د کابل هوایي ډګر یو شمېر سرحدي پولیس خپلو دندو ته ورغوښتل شوي
د ملکي هوایي چلند ادارې پرون پر خپله رسمي فېسبوک پاڼه لیکلي چې دغه سرحدي ځواکونه به په عادي ډول خپلو دندو ته دوام ورکوي.
دې ادارې دندې ته د راستنو شویو سرحدي سرتېرو انځورونه هم خپاره کړي چې هماغه پخوانی پوځي یونیفورم یې اغوستی دی.
طالبانو ویلي، هوایي ډګر له تخنیکي پلوه نړیوالو سوداګریزو الوتکو ته چمتو شوی، خو لا هم معلومه نهده چې څه وخت به په رسمي ډول پرانیستل شي.