Новости за 24.06.2022

يو شمېر مېرمنې چې د تېر حکومت پر مهال په دولتي ادارو کې کارکوونکې وې وايي، چې طالبانو له دندو لرې کړې دي، یا یې هم هغه ادارې لغوه اعلان کړي دي په کومو کې چې دوی مخکې کار کاوه. دا میرمنې له نړیوالې ټولنې او د طالبانو له حکومته غواړي چې یو ځل دې بیا ورته د کار زمینه برابره کړي. صدف هغه مېرمن ده چې د طالبانو له بیا ځلې واکمنېدو څخه مخکې یې، په یوې دولتي ادارې کې کار کاوه. صدف زیاتوي، طالبانو له دې او نورو ډېرو مېرمنو څخه د کار حق اخیستی، که څه هم نوموړې نه‌غواړي چې د خپلې ادارې نوم واخلي، خو... Читать дальше...

د طالبانو د عدلیې وزیر د اسلامي همکارۍ سازمان پلاوي ته، چې مشري یې د اسلامي فقې د نړیوالې اکاډیمۍ سرمنشي په غاړه لري، ویلي چې د اقتصادي ستونزو له کبله نجونو ته جلا ښوونځي نه‌شي جوړولی ځکه چې امریکا د افغانستان پیسې کنګل کړي دي. ده دا هم ویلي چې که د طالبانو حکومت په رسمیت وپېژندل شي، ډېرې ستونزې به حل شي. په دې موضوع عصمت څاروان د ښځو د حقونو له یوې فعالې ښایسته ساپۍ سره مرکه کړې او لومړی یې ورته ویلي چې ایا په رښتیا اقتصادي ستونزې د دې سبب شوي چې طالبان له شپږم ټولګي پورته د نجونو د ښوونځیو... Читать дальше...

د ملګرو ملتونو د امنیت شورا په پرونۍ غونډه کې د افغانستان د وروستۍ مرګونې زلزلې په ګډون د دغه هېواد پر حالاتو خبرې وشوې. په افغانستان کې د ملګرو ملتونو د مرستندوی ماموریت استازي د طالبانو له لوري د بشري حقونو د سرغړونو په اړه څرګندونې وکړې. په افغانستان کې د ملګرو ملتونو د استازندوی دفتر سرپرست او مرستیال رامز الاکبروف وايي، په افغانستان کې د بشري حقونو وضعیت څپڅپانده دی. ده دا خبره پرون د ملګرو ملتونو امنیت شورا ته په خپل راپور کې وکړه. ښاغلي الاکبراوف چې له کابله د ویډیو کنفرانس له لارې خبرې کولې، وويل... Читать дальше...

په نورستان او کونړ ولایتونو کې وروستیو بې وخته درنو واورو د سر و مال تاوانونه اړولي دي. تر دې مخکې پرون د کونړ ځايي چارواکو د سختې واورې د اورېدو له کبله په دغه ولایت کې د ۲۰ تنو د مړینې خبر ورکړ. د دوی په وینا د کونړ د څوکۍ ولسوالي په دیوه ګل دره کې د واورې د اورېدو له امله ۱۲ ماشومان مړه شوي دي. له دې جلا د کونړ په کومار کلي کې د درنې واورې په وجه د یوه کور د چت د پرېوتو په پېښه کې د یوې کورنۍ ۸ غړي مړه شوي او ۳ نور ټپیان شوي دي. ځايی سرچینې وايي چې په مړو شویو کسانو کې ۴ ماشومان او ۳ ښځې دي. Читать дальше...

ډېرو نړیوالو ورځپاڼو په افغانستان کې وروستۍ مرګوني زلزلې ته چې ډېر زیانونه یې په پکتیکا او خوست ولایتونو کې پېښ کړي، پام اړولی دی. ګلوب انډ ميل ورځپاڼه: ګلوب انډ میل ورځپاڼه لیکي چې کلیوالو د پنجشنبې په ورځ د دې زلزلې قربانیان خاورو ته وسپارل. په دوام کې لولو چې د سیمې اوسیدونکو هڅې وکړې چې په لاسونو د خلکو د نړېدلو کورنو له خاورو خښتو لاندې ژوندي پاتې شوي کسان را وباسي. د ګلوب انډ میل په لیکنه، طالبان او نړیواله ټولنه د چهارشنبې د سهار وختي زلزلې له اغېزمن شویو سره د مرستو رسولو لپاره هڅې کوي. Читать дальше...

د پیر سید ابراهیم ګیلاني د کورنۍ غړي په پکتیکا کې د نوموړي د نیول کېدو او ورسره د بد چلند په اړه د څېړنو غوښتنه کوي. د چهارشنبې په ماښام په ټولنیزو رسنیو کې یوه ویډیو خپره شوه چې په هغې کې ښاغلی ګیلاني په داسې حال کې ښېي چې وسله والو کسانو نیولی او سپکاوی یې کوي. د پیر سید ابراهیم ګیلاني د کورنۍ یوه غړي ازادي رادیو ته وویل چې دا پېښه د چهارشنبې په ورځ شوې ده. هغه چې د موضوع د حساسیت له کبله نه غوښتل نوم یې خپور شي؛ وویل، وسله والو کسانو غوښتل چې ابراهیم ګیلاني ووژني. وسله والو کسانو ښاغلی... Читать дальше...

په داسې حال کې چې په پکتیکا او خوست ولایتونو په يو شمېر سيمو کې لا هم د قربانيانو جسدونه تر خاورو لاندې دي، په زلزله ځپلو سیمو کې د ساري ناروغیو د خپرېدو او د ټپیانو ژوند ته د خطر په اړه اندېښنې ډېرې شوې دي. د طالبانو د حکومت له پېښو سره د مبارزې وزارت مرستیال مولوي محمد نسیم حقاني تېره شپه ازادي رادیو ته وویل چې زلزله ځپلو سیمو ته څه نا څه مرستې رسېدلي او نورې به نن (جمعه) ورسېږي. نوموړي وويل: "زموږ د وروستیو شمېرو پر اساس د شهیدانو تعداد لکه مخکې چې مو ویلي و شاوخوا زر کسه او د ټپیانو ۷۴۰ کسه... Читать дальше...