Новости за 12.02.2021

Жапонияда Олимпиада комитетинин башчысы аялдарды кемсинткени үчүн кызматтан кетүүгө аргасыз болду. 83 жаштагы Есиро Мори жыйындардын биринде комитетке мүчө аялдар оюн кыска-нуска билдире албай турганын айткан. Ал ошондой эле «аялдардын чубалжыган билдирүүлөрү кыжыр келтирерин» да кошумчалаган. Моринин бул сөздөрү катуу сынга кабылып, коомчулук анын кызматтан кетишин талап кылган. Мори 12-февралда кызматын тапшырып жатып айткан сөзү үчүн кечирим сурады. Есиро Мори 2000–2001 жылдары жапон өкмөтүн жетектеген. Читать дальше...

Белекке китеп тартуулоонун эл аралык күнү быйыл Кыргызстанда кеңири белгиленгени жатат. 14-февралга пландалган иш-чараны билим берүү багытында ишмердүүлүк жүргүзгөн бир катар уюмдар уюштурууда. Уюштуруучулардын айтымында, бул күнү Бишкекте жана Ошто адамдарда китепке болгон кызыгууну, сүйүүнү бала кезинен баштап калыптандырууга багытталган, баалуу белек катары китеп тартуулоого шыктандырган майрамдык акциялар өтөт. Бишкектеги иш-чара Кыргызстандагы Москва мамлекеттик университетинин илимий-окутуу комплексинде уюштурулат. Читать дальше...

Дин таануу адиси Элмурат Кочкор уулу муфтияттагы “арам акча айлампасы” тууралуу айтылгандарды калыс жана адилет тергөө керек деп санайт. Өзүнүн кезектеги блогунун мааниси тууралуу: “Бул макаланы эч кимди табалоо үчүн эмес, аксагыбызды дабалоо үчүн калемге алгандыгым аңдалса экен”, – деп Э.Кочкор уулу мырза баса белгилейт. Негизи Кыргызстандын муфтиятындагы соңку окуялардын чын же жалган болуп чыгуусу «ишенимге» эч кандай таасирин тийгизбөөсү керек. Ишеним же ыйман, илимий принципке негизделээринен... Читать дальше...

Түркмөнстандын президенти Гурбангулы Бердымухамедов 39 жаштагы уулун вице-премьерликке жана Жогорку көзөмөл палатасынын төрагалыгына дайындады. Бул палата каржы-экономикалык маселелерди көзөмөлдөйт. Ошондой эле президент уулу Сердарды мамлекеттик коопсуздук кеңешинин курамына киргизди. «Азаттыктын» түркмөн кызматы кабарлагандай, Сердар Бердымухамедовду Жогорку көзөмөл палатасынын төрагалыгына дайындаардан мурда аталган мекеменин имаратында оңдоп-түздөө иштери жүргөн. Маалым болгондой ал жакта президенттин уулу эс ала турган терраса курулуп... Читать дальше...

Конституциянын жаңы долбоорунда мамлекеттин өкмөттүк эмес уюмдардын ишмердүүлүгүнө ашыкча кийлигишүүсүнө жол ача турган норма бар. Мындай пикирин 11-февралда "Адилет” укуктук клиникасынын юристтери билдиришти. Укуктук клиниканын сайтына Баш мыйзамдын жаңы долбоору боюнча жүргүзүлгөн анализ жарыяланып, анда Конституциянын сегизинчи беренесинин төртүнчү бөлүгү боюнча кооптонуу айтылган жана сунуш кылынып жаткан норма буга чейин парламентте иштелип чыккан мыйзам долбооруна үндөш экени белгиленген. Читать дальше...

23-январдагы каршылык акцияларынан кийин Москвадагы убактылуу кармоочу жайларда орун калбай калды. Айрым кармалгандар бир нече күндөп вагондорго камалган. Ал эми 31-январдагы митингде кармалган жүздөгөн жарандар Мокванын сыртындагы мигранттарды убактылуу кармоочу жайга жөнөтүлгөн.

13-февралда түнкүсүн Кыргызстандын аймагында жаан-чачын жаабайт. Күндүз Талас облусунун кээ бир райондорунда жаан, кар, Чүй, Ош, Жалал-Абад облустарынын тоолуу жерлеринде кар жаайт, Чүй, Ош, Жалал-Абад облустарынын дыйканчылык аймактарында жана Ысык-Көл, Нарын, Баткен облустарында жаан-чачын жаабайт. Чүй, Талас, Ош, Жалал-Абад, Баткен облустарынын кээ бир жерлеринде туман түшөт. Тоолуу райондордо жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге жетет. Читать дальше...

Түркия Бишкектеги кыргыз-түрк достук ооруканасы боюнча келишимди  ратификациялады. Бул тууралуу 11-февралда Кыргызстандын Түркиядагы элчилиги маалымдады. Элчилик билдиргендей, 10-февралда Түркиянын парламенти оорукананы ачуу, биргелешип башкаруу жана өткөрүп берүү жөнүндө келишимди ратификациялады. Түрк тарап кыргызстандык дарыгерлердин Түркияда медициналык адистиктер боюнча билим алуусу жөнүндө келишимди да колдоду. Түркиянын президенти бул келишимдин күчүнө кириши жөнүндө тийиштүү мыйзамга... Читать дальше...

Бишкек шаарынын Биринчи май райондук сотунун 11-февралдагы токтомуна ылайык, кылмыш дүйнөсүнүн төбөлү деген Кадыр Досонов 8-апрелге чейин Улуттук коопсуздук боюнча мамлекеттик комитеттин (УКМК) тергөө изоляторунда камакта болот. Бул тууралуу Биринчи май райондук сотунун маалымат кызматы кабарлады. 11-февралда УКМК уюшкан кылмыштуу топторго каршы күрөшүү боюнча атайын операциясынын жыйынтыгында "Женго" каймана аты бар, өлкөнүн түштүк аймагын "көзөмөлдөгөн кримтөбөл" деген Кадыр Досонов кармалганын маалымдаган. Читать дальше...

Кыргызстан мусулмандарынын дин башкармалыгынын (Муфтият) башкы эсепчиси Жеңишбай Бекиевдин бөгөт чарасы бүгүн, 12-февралда Бишкектин Биринчи май райондук сотунда каралып, ал эки айга камалды. Соттун басма сөз кызматы кабарлагандай, Бекиев 10-апрелге чейин Улуттук коопсуздук боюнча мамлекеттик комитеттин (УКМК) тергөө абагында кармалат. 10-февралда УКМК Бекиевди мыйзамсыз финансылык иштерге шектүү катары кармаганын маалымдаган жана “Муфтияттын жетекчилиги зыяратчылар кошкон акчаны жеке каржы уюмдарына насыяга берип... Читать дальше...

Муфтийдин орун басары Кадыр Маликов кызматынан убактылуу четтей туруу жөнүндө арыз жазганына бир жумадай болду. Бул тууралуу бүгүн, 12-февралда "Азаттыкка" муфтияттын басма сөз катчысы Максат Атабаев кабарлады. Атабаевдин айтымында, Маликов мындай чечимин үй-бүлөлүк себепке байланыштырган: "Кадыр Маликов кызматынан убактылуу кете туруу чечими боюнча арыз бергенине бир жумадай болуп калды. Ал муну үй-бүлөлүк себептерден улам деп негиздеген". Маликовдун өзүнөн бул тууралуу азырынча маалымат алуу мүмкүн болбой жатат. Читать дальше...

Улуттук коопсуздук боюнча мамлекеттик комитеттин (УКМК) мурдагы төрагасы Абдил Сегизбаевдин үстүнөн жалпысынан алты иш тергелип жатат. Бул тууралуу 11-февралда Башкы прокуратура кабарлады. Мекеменин маалыматына караганда, биринчи иш “Белизгейт” окуясына байланыштуу. Башкы прокуратура Сегизбаев 2016-жылы октябрь-ноябрь айларында Жогорку Кеңештин “Ата Мекен” фракциясынын үч депутаты жөнүндө жалган маалымат тараткан деп эсептейт. Экинчи иш - Бишкектин Көк-Жар конушунда атайын кызматта иштегендер... Читать дальше...

Британияда эмгектенген кыргызстандык окумуштуу Асел Сартбаева Бириккен Улуттар Уюмунун (БУУ) Балдарды коргоо фондунун Кыргызстандагы өкүлчүлүгүнө "Илимдеги кыздар" программасынын алкагында эмдөө жана вакцина боюнча ыктыярдуу элчи болуп дайындалды. Жаңы кызматы тууралуу ал 11-февралда "Твиттердеги" баракчасында жазды: "Мындан ары Кыргызстандагы кыздардын илимдеги ордун жогорулатуу максатында ЮНИСЕФтин "Илимдеги кыздар" программасына вакцина, эмдөө боюнча ыктыярдуу элчи боломун. Кийинки муунду илим жана технологияга үгүттөп... Читать дальше...

Катар өлкөсүнүн Эр-Райян шаарында өткөн финалдык беттеш 1:0 менен актаган. Оюндагы жалгыз голду 59-мүнөттө Бенжамен Павар киргизди.

Бириккен Улуттар Уюмунун (БУУ) майыптыгы бар адамдардын укуктарына байланыштуу конвенциясына ылайык аларга карата терс стереотиптерди калыптандырбоо, кемсинтпөө жана жалпыга маалымдоо каражаттарында туура чагылдыруу максатында онлайн окуу модулу иштелип чыкты. Модуль БУУнун өнүктүрүү долбоорунун колдоосу менен 2020-жылдын декабрында даярдалып бүткөн. Бул тууралуу "Азаттыкка" БУУнун өнүктүрүү долбоорунун координатору Айнура Алымбекова маалымдады: "Акыркы убакта "майыптар" деген сөз коомдо сынга алынып... Читать дальше...

Бүгүн, 12-февраль иликтөөчү журналист Уланбек Эгизбаевдин туулган күнү. Ал тирүү болсо 31 жашка чыкмак. Уланбек Эгизбаевди эскерүү иш-чараларынын алкагында Иликтөөчү журналисттер фонду уюштурган "Чындык" аттуу форум өтүүдө. Форумга АКШнын Кыргызстандагы атайын жана толук ыйгарым укуктуу элчиси Дональд Лу, "Интерньюс" уюмунун Кыргызстандагы кеңсесинин директору Элина Каракулова жана иликтөөчү журналисттер, маалымат агенттиктеринин өкүлдөрү катышууда. Жыйындын катышуучулары Уланбек баштап кеткен иш токтобосун... Читать дальше...

Коронавируска каршы күрөш боюнча республикалык штабдын 12-февралдагы маалыматына караганда, акыркы бир сутка ичинде COVID-19 жана пневмониядан эки адам каза тапты. 70 кишиге вирус жукканы маалым болду. Саламаттык сактоо министрлигинин жаңы эсеби боюнча коронавирус пандемиясы башталган былтыркы март айынан бери илдеттин курмандыктары 1438 кишиге жетти. Ушуну менен пандемия башталгандан бери инфекцияны жугузуп алып, диагнозу расмий такталгандар 85 398 адамга жетти. 82 098 адам оорудан айыкты. Читать дальше...

Бишкекте иликтөөчү журналист Уланбек Эгизбаевди эскерүү иш-чараларынын алкагында бүгүн, 12-февралда Иликтөөчү журналисттер фонду уюштурган "Чындык" аттуу форум өтүүдө. Форумга АКШнын Кыргызстандагы атайын жана толук ыйгарым укуктуу элчиси Дональд Лу, "Интерньюс" уюмунун Кыргызстандагы кеңсесинин директору Элина Каракулова жана иликтөөчү журналисттер, маалымат агенттиктеринин өкүлдөрү катышууда. 11-февралда Бакен Кыдыкеева атындагы жаштар театрында Уланбек Эгизбаевге арналган «Уландын иши уланат» аттуу эскерүү иш-чарасы болуп өткөн. Читать дальше...

Президент Садыр Жапаров Коомдук телерадиоберүү корпорациясына курган маегинде «көмүскө кардинал» деп аталып жаткан экс-депутат Арзыбек Бурханов жөнүндө билдирүү жасады. Журналист Алмаз Касымалиев «Бурхановду кадр саясатына түздөн-түз кийлигишкен, таасир эткен, көп маселени чечкен киши катары айтып жатышканына эмне дейсиз?» деп суроо узатты. Садыр Жапаров муну төгүнгө чыгарып, кадр маселесин өзү чечип жатканына токтолду: «Бул ушакчылардын эле сөзү. Арзыбек Бурханов бир дагы кадрды алып келип... Читать дальше...

Жаш атлеттер Спорттун олимпиадалык түрлөрү боюнча дирекциянын негизги республикалык жана эл аралык мелдештердин календарлык планына ылайык жөнөтүлөт.

Райымбек Матраимовдун эркиндикте калышы коомчулукта резонанс жаратты. Кылмыш менен жазанын ортосундагы байланыш, жазанын колдонулушу жана анын максаты эмнеде? Медер Айтмырзаевдин блогу ушул көйгөйгө арналат.

АКШ Конгрессиндеги демократтар 11-февралда, мурдагы президент Доналд Трампка карата экинчи импичмент сотунун бейшемби күнкү жүрүмүндө, ага каршы өз доолорунун материалдары менен тааныштырууну улантышты. Алар быйыл 6-январдагы тополоңго чейинки Трамптын Ак Үйдүн жанына келген өз тарапташтарынын алдындагы сөзү да камтылган видео тасмалардын жаңы бөлүктөрүн да ачыкташты. АКШ Конгрессинин Өкүлдөр үйүнүн демократтар тобу, импичмент жөнүндөгү мыйзамга ылайык, бул сот жүрүмүндө прокурорлор катары чыгып сүйлөөдө. Читать дальше...

“Күлкү кербени” жемкорлукка айыпталып келген бир мурдагы бажычы жана жалпы жемкорлук тууралуу азилдердин шиңгилин сунуштайт.