Britan media düzgünleşdirijisi RT telekanalynyň ýurtdaky ygtyýarnamasyny ýatyrýar

Angliýanyň metbugat düzgünleşdirijisi Ofcom Russiýanyň RT telekanalynyň Angliýada gepleşik bermek ygtyýarnamasyny “derhal güýje girmek” görkezmesi esasynda ýatyrandygyny aýtdy.


Ofcom 18-nji martda öz web sahypasynda ýerleşdiren beýanatynda bu çäräni "RT ygtyýarnamasy bolan ANO TV Novostiniň Angliýanyň ýaýlym ygtyýarnamasyna laýyk we dogry diýlip hasaplanmazlygy" bilen düşündirdi.


Ofcom bu karary RT-niň Russiýanyň Ukraina çozmagy bilen bagly habarlary näderejde bitarap berýändigine seredýän 29 işiň derňelýän wagtynda kabul edendigini aýtdy. 


Şeýle-de beýanatda Ofcom "gysga wagt içinde dörän soraglaryň tebigatynyň uly alada döredýändigini" aýtdy.


Mundan başga, Ofcom RT-nyň mundan öňki düzgün bozmalaryna, bitaraplyk kadasyny bozandygy üçin oňa £200,000 jerime salnandygyna salgylandy.


“Roýters” habar gullugy RT salgylanyp, telekanalyň Ofcomy özüne “galp çemeleşmekde” aýyplandygyny habar berdi.