د چین د بهرنیو چارو وزیر وايي، هېواد یې د منځنۍ اسیا له هېوادونو سره د افغانستان د مسلو د هواري لپاره همږغي کوي. وانګ يي پرون (چهارشنبې) د قزاقستان په پلازمېنه نورسلطان کې د چین او منځنۍ اسیا په غونډه کې وویل، د سیمې هېوادونه به امنیتي ستونزې حل کړي. چین او د منځنۍ اسیا څلور هېوادونه لکه قزاقستان، قرغیزستان، ازبکستان او ترکمنستان له ۲۰۲۰ م کال راهیسې د پیکینګ په نوښت د سیمه ییزې همکارۍ د پراختیا لپاره د منځنۍ اسیا – چین غونډې جوړوي.
د ترکیې او روسیې د بهرنیو چارو وزیرانو پرون (چهارشنبې) په انقره کې د افغانستان او اوکراین په اړه خبرې وکړې. له دې خبرو وروسته د ترکیې د بهرنیو چارو وزیر مولود چاوش اوغلو له خپل روسي ساري سرګې لاوروف سره خپله کتنه ګټوره وبلله او ویې ویل چې روسیه له اوکراین سره د خبرو بیا پیلېدو ته لېوالتیا لري. ده ونه ویل چې د افغانستان په اړه یې له لاوروف سره دقیقاً په کومو مواردو خبرې کړي دي.
د بخښنې نړیوال سازمان له طالبانو وغوښتل چې افغان یوټیوب چلوونکي اجمل حقیقي او د هغه همکاران ژر تر ژره خوشي کړي. دې سازمان پرون (چهارشنبې) په یوه اعلامیه کې د دغو کسانو نیونه د بیان پر ازادۍ بربنډ برید او د نړیوال قانون ښکاره سرغړونه بللې ده. د بخښنې نړیوال سازمان ویلي چې طالبان دا کسان باید سمدستي خوشي او د هغو خلکو چې غواړي نظر څرګند کړي، نظرونه سانسور نهکړي. په اعلامیه کې د بخښنې د نړیوال سازمان د اسیا د برخې د غړې سمیرا حمیدي په قول ویل شوي، طالبانو له واک ته رسېدو وروسته له خلکو سره زور زیاتی کړی، ځورولي او ربړولي دي. Читать дальше...
د ایټالیا د باندنیو چارو وزیر لویجي دي مایو پرون (چهارشنبې – د جون ۸ مه) په روم کې د ملګروملتو د خوړو او کرنې د پروګرام کنفرانس ته وویل، د روسيې لخوا د غنمو د صادراتو بندول د نړۍ د ميليونونه ښځو، ماشومانو او نارينو يرغمل کول دي. نوموړي وويل: "غواړم په زغرده ووایم چې موږ له روسیې د یوې نښې تمه لرو ځکه چې د غنمو د صادراتو بندول د میلیونونو ماشومانو، ښځو او نارینه وو د یرغمل کولو او په مرګ محکومولو معنا لري. ایټالیا به د حللارو د موندلو او د غذايي امنیت د تضمینولو په لومړۍ کرښه کې وي." د ملګروملتو... Читать дальше...
د بریتانیا د اپوزیسیون یو مشر ډوید لمې پرون کابل ته لاړ چې په افغانستان کې د بشري بحران د پراخوالي وضعیت له نژدې وویني. ډیوید لمې، چې د اپوزیسیون له لورې د بهرنیو چارو متبادل وزیر دی، لومړنی بریتانیايي سیاستوال دی چې د تېر کال په اګست کې د طالبانو له واک ته رسېدو وروسته افغانستان ته سفر کوي. له ده سره په دې سفر کې د اپوزیسیون د نړیوالې پراختیا متبادل وزیر پریټ ګیل ملګری دی. وروسته له دې چې د بریتانیا د بهرنیو چارو یوې کمېټې له افغانستانه د بریتانیايي ځواکونو د وتلو په اړه د باندنیو چارو وزارت... Читать дальше...
واشنګټن ایکزامینر: د امریکا د متحدو ایالتونو واشنګټن ایکزامینر خپرونې پرون د سیګار پر تازه راپور تبصره کړې، چې له مخې یې ویل شوي، پخواني ولسمشر محمد اشرف غني، په تېره اګست میاشت کې له کابله د وتلو پر مهال له ځان سره شا و خوا ۱۷۰ ملیون امریکايي ډالره نه دي وړي، هغه موضوع چې په هغو لومړیو کې یې ادعا شوې وه. د خپرونې په لیکنه، د افغانستان د بیارغونې لپاره د امریکا د ځانګړي سرمفتش ادارې یا سیګار په خپل تازه راپور کې ویلي، کله چې طالبان کابل ته ننوتل، ښاغلي غني، لومړۍ مېرمن او نور چارواکي چې له جمهوریت... Читать дальше...
د طالبانو د حکومت د بهرنیو چارو وزارت پرون (چهارشنبې) وویل، ایران د افغانستان د پخواني حکومت هغه وسلې او وسایط، چې د تېر کال په اګست کې ایران ته وړل شوې وې، دوی ته وسپارلې. د طالبانو د بهرنیو چارو وزارت ویندوی عبدالقهار بلخي په یوې خبرپاڼه کې ویلي دا وسلې د دوو هېوادونو ترمنځ له تماسونو وروسته افغانستان ته سپارل شوي دي. په هغو وسلو کې چې ایران د طالبانو حکومت ته سپارلي هاموې ټانکونه، زغرګاډي، پوځي وسایط، او نورې وسلې او نقلیه وسایط شامل دي. د طالبانو د بهرنیو چا رو وزارت د ایران دا اقدام د... Читать дальше...