlar üçin zerur hasaplanýan jynsy terbiýäni öwretmegiň, munuň bilen bagly ýüze çykyp biljek meseleler barada habarly etmegiň deregine, häkimiýetleriň diňe dini wagyz-ündewler, şeýle-de sosial ulgamlara garşy çykyşlar bilen çäklenýändiklerini belleýär.

Aşgabatdyň aýdym-saz söýüjileri, Nowruz baýramyny aýdym-saz toparlarynyň konsertlerine gatnaşyp, bellemek mümkinçiligine eýe boldular. Azatlygyň habarçysy 19-njy we 23-nji martda geçirilen iki sany konserte tomaşa etdi we özünde galan täsirlerini paýlaşdy.

Gazagystanyň kazyýeti iki oppozisiýa toparynyň tarapdarlaryna garşy dowam edýän basyşlaryň çäginde, Gazagystanyň gadagan edilen Demokratik saýlawyny (DVK) we onuň egindeşi, hasaba alynmadyk Koşe (Köçe) partiýasyny aç-açan goldamakda aýyplap, bir aktiwisti üç ýyl azatlykdan mahrum etdi. Demirgazyk-günbatar Oral şäheriniň kazyýeti 24-nji martda, 2020-2021-nji ýyllarda DVK we Koşe partiýalary tarapyndan guralan rugsat berilmedik protestleri gurnamakda we oňa gatnaşmakda günäkär tapanyndan soň, Murat... Читать дальше...

Ukrainanyň adam hukuklary bovunca ygtyýarly wekili Lýudmila Denisowa Moskwany Ukrainanyň weýran edilen şäherlerinden çykmaga çalyşýan ýüzlerçe müň adamy mejbury ýagdaýda Russiýa iberip, soň olary Kiýewiň boýun egmegine basyş etmek üçin ulanmak niýetinde aýyplaýar. Denisowa 25-nji martda 402,000 adamyň, şol sanda 84,000 çaganyň, öz isleglerine garşy ýagdaýda, Russiýa alnyp gidilendigini, olaryň Moskwa tarapyndan “zamun” alnyp, Ukrainanyň boýun egmegi üçin ulanylmagynyň ähtimaldygyny aýtdy. Kreml... Читать дальше...

ABŞ-nyň prezidenti Jo Baýden Brýusselde Russiýanyň prezidenti Wladimir Putiniň Ukraina hüjüm etmezinden ozal Günbataryň bu ýurdy goldamakdaky aýgytlylygyna kembaha garandygyny we Günbatar döwletleriniň Moskwa garşy sanksiýa girizmekde, ukrain goşunyna harby goldaw bermek meselesinde beýle jebis bolup biljekdigini hasaba almandygyny aýtdy. Baýden Brýusselde NATO-nyň, ÝB-niň we G7 ýurtlarynyň 24-nji martda geçirilen sammitlerinden soň guralan metbugat ýygnagynda ruslaryň Ukraina çozmagynyň diňe Belgiýanyň... Читать дальше...

BMG Baş Assambleýasy Ukrainadaky parahat ilatyň we raýat infrastrukturasynyň goralmagyny we urşuň haýal etmän togtadylmagyny talap edýän karar kabul etdi. Bu kararyň hökmany güýji ýok. BMG-niň Nýu-Ýorkdaky baş edarasynda, 24-nji martda tassyklanan karara 193 agzaly assambleýada 140 ýurt goldaw bildirdi; dört ýurt - Siriýa, Belarus, Demirgazyk Koreýa we Eritreýa Russiýa goşulyp, bu karara garşy ses berdi, 38 ýurt bolsa ses bermekden saklandy. Rezolýusiýa "Russiýa Federasiýasynyň Ukraina garşy duşmançylygyň... Читать дальше...

Söweşleriň möwjemegi bilen, 25-nji martda Russiýanyň Ukraina garşy başlan sebäpsiz urşy ikinji aýyna girdi,  günbatar ýaranlary Kiýewe has köp harby goldaw wada berip, Moskwa garşy ýene bir topar sanksiýa girizdi. Prezident Wolodymyr Zelenski Ukrainany goldamakda we Russiýa garşy sanksiýa girizmekde bilelikde işlänligi üçin NATO hem-de Ýewropa Bileleşigine minnetdarlyk bildirdi, ýöne ol bu çäreleriň biraz öň görülmändigini, eger şeýdilen bolsa, Russiýanyň goňşy ýurda goşun sürmezinden öň mazaly oýlanmaly bolmagynyň ähtimaldygyny belledi. Читать дальше...