Новости за 18.02.2021

Орусиянын Ростов-на-Дону шаардык соту “Ачык Орусия” долбоорунун мурдагы координатору Анастасия Шевченкону төрт жылга шарттуу түрдө кести. Бул тууралуу анын адвокаты Сергей Бадамшин кабарлады. Шевченко бийликтин “кара тизмеге” киргизген уюм менен кызматташканы үчүн жоопко тартылган алгачкы адам болуп калды. Мамлекеттик айыптоо аны беш жылга кесүүнү суранган. 40 жаштагы активист Анастасия Шевченкого 2019-жылы иш козголуп, үй камагына алынган. Бул убакыт аралыгында учурда активисттин 17 жаштагы кызы оор илдет менен жабыркап, каза болуп калды. Читать дальше...

Кыргызстандын Чүй облусундагы  Токмок шаарынын түндүк тарабында  Бишкек-Нарын-Торугарт айланма жолунун 51-чакырымына жакын жердеги камыш аянтында 18-февралда кечке жуук өрт чыкты. Бул тууралуу өлкөнүн Өзгөчө кырдаалдар министрлиги кабарлады. Кечки алты жарымдарда башталган өрт бир саат өтпөй жол жээгиндеги май куюучу жайга жакындаган. Мындан улам өрт өчүрүүчү төрт бөлүм тартылып, өрт чектөөгө алынган. Учурда өрттү толук өчүрүү иштери жүрүп жатат. Интернеттеги социалдык тармактарда жолдун жээгинде алоонуп күйгөн өрттүн видео... Читать дальше...

Александр Лукашенко президент Владимир Путин менен 22-февралга белгиленген жолугушуусунда Орусиядан акча сурабайт. Бул тууралуу ал 18-февралда Орусия-Беларус өнөктөш өлкөлөрүнүн мамлекеттик катчысы Григорий Рапота менен жолугушкан учурда билдирди. Александр Лукашенко «Адатта боло келгендей, айрымдар алдын-ала эле "Лукашенко 3 миллиард доллар сураганы (Москвага) баратат", деп айтып бжатышат. Мен Орусияга (бул ирет) бир нерсе сураганы барбайм», -деди. Ал Орусия менен Беларус ортосундагы чечилбеген маселе жок экенин кошумчалады. Читать дальше...

Европа Биримдиги Венгрияга четтен каржыланган бейөкмөт уюмдардын булактарын ачыктоону милдеттендирген мыйзамды өзгөртүүгө 2 айлык мөөнөт берди. Буга чейин Европа Биримдигинин соту 2017-жылы кабыл алынган мыйзамда «негизсиз чектөө жана дискриминациялоочу нормалар бар» деп тапкан. Муну негиз кылган Евробиримдиктин аткаруучу органы Еврокомиссия расмий Будапештке 18-февралда кат жолдоду. Анда буга чейинки соттун жана Еврокомиссиянын чакырыктарын Венгриянын бийлиги аткарбай келгени айтылат. Буга байланыштуу 2 ай ичинде мыйзамды өзгөртүп... Читать дальше...

Улуттук коопсуздук боюнча мамлекеттик комитеттин төрагасы Камчыбек Ташиев  18-февралда Баткенде чек арада жайгашкан айыл тургундары менен жолукту.

Жогорку Кеңеште 17-февралда Баш мыйзамдын жаңы долбоорун сунуштаган депутаттар менен аны иштеп чыккан Конституциялык кеңешменин мүчөлөрүнүн жыйыны өттү. Анда Конституциялык кеңешменин иши жыйынтыкталганы, мындан ары долбоорду өзгөртүү маселеси парламенттин колунда экени айтылды.

Иликтөөчү журналист “Али Токтакуновдун МедиаХабы” фондун негиздеди. Ал 18-февралда Бишкекте медиа долбоордун ачылышын өткөрүп, жаңы фонд жөнүндө маалымат берди. Токтакуновдун айтымында, фонд коррупциялык көрүнүштөрдү иликтөөгө көмөк көрсөтөт. Ошондой эле кино тармагына, кыргыз тасмаларын жайылтууга салым кошууну көздөйт. Фонддун ачылышына жарандык активисттер, коомдук, кино ишмерлери, эл аралык уюмдардын өкүлдөрү катышты. Иш-чарада Али Токтакунов менен журналист Болот Темиров чогуу иликтеген... Читать дальше...

Кыргыз бажысынын жетекчисинин мурдагы орун басары Райымбек Матраимов 18-февралда кайра кармалды. Саясатчылар Клара Сооронкулова, Элдар Абакиров менен Аймен Касенов биригип, "Реформа" партиясынын алдында жергиликтүү кеңештердин шайлоосуна катышмай болду. Баткендиктер Камчыбек Ташиевди пикет уюштуруп, тосуп алышты. Атайын кызматтын башчысы чек ара маселелерине өзү жооптуу экенин айтып, Баткен облусуна өзгөчө макам ыйгаруу каралып жатканына токтолду. Грузиянын премьер-министри Георгий Гахария оппозиция... Читать дальше...

Адистер калктын 70% эмделсе, пандемияны ооздуктаса болорун айтышат. Кыргызстанда коронавируска каршы эмдөөгө даярдык кандай жүрүп жатат? Жөнөкөй адамдар эмделүүгө канчалык дилгир, кыска мөөнөттө иштелип чыккан препараттарга элдин ишеними кандай?

Нарында 16-февраль күнү окуучулар арасында лыжа тебүү боюнча мелдеш өттү. Мелдеште жалпы беш команда күч сынашты. Адистер өлкө эгемендик алгандан бери спорттун бул түрүнө көңүл бурулбай, аны менен машыккандар дээрлик жокко эсе болуп калганын, соңку мезгилде ага кызыккандардын саны артып бара жатканын айтышат.

18-февралда түштөн бери Улуттук коопсуздук боюнча мамлекеттик комитетте сурак берип жатканы кабарланган Мамлекеттик бажы кызматынын төрагасынын мурдагы орун басары Райымбек Матраимов кармалды. «2021-жылдын 18-февралында УКМК Мамлекеттик бажы кызматынын төрагасынын мурдагы орун басары Райымбек Матраимовду кылмыштуу кирешелерин легалдаштыруу (адалдоо) фактысы боюнча козголгон кылмыш ишинин алкагында кармады. Райымбек Матраимов УКМКнын тергөө камак жайынын убактылуу кармоочу жайына киргизилди, 48... Читать дальше...

Балбан грек-рим күрөшү боюнча КРдин чемпионатынын ачылышында спорттон кетип жатканын айтып, машыктыруучуларга жана күйөрмандарына ыраазылыгын билдирген.

Жогорку Кеңештин бир топ депутаттары бийликтин таңууланган тапшырмаларына кыңк этпей макул болуп келгенин моюнга алышып, буга чейин эле президенттер парламентке басым жасап, ага өз эркин таңуулап келгени азыр деле улантылып жатканын ачык айтып чыгышты.

18-февралда түштөн бери Улуттук коопсуздук боюнча мамлекеттик комитетте сурак берип жатканы кабарланган Мамлекеттик бажы кызматынын төрагасынын мурдагы орун басары Райымбек Матраимов кирешелерди адалдаштырууга байланыштуу кармалды. Бул тууралуу "Азаттыкка" УКМКдан билдиришти. "2021-жылдын 18-февралында УКМК Мамлекеттик бажы кызматынын төрагасынын мурдагы орун басары Райымбек Матраимовду кылмыштуу кирешелерин легалдаштыруу (адалдоо) фактысы боюнча козголгон кылмыш ишинин алкагында кармады. Райымбек... Читать дальше...

Грузиянын өкмөт башчысы Георгий Гахария 18-февралда кызматынан кетти. Бир күн мурда өлкөдөгү оппозиция лидери Ники Мелиа камакка алынган.

Улуттук статистика комитетинин маалыматы боюнча, 2020-жылдын январь айына салыштырганда быйыл январда азык-түлүк менен алкоголсуз суусундуктардын баасы 18,5% кымбаттады. Алардын кээ бирине токтоло турган болсок, өсүмдүк майы - 54,6%, картошка - 46,3%, жумуртка - 35,4%, кумшекер - 33,1%, эт - 27,5%, ун - 16,5% көтөрүлдү. Азык-түлүктөн тышкары курулуш материалдарына, машине тетиктерине жана кийим-кечеге болгон баа да өсүп жатат. Кыргыз өкмөтү 17-февралда азык-түлүк коопсуздугу боюнча кеңешме өткөрүп... Читать дальше...

Саламаттык сактоо жана социалдык өнүктүрүү министрлиги Ош шаарына жакын жайгашкан көрүстөнгө акыркы күндөрү балдар көп коюла баштаганы тууралуу кабарды төгүндөдү.  Бүгүн, 18-февралда мындай маалыматты "Фейсбук" социалдык түйүнүндө айрым колдонуучулар жазган. Ош шаарындагы Балдардын жугуштуу оорулар ооруканасынын башкы дарыгери Бакай Акматовдун айтымында, 2021-жылдын январь айында шаарда 356 баладан ар түрдүү жугуштуу дарттар катталган. Алардын арасынан чарчап калгандар болгон эмес. "Былтыркы... Читать дальше...

Бишкек шаардык соту ички иштер министринин мурдагы орун басары, генерал Курсан Асановго чыккан өкүмдү күчүндө калтырды. Ага ылайык Асанов 26-мартка чейин абакта болот.  Бул тууралуу "Азаттык" радиосуна анын жактоочуларынын бири Икрамидин Айткулов кабарлады. Бишкек шаарынын Биринчи май райондук соту Асановдун бөгөт чарасын 28-январда караган. Анын жактоочулары соттун чечимин мыйзамсыз деп эсептеп, Бишкек шаардык сотуна кайрылган болчу. Курсан Асанов Жазык кодексинин 245-беренесинин 1-пункту... Читать дальше...

Cабинелла менен Айдананы мындан эки жыл мурда Казакстандын атайын кызматы “Жусан” деп аталган программанын негизинде Жакынкы Чыгыштан мекенине кайтарган. Экөө тең аларды согуш болуп жаткан аймакка балдары менен чогуу күйөөлөрү алып кеткенин айтышат. Алардын түгөйлөрү “Ислам мамлекети” террорчул тобунун жоочуларынын катарына кошулуп, аялдары кан төгүлгөн жерде балдарын асырап калган. Айдана менен Сабинелланын таржымалын өздөрүнөн уксак. “Биз Казакстанга эми кайтпайбыз...” Айдананы (аты өзгөртүлдү ... Читать дальше...

Клара Сооронкулова лидерлик кылган «Реформа», Элдар Абакиров теңтөрагалык кылган «Адилеттүү Кыргызстан» жана Аймен Касенов жетектеген «Асман-Ала Тоо» партиялары Бишкек шаардык кеңешине «Реформанын» атынан бара турган болду. Бул тууралуу «Азаттыкка» Клара Сооронкулова билдирди. Анын айтымында, 18-февралда партия лидерлери чогулуп, чүчүкулак кармаган учурда «Реформа» партиясынын аты чыккан. Алар башка шаардык кеңештерге башка аталыштар менен чыгышы мүмкүн. Аталган үч партия жергиликтүү кеңештердин... Читать дальше...

Бишкекте 17-февралда Гапар Айтиев атындагы Кыргыз улуттук көркөм сүрөт музейинде кезектеги көргөзмө ачылды. Көргөзмө айкелчи Альбек Мухутдиновдун 85 жылдыгына, сүрөтчү Сабитжан Бакашевдин 80 жылдыгына жана сүрөтчү Мурат Бекжановдун 75 жылдыгына арналган. “Үч чебер, үч көз караш” деген аталыштагы бул көргөзмөдө жогорудагы үч өнөр ээсинин эмгектери тартууланды. Кыргызстандын алгачкы айкелчилеринин бири Альбек Мухутдиновдун бул көргөзмөдө илимпоздордун, маданият ишмерлерин жасаган айкел портреттери коюлган. Читать дальше...

Улуттук коопсуздук боюнча мамлекеттик комитеттин төрагасы Камчыбек Ташиев 19-февралдан тарта коррупцияга шек саналган бир нече чоң чиновник камаларын билдирди. Ал бул тууралуу бүгүн - 18-февралда Баткендеги чек арада жайгашкан айылдардын тургундары менен жолугушууда айтты. "Кудай буюрса, азыр биз бул жактан саат төрттө учуп кетебиз. Жумушка барып эле Президент менен жолугам, силер тууралуу толук маалыматты айтып берем. Эртеңден баштап көрөсүздөр, биз бир нече чоң чиновникти камакка алабыз. Себеби алар элдин канын сорушкан. Читать дальше...

"Фейсбук" Австралиядагы колдонуучуларын социалдык тармакка жаңылыктарды жайгаштыруу мүмкүнчүлүгүнөн ажыратты. 18-февралдан тартып Австралиянын аймагындагы колдонуучулар аталган социалдык тармакка маалымат каражаттарынын жаңылыктарын бөлүшүп, жарыялай албайт. Ошондой эле социалдык тармактагы маалымат каражаттарынын баракчалары да өчүрүлдү. "Фейсбук" мындай чечимди Австралиянын бийлиги социалдык тармакка жайгаштырылган жаңылыктардан түшкөн кирешеден салык алуу ниетинен соң кабыл алды. Бийлик компания... Читать дальше...

Конституциянын жаңы долбоорун талкуулоо жана Жогорку Кеңеште добушка салуу боюнча депутаттарга алдын ала "жол картасы" таркатылган. Бул тууралуу "Азаттыктын" 18-февралдагы "Эксперттер талдайт" талкуусунда Жогорку Кеңештин депутаты Рыскелди Момбеков кабарлады. "Конституциянын жаңы долбоорунун автору ким экени талашка түшкөн. Ага демилгечи болгон 80 депутатпы же Конституциялык кеңешмеби - билбей жатканбыз. Долбоор менин колума мына кечээ эле тийди. Анын аягында Конституциялык кеңешменин төрагасы Бекбосун Бөрүбашевдин колу турат. Читать дальше...

Борбордук шайлоо комиссиясынын (БШК) мүчөлөрү 18-февралдагы отурумунда беш маселени карады. БШКнын мүчөсү Кайрат Осмоналиев күн тартибине Искандер Гайпкуловдун мандатын алып, тизмедеги кийинки талапкерге өткөрүп берүү маселесин киргизүүнү сунуштады. БШКнын төрайымы Нуржан Шайлдабекова активист Темирлан Ормуковдун депутат Өмүрбек Текебаевдин мандатына байланыштуу жазган арызы боюнча соттук иш келерки аптада Жогорку сотто карала турганын белгилеп, Гайпкуловдун мандатын ошонун жыйынтыгы менен кароону өтүндү. Читать дальше...