Kurti pret Ramën në Prishtinë

Kryeministri i Kosovës, Albin Kurti, ka pritur të hënën kryeministrin e Shqipërisë, Edi Rama, me një ceremoni shtetërore në Prishtinë.


Gjatë vizitës së tij në Kosovë, Rama ka planifikuar të zhvillojë takime me një mori politikanësh, përfshirë kreun e Partisë Demokratike të Kosovës, Memli Krasniqi, atë të Lidhjes Demokratike të Kosovës, Lumir Abdixhiku, kryetarin e Aleancës për Ardhmërinë e Kosovës, Ramush Haradinaj, udhëheqësin e Partisë Socialdemokrate, Fatmir Limaj dhe kryetarin e Aleancës Kosova e Re, Behgjet Pacolli.


Më vonë gjatë ditës së hënë, pritet të zhvillohet edhe një takim zyrtar i delegacioneve të Kosovës dhe Shqipërisë.


Kryeministri Rama, ka fituar një mandat të tretë të krye të Qeverisë së Shqipërisë dhe kabineti i tij është betuar javë më parë.


Kabineti i mandatit të tretë qeverisës të socialistëve përbëhet nga 15 ministri, nga të cilët katër ministra pa portofol. Dymbëdhjetë ministri do të drejtohen nga gratë dhe tri tjera nga burrat.