مارک الیاهو یو اسرایيلي موسیقار دی چې د لرغوني پارسي وایلن په څېر یو ساز غږوي چې "کمانچه" بلل کېږي. د هغه موسیقي په ایران کې هم ډېر خلک خوښوي خو د ایران او اسرایيل تر مینځ د تربګنۍ له کبله الیاهو نه شي کولای چې ایران ته ولاړ شي. په دې وروستیو کې هغه په استنبول کې د ایرانیانو او اسرایيلیانو په یو شریک محفل کې د خپل هنر څرګندونه وکړه او له ایران او سیمې سره تړلي سازونه یې وړاندې کړل چې د محفل ګډونوالو ډیر خوښ کړل. په دې اړه د فرانس پرېس خبري اژانس له ويډيو څخه شاهین بونیري راپور جوړ کړی دی.
