Новости за 08.06.2021

АКШ президенти Жо Байден дүйшөмбүдө украин мамлекет башчысы Владимир Зеленский менен телефондон сүйлөштү. Бул тууралуу Ак Үйдүн улуттук коопсуздук боюнча кеңешчиси Жэйк Салливан билдирди. Маалыматка караганда, Байден Зеленскийди быйыл жайында Вашингтонго келип кетүүгө чакырды жана Украинанын суверенитетин колдооруна дагы бир жолу ишендирди. "Reuters"  агенттиги украин президентинин кеңешчисине шилтеме менен билдиргендей, лидерлер АКШ жана Орусия президенттеринин жолугушуусу алдында өз позицияларын координациялашты. Читать дальше...

Баткен районундагы Достук айылынын жашоочулары чек арадагы кырдаал курчуган сайын айылдан качып чыгууга мажбур. Алар 4-июнда дагы үйүндө түнөгөн жок. Бул күнү Чоң-Алайдагы кыргыз-тажик чек арасында түшүнбөстүктөр жаралган эле. 29-апрелдеги жаңжалдан кийин айылдан көчүп кетүүнү каалгандар көп. Буга бир гана чек арадагы чыңалуу эмес, айылдын көйгөйлөрү жагы себеп.

Адвокат Амантур Абдрахманов кардары, мурдагы премьер-министр Өмүрбек Бабановдун бөгөт чарасына байланыштуу Бишкек шаардык сотко арыз жазды. “Шаардык соттон Бабановдун бөгөт чарасын кайра карап берүүнү өтүндүк. Биз аны үй камагына чыгарууну же эч жакка кетпөө шарты менен камактан бошотууну сурап жатабыз. Мыйзамга ылайык, биздин арызыбыздын негизинде азыр анын бөгөт чарасы гана каралат. Ал эми Бабановдун кармалышы мыйзамсыз экенин сотто далилдеп беребиз”, - деди Абдрахманов. Адвокаттын айтымында... Читать дальше...

БУУнун Гаагадагы трибуналы Босния армиясынын мурдагы кол башчысы Ратко Младичтин апелляциялык арызын караганы жатат. “Босниянын касапчысы” деген атка конгон Младич 1992-95-жылдары Босния-Герцеговинадагы уруш маалындагы  геноцид, адамзатка каршы кылмыштар жана согуш кылмыштары үчүн айыпталган жана 2017-жылы өмүр аягына чейин кесилген. Ага коюлган айыптардын арасында Сребреница шаарчасындагы сегиз миңдей мусулман эркекти, өспүрүм балдарды өлтүрүү операциясы да бар. 78 жаштагы Младич күнөөсүз экенин айтып... Читать дальше...

Мурдагы президент Аскар Акаевдин жакындарын “Кумтөрдөн” миллиондогон доллар пара алууга шек санаган чуулгандуу иштерди 2013-жылы ошондогу башкы прокурор Аида Салянова түзгөн тергөө тобу аныктаганы белгилүү. Бирок ал кызматтан кеткенден кийин аталган иштердин көбү соттон кыскарып кеткен. Айдар Акаевге, экс-премьер-министр Николай Танаевге жана бир топ мурдагы кызмат адамдарына козголгон кылмыш иштери “Кумтөрдү” иликтеген мамлекеттик комиссиянын соңку корутундусунда белгиленди. Мурдагы башкы прокурор... Читать дальше...

Ош шаарында 8-июндан Алишер Навои атындагы мектептин спорт залында коронавируска кабылгандарды тейлеген күндүзгү стационар иштей баштады. Бул тууралуу "Азаттыкка"  мэриядан билдиришти. Стационарда 30 кишилик орун даярдалган.  "Күндүзгү стационарлар ачыла баштады. Ошто коронавируска байланыштуу абал оорлошуп баратат. Шаардагы жугуштуу оорулар ооруканасында бүгүнкү күнгө карата 142 адам дарыланып жатат. Алардын ичинен сегизи өтө оор, 94ү оор, калганы орто абалда. Бир киши бүгүн каза болуп калды",-деди... Читать дальше...

Бишкекте 11 жаштагы Айтурган Садыкова изделүүдө. Ал 6-июнда Нарын облусунун Кочкор районуна караштуу Арзы айылында жоголгон. Үйдөн ошол кыштактагы чоң атасыныкына барам деп чыгып кеткен бойдон дайынсыз. Атасы Рустам Момунов учурда кызын Бишкек шаарында издеп жатканын "Азаттыкка" билдирди. Кыздын жоголгону тууралуу ата-энеси Кочкордогу милицияга кайрылышкан. Күч кызматкерлери Кочкордун автобекетиндеги видеокамералардан кыз Бишкекке карай бараткан маршруткага түшүп кетишкенин аныкташкан. Айтурган Садыкованы көрүп-билгендер болсо... Читать дальше...

Президенттик аппарат Министрлер кабинетинин төрагасынын мурдагы орун басары – мурдагы санариптик өнүктүрүү министри Азамат Дыйканбаевдин кайрылуусуна жооп берди. Анда "Бул иштеги тараптар тергөөнүн жүрүшүн жана коомдук пикирди өздөрүнө ыңгайлуу болгондой бурмалабашы маанилүү. Компетенттүү органдар келип чыккан бардык жагдайларды эске алуу менен акыркы чекитти коюшу керек", деп айтылат. Ири өлчөмдө пара талап кылууга шек саналып кармалган Азамат Дыйканбаев адвокат Кайсын Абакиров аркылуу президентке 7-июнда ачык кат жолдогон. Читать дальше...

Кыргызстандын Улуттук коопсуздук мамлекеттик комитети кыргыз-казак чек арасындагы көзөмөл пунктунан тышкары жерден жарандарды мыйзамсыз өткөрүү боюнча туруктуу канал түзгөндөрдү кармаганын кабарлады. Мекеменин маалыматына караганда, Талас облусунун Манас районунун үч тургуну чек араны көзөмөл пунктунан тышкары жерден жарандарды мыйзамсыз алып өтүүгө акча каражаттарын алып өткөрүү боюнча туруктуу канал түзүп алышканы аныкталган. Шектүүлөр УКМКнын жана чек ара тозотунун кызматкерлери тарабынан кармалган. Читать дальше...

Коронавирус Кыргызстанда 107 медицина кызматкеринин өмүрүн алды. Илдет аларга иш учурунда жуккан. Бул тууралуу Саламаттык сактоо жана социалдык өнүктүрүү министрлигинен 8-июнда "Азаттыкка" билдиришти. Өлкөдө COVID-19 илдети 2020-жылдын мартында аныкталып, андан бери 107 миңден ашуун адам ооруга чалдыкты. Алардын беш миңдейи медиктер. Расмий эсепте жалпы ооругандардын 1900гө жакыны каза болду. Кыргызстандын Министрлер кабинети өлкөдө коронавирус илдетинен каза болгон медицина кызматкерлерине Бишкек шаарында эстелик тургузууну көздөп жатат.

Түркиянын Кыргызстандагы мурдагы элчиси Метин Кылыч эки өлкөнүн алака-катышы, 30 жылдык мамиленин оош-кыйышы тууралуу "Азаттыктын" суроолоруна жооп берди. - Метин мырза. 30 жыл мурда Түркия Кыргызстандын эгемендигин биринчилерден болуп таанып, тилектештигин билдирген. Андан бери далай жардамын, колдоосун көрсөттү. Эки өлкөнүн учурдагы мамилесин кандай баалайсыз? - Борбор Азия чөлкөмүндө Кыргызстан Түркия менен мамилеси эң бекем өлкө. Себеби, Түркиянын Кыргызстан менен мамилеси - Борбор Азиянын... Читать дальше...

Кыргызстанда соңку бир суткада COVID-19 илдетинен жети киши каза болду. 379 адамдан жаңы аныкталды. Мындай маалыматты саламаттык сактоо жана социалдык өнүктүрүү министринин орун басары Жалалидин Рахматулаев Коронавируска каршы ыкчам штабдын жыйынында билдирди. Каза болгондордун бардыгы Бишкек шаарында катталды. Муну менен өлкөдө вирустан көз жумгандардын жалпы саны 1859 адамга жетти. 5-июнга карата соңку бир күн ичинде COVID-19дан 311 адам сакайып чыкты. Жалпысынан республика боюнча коронавирусту 107 714 киши жугузду. Читать дальше...

Улуттук коопсуздук мамлекеттик комитетинин (УКМК) тергөө абагында отурган мурдагы премьер-министр Мухаммедкалый Абылгазиев ооруканага түштү. Ал учурда Бишкектеги "Бикард" жеке менчик бейтапканасында дарыланууда. Аталган медициналык мекемеден кабарлашкандай, Абылгазиев жүрөк -кан тамыр ооруларын дарылап жатат. УКМК бул маалыматка комментарий бере элек. Абылгазиев 26-январда кармалган. Ал коррупцияга жана мыйзамсыз баюуга шек саналууда. Майдын соңунда сот аны камактагы мөөнөтүн 26-июлга чейин узарткан. Читать дальше...

Турнир Кыргызстандын Көк бөрү улуттук федерациясынын эрежеси менен өтөт. Жеңүүчүлөр Чыңгыз Айтматов атындагы кубок жана уюштуруу комитетинин белектери менен сыйланат.