Новости за 27.07.2018

پاکستان میں الیکشن2018 تک کے استثنیٰ کی مدت ختم ہوتے ہی نیب لاہور متحرک ہوگئی اور اس نے نون لیگ کے صدر شہبازشریف کو 20 اگست کو طلب کرلیا ہے۔

اسلامی جمہوریہ ایران سمیت دنیا بھر میں صدی کے طویل ترین چاند گرہن کا آغاز ہوگیا ہے۔

پاکستان میں متحدہ مجلس عمل کے زیر اہتمام ہونے والی کل جماعتی کانفرنس نے انتخابی نتائج مسترد کرتے ہوئے دوبارہ الیکشن کرانے کا مطالبہ کردیا ہے۔

چین کی وزارت خارجہ نے پاکستان میں الیکشن کا خير مقدم اور تحریک انصاف کو انتخابات میں کامیابی پر مبارکباد پیش کرتے ہوئے کہا ہے کہ چین پاکستان کی آئندہ حکومت کے ساتھ بھر پور تعاون جاری رکھے گا۔

جنرل الیکشن سے متعلق فری اینڈ فیئر الیکشن نیٹ ورک نے رپورٹ جاری کرتے ہوئے کہا ہے کہ پاکستان میں 2018ء کے انتخابات 2013ء کے الیکشن سے بہتر رہے ہیں، حالیہ انتخابات پرامن اور شفاف رہے۔

روس کے صدر ولادیمیر پوتین نے واشنگٹن کے دورے کی امریکی صدر ٹرمپ کی دعوت کا خیر مقدم کیا ہے۔

پاکستان تحریک انصاف (پی ٹی آئی) کے سربراہ عمران خان سے سعودی عرب کے سفیر نے ملاقات اور گفتگوکی ۔

امریکہ نے پاکستان کی نئی حکومت سے مکمل تعاون کرنے کا اعلان کرتے ہوئے عمران خآن کو مبارک باد پیش کی ہے۔

مسلم لیگ (ن) کے رہنما حمزہ شہباز کا کہنا ہے کہ پنجاب میں مسلم لیگ (ن) سب سے بڑی پارٹی بن کر ابھری ہے اور ہم صوبہ پنجاب میں حکومت بنائیں گے۔

پاکستان تحریک انصاف نے حکومت سنبھالتے ہی پنجاب، خیبر پختونخواہ اور سندھ کے گورنرز ہٹانے کا فیصلہ کیا ہے۔

پاکستان عوامی مسلم لیگ کے سربراہ شیخ رشید احمد نے کہا ہےکہ پاکستان میں عام انتخابات کے نتائج سے امریکہ اور ہندوستان سمیت عالمی ایجنڈے کو شکست کا سامنا کرنا پڑا ہے۔

پاکستان میں راولپنڈی کی اڈیالہ جیل میں سزا یافتہ سابق وزیر اعظم نواز شریف کا طبی معائنہ کیا گیا جہاں ڈاکٹروں نے سابق وزیراعظم کی صحت بالکل ٹھیک قرار دیدی ۔

امریکی صدر ٹرمپ کے سابق وکیل نے روسیوں کے ساتھ ٹرمپ کے بیٹے کی ملاقات کے بارے میں امریکی صدر کے عدم اطلاع کے دعوے کو رد رکتے ہوئے کہا ہے کہ امریکی صدر ٹرمپ اپنے بیٹے کی روسیوں کے ساتھ ملاقات سے آگاہ تھے۔

پاکستان مسلم لیگ نون کے سینئر رہنما خواجہ سعد رفیق کی این اے 131 لاہور پر ووٹوں کی دوبارہ گنتی کی درخواست منظور کرلی گئی ہے ۔

برطانیہ میں تازہ ترین اعداد و شمار کے مطابق برطانوی وزیر اعظم کی برطانوی عوام میں محبوبیت میں کمی آگئی ہے۔

پاکستان تحریک انصاف کے سربراہ عمران خان نے پاکستانی انتخابات میں کامیابی حاصل کرنے کے بعد اپنے پہلے خطاب میں کہا کہ الیکشن جیتنے پر اللہ کا شکر ادا کرتا ہوں، 22 سال کی جدوجہد کامیاب ہوئی اور نئے پاکستان بنانے کا خواب پورا کرنے کا موقع ملا ہے ایران سمیت تمام ہمسایہ ممالک کے ساتھ تعلقات کو فروغ دوں گا۔

امریکی صدر ڈونلڈ ٹرمپ نے ترکی کو دھمکی دیتے ہوئے کہا ہےکہ اگر ترکی نے ناکام فوجی بغاوت میں ملوث پادری کو رہا نہیں کیا تو اسے سخت پابندیوں کا سامنا کرنا پڑے گا۔

ہندوستان کے زیر انتظام کشمیر میں علیحدگی پسند تنظیم حریت کے سرگرم رہنما میر واعظ عمر فاروق نے تحریک انصاف کے سربراہ عمران خان کے بیان کا خیر مقدم کرتے ہوئے کہا کہ ہندوستان کو پاکستان کی پیشکش کا مثبت جواب دینا چاہیے۔

پاکستان کے صوبہ پنجاب کے مختلف شہروں میں بارش کے نتیجے میں چھتیں گرنے اور کرنٹ لگنے کے واقعات میں 7 افراد ہلاک ہو گئے ہیں۔

ماہرین فلکیات نے کہا ہے کہ مریخ پر پہلی مرتبہ ایک زیر زمین جھیل کا انکشاف ہوا ہے، جس کے بعد اس بات کا امکان بڑھ گیا ہے کہ وہاں مزید پانی یہاں تک کہ زندگی بھی موجود ہوسکتی ہے۔

عراق اور شام میں امریکی اتحادی فورسز نے گذشتہ چار سال کے دوران فضائی بمباری میں ایک ہزار 59 شہریوں کو ہلاک کرنے کا اعتراف کیا ہے۔

یمن پر سعودی عرب کی وحشیانہ اور بہیمانہ بمباری کا سلسلہ جاری ہے یمن کے صوبہ الحدیدہ پر سعودی عرب کے جنگی طیاروں نے آج 14 بار بمباری کی جس کے نتیجے میں متعدد شہری جاں بحق اور زخمی ہوگئے ہیں۔

پاکستان کے دارالحکومت اسلام آباد کے ایک مکان میں آگ لگ گئی جس کے نتیجے میں مکان میں موجود4افراد جھلس کر جاں بحق ہوگئے۔

خورشید کے زیر سایہ قافلہ حرم رضوی کا متبرک پرچم لیکر یزد پہنچ گيا ہے۔

اسلامی جمہوریہ ایران کی سپاہ پاسداران انقلاب اسلامی کے سربراہ جنرل محمد علی جعفری نے امریکہ کی فوجی دھمکیوں کو کھوکھلی قراردیتے ہوئے کہا ہے کہ لیبرل فکر ملک کی مشکلات کا اصلی سبب ہے۔