Новости за 01.02.2021

Президенттик аппараттын маалыматтык саясат бөлүмүнүн башчысы Нургазы Анаркулов берген арызынын негизинде кызматынан бошотулду. Бул тууралуу жарлыкка мамлекет башчы Садыр Жапаров 1-февралда кол койгонун президенттин басма сөз кызматы кабарлады. 30-январда Улуттук коопсуздук боюнча мамлекеттик комитет (УКМК) Анаркулов ири суммада пара талап кылууга байланыштуу шектүү катары кармалганын, ага карата сотко чейинки териштирүү Жазык кодексинин 326-беренеси («Пара талап кылуу») боюнча жүрүп жатканын кабарлаган. Читать дальше...

Куралдуу күчтөр бир жылга чукул кырдаал жарыялап, бийликти армиянын башчысына өткөрүп беришти. Маалыматтарга караганда байланыш үзүлүп, өкмөттүк теле жана радио чыкпай калды. Аскерлер жогорку жетекчилерди кармаганын билдиришти. Анын ичинде Мьянманын иш жүзүндөгү лидери, бийликтеги «Демократия үчүн улуттук лиганын» башчысы Ауң Сан Су Чжи, президент Вин Мьин бар. Армия өкүлдөрү камакка алуу былтыр ноябрда болгон парламенттик шайлоонун бурмаланышына жооп экенин билдиришти. Шайлоодо Ауң Сан Су Чжинин партиясы парламентте 396 орун алып... Читать дальше...

«Тууганчылык, досчулук жана башка байланыштарга карабастан, мыйзамды бузган, айрыкча коррупциялык иштерге аралашкан ким гана болбосун мыйзам чегинде жоопко тартылат». Бул тууралуу президенттин басма сөз кызматы президент Садыр Жапаровго шилтеме берип билдирди.  Маалыматка караганда, Жапаров 1-февралда президенттик аппараттын бөлүм башчылары менен жолугушуп, алардан ачык-айкын жана натыйжалуу иштөөнү талап кылды. Ал эки негизги мүшкүлдү – коррупцияны жана бюрократияны жоюу зарыл экенин белгиледи. Читать дальше...

«Блокададагы нан» деп аталган эл аралык акция Кыргызстанда да уюштурулду. Бул ирет Бишкек, Ош жана Чолпон-Ата шаарларындагы мектептерде, айыл аймактарда өткөрүлгөнүн уюштуруучулар кабарлашты.  Жыл сайын январь айынын акыркы аптасында дүйнөнүн 70 өлкөсүндө Ленинграддын фашисттик блокадасынан толук бошотулганына карата «Блокададагы нан» акциясы өткөрүлөт.  «Иш-чара негизинен окуучуларга багытталган», - деди акцияны Ош шаарында да уюштурууга көмөктөшкөн «Светоч» православ чиркөө мектебинин тарбиячысы Оксана Есина. Читать дальше...

2-февралда түнкүсүн Чүй, Талас, Жалал-Абад, Ысык-Көл жана Нарын облустарынын кээ бир райондорунда кар жаайт, Ош, Баткен облустарында жаан-чачын жаабайт. Күндүз Чүй, Ысык-Көл облустарынын айрым райондорунда жаан, кар, тоо этектеринде жана тоолуу райондорунда кар жаайт, калган аймактарда жаан-чачын жаабайт. Жолдор тоңголок, тайгак болот.  Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -3…+2, күндүз 5…10; Талас жергесинде түнкүсүн 0...-5... Читать дальше...

Жогорку Кеңештеги көпчүлүк коалиция 1-февралдагы жыйынында премьер-министрлик кызматка Улукбек Мариповдун талапкерлигин карап жатат. Көпчүлүк коалициянын төрагасы, депутат Иса Өмүркулов Мариповдун талапкерлигин "Республика-Ата Журт" фракциясы сунуш кылганын билдирди. Азыр Улукбек Марипов өзүнүн пландары тууралуу депутаттарга маалымат берип, суроолорго жооп берүүдө. Көпчүлүк коалиция премьер-министрдин талапкерлигин, өкмөттүн жаңы курамын жактыргандан кийин ал парламенттин Конституциялык мыйзамдар... Читать дальше...

Чет мамлекетке виза ачтырыш үчүн Казакстанга каттаган кыргыз жарандарынан негизсиз акы талап кылган ортомчулар чыгып жатат. Бул тууралуу 1-февралда Кыргызстандын Тышкы иштер министрлиги кабарлады. Мекеменин маалыматына караганда, министрлик виза алуучу кыргыз жарандарына жардамын Казакстандын Кыргызстандагы элчилигине дипломатиялык нота жөнөтүп көрсөтүп келе жатат. Былтыртан бери мындай нота аркылуу Кыргызстандын 2 миңдей жаранына виза алууга жардам берилди. Бирок, ТИМ билдиргендей, айрым ортомчу... Читать дальше...

Словениялык мушкер беттештин жыйынтыгына макул эместигин айткандан кийин россиялык спортчу аны көтөрүп чапкан. Мунун айынан өкүлдөрү да мушташкан.

Японияда өтүүчү Олимпиада оюндары жана Түркияда боло турган Көчмөндөр оюндары ата мекендик спортчулар үчүн эң күтүлгөн мелдештерден болуп саналат.

Кыргызстан Түрк академиясы менен кызматташтыгын арттырууга даяр экенин билдирди. Бул тууралуу 1-февралда Билим берүү жана илим министрлиги кабарлады. Мекеменин маалыматына караганда, министрдин милдетин аткаруучу Алмазбек Бейшеналиев Түрк академиясынын президенти Дархан Кыдыралы менен жолугуп, кызматташтык маселелерин талкуулады. Академиянын жетекчиси түрк элдеринин географиясын жана адабиятын чагылдыруучу биргелешкен китептерди басып чыгаруу боюнча пландары жана уюмдун жалпы ишмердүүлүгү тууралуу маалымат берди. Читать дальше...

Ош облусунун прокуратурасынын прокурору Улукбек Өмүрзаков аталган органдан өз калоосу менен кетүү тууралуу арызын жазды. Бул тууралуу Улуттук коопсуздук комитети (УКМК) 1-февралда билдирди. Маалыматка караганда, көмүр кениндеги рейдерликке шектүү катары кармалган Өмүрзаков жана башка адамдардын бөгөт чарасы 30-январда Бишкектин Биринчи май райондук сотунда каралды. Тергөөгө көмөктөшкөнү жана 20 миллион сомдук зыянды мамлекетке кайтарып бергени үчүн Улукбек Өмүрзаковдун бөгөт чарасы өзгөртүлүп, үй камагына чыгарылды. Читать дальше...

Казакстанда былтыр пандемия күчөгөн учурда миллиарддаган долларлык каражатты уурдоо фактысы боюнча 50дөй кылмыш иши козголду. Алматы жана Чымкент шаарларында оорукана салганда ири өлчөмдө каражат уурдалганы да маалым болду. 29-январда Казакстандын Коррупцияга каршы агенттиги Алматыдагы коронавирус бейтаптары үчүн курулган оорукананын курулушунда бир нече миллион доллар уурдалганын билдирди. Агенттиктин жетекчиси Алик Шпекбаев жыйында пандемияда бюджеттик каражатты уурдаган аткаминерлерди «кудайдан да... Читать дальше...

Коронавируска каршы күрөш боюнча республикалык штабдын 1-февралдагы маалыматына караганда, соңку бир сутка ичинде оору 59  кишиден жаңы аныкталды. Бир күн ичинде адам өлүмү катталган жок. Кыргызстанда COVID-19 пандемиясы башталган 2020-жылдын март айынан бери илдет жугузуп алгандардын расмий эсеби 84 588 адамды түздү. Анын 80 987си сакайган. Бир күндө 91 адам ооруканалардан айыгып чыкты. Пандемияда илдеттен кайтыш болгондордун саны Саламаттык сактоо министрлигинин жаңы эсеби боюнча жалпы 1412 кишини түздү. Читать дальше...

31-январда Орусиянын дээрлик бардык аймактарында Алексей Навальныйдын бошотулуш талап кылып каршылык акцияларына чыккандарды күч түзүмдөрү буга чейин болуп көрбөгөндөй ур-токмокко алышты. Алар акциялардын катышуучуларын негизинен союлдар менен чапкылап, тепкилеп жатышты. Петербургда электрошокер колдонулганы кабарланды. Өлкө боюнча миңдеген кишилер кармалды. Арасында журналисттер да бар. Орусиянын Челябинск шаарында тартылган видеодо эки колу кайрылып, көмкөрөсүнөн жерде жаткан адам: «Мен дем ала албай атам. Читать дальше...

Кыргызстанда кезектеги премьер-министр, өкмөттү эки жылдан ашык башкарган Мухаммедкалый Абылгазиев кылмыш ишине кириптер болуп камалды. 26-январда камакка алынган Мухаммедкалый Абылгазиев «кара тизмеге» кирген онунчу өкмөт башчы болуп калды. Өлкөнүн эгемен 30 жылдык тарыхында 23 өкмөт башчы алмашса, анын 10уна кылмыш иши козголгон. Алардын алтоону сот түрмөгө кессе, беш экс-премьер эмгиче издөөдө жүрөт. Алардын ичинен Курманбек Бакиев менен Алмазбек Атамбаев эки ирет премьерликке келген. Эми Кыргызстанда... Читать дальше...

Жогорку Кеңештин көпчүлүк коалициясы 1-февралда Кыргызстандын премьер-министрлик кызматына талапкерди көрсөтүү боюнча маселени карайт. Ушул эле жыйында өкмөттүн программасы, түзүмү жана курамы да талкууланат. Бул тууралуу башкаруучу коалициянын жетекчиси, депутат Иса Өмүркулов «Азаттыктын» суроолоруна жооп берип жатып айтты. Чогулуш Жогорку Кеңештин имаратында өтөт. Өмүркулов премьер-министрликке көрсөтүлүп жаткан талапкерлердин аты-жөнүн тактаган жок. «Азыр консультация жүрүп жатат. Кудай буюрса эми бир чечимге келебиз»... Читать дальше...

Түркиянын «Маариф» фонду Кыргызстандагы биринчи мектебин Бишкек шаарында ачат. Бул тууралуу 29-январда билим берүү жана илим министринин милдетин аткаруучу Алмазбек Бейшеналиев Борбор Азиядагы «Маариф» фондунун директору Хүснү Биржан менен жолугушканда белгилүү болду. Хүснү Биржан мектепте окуучуларга жана мугалимдерге бардык шарттар түзүлөрүн айтып, кыргыз-түрк макулдашуусуна ылайык, мугалимдердин басымдуу бөлүгүн Кыргызстандын жарандары түзөрүн билдирди. 2020-жылы 10-ноябрда Түркиянын Анкара... Читать дальше...

Бишкек шаарынын мэриясы эпидемиологиялык абалга байланыштуу азырынча бала бакчалар ачылбай турганын жана мектептерде бардык класстар салттуу окутууга өткөрүлбөй калганын кабарлады. Буга чейин Бишкек шаардык кеңешинин социалдык маселелер боюнча комиссиясы 1-февралдан тартып баш калаадагы бала бакчалардын ишин жандандырууну чечкен. 18-январдан тартып калаадагы орто мектептерде 1,5,9,11-класстын окуучулары салттуу түрдө окуй башташкан. Алар окууну ушул бойдон уланта беришет. Эгерде Бишкекте коронавируска... Читать дальше...

Бул маалыматты парламенттин депутаттары Дастан Бекешев, Акылбек Жапаров ырасташты. Жапаровдун сөзүнө караганда, эл өкүлдөрүн айлык бербей иштетүү тууралуу токтом Эмгек кодексине каршы келери белгилүү болду. «Бир топ депутаттар айлыгын Жогорку Кеңештин ремонтуна, компьютер алууга берип келатат. Бир тобу алып атса керек. Эмгек кодекси боюнча биздин токтом өтпөйт экен. Ошондуктан ар бир киши бухгалтерияга барып кол коюп айлыгын тигил же бул ишке жумшаса болот. «Биз да революция кылганбыз. Биригип... Читать дальше...

Президенттин ыйгарым укуктары кеңейтилип жазылган Баш мыйзамдын жаңы долбоору Жогорку Кеңешке жибериле элек. Бул тууралуу «Азаттыкка» Конституциялык кеңешменин төрагасы Бекбосун Бөрүбашев билдирди:  «Долбоорду бере элекпиз. Анткени көп сын айтылды. Ошолорду оңдоп, айткандарын киргизип атабыз. Кээ бирөөнүн сунушу өтүп кетти. Айрымдарыныкы алынбай калды. Биз добуш менен чечтик да». 27-январда Конституциялык кеңешменин мүчөлөрү көпчүлүк добуш менен Баш мыйзамдын жаңы долбоорун кабыл алышкан. Бекбосун... Читать дальше...

Буга чейин Улуу Британияда аныкталган коронавирустун жаңы штаммы (түрү) Өзбекстанда катталды. Бул тууралуу Өзбекстандын Саламаттык сактоо министрлигинин басма сөз кызматы билдирди. Мекеменини маалыматына караганда, коронавирустун жаңы штаммы 23-январда Дубайдан үй-бүлөсү менен кайтып келген 10 жаштагы кыздан табылды. «Аэропортто жүргүзүлгөн экспресс-тест оң натыйжасын көрсөтүп, ал жугуштуу оорулар ооруканасына жөнөтүлдү. Ошол эле күнү функционалдык клиникалык изилдөөлөр жүргүзүлүп, симптомсуз COVID-19 диагнозу коюлду»... Читать дальше...

Жекшембиде, 31-январда, Орусиянын ондогон шаарларында оппозициячыл саясатчы Алексей Навальныйды боштондукка чыгаруу, жемкорлукка чыныгы күрөш жүргүзүү тууралуу талаптарды койгон нааразылык жыйындары өттү. Анын жүрүшүндө жана андан кийин айрым катышуучуларга бир нече кылмыш иши козголду.  Санкт-Петербургда, маселен, бийлик өкүлүнө зомбулук көрсөттү деген доо боюнча кылмыш иши ачылды. Нааразылык жыйынынын бир катышуучусу атайын полиция кошуунунун бир жоокерин эки жолу башка муштаган. Шектүүнү полиция кармап кетти... Читать дальше...