د پاکستان د جماعت اسلامي ګوند د ځوانانو څانګې د جون پر ۲۲مه د پېښور خبریالانو مخې ته د هغو څلورو ځوانانو د وژنې پرضد مظاهره وکړه چې د جون پر ۱۹مه وسله والو په شمالي وزيرستان کې په يوه هدفي بريد کې وژلي ول. مظاهرچيانو د قاتلانو د نيولو او د "وزيرستان ځوانانو تنظيم" د وژل شويو غړيو کورنيو ته د انصاف ورکولو غوښتنه کوله. د شمالي وزیرستان پولیس وايي، د برید پلټنې کوي او پکې د ککړو کسانو نیولو ته ژمن دي. نور حال په ويډيويي راپور کې وګورئ.
