هرات کې د سوداګرو او پانګه والو د اختطاف په اړه اندېښنې زیاتې شوي
د دې خونې مرستیال توریالي غوثي نن چهارشنبه (د مرغومي ۲۲مه) ازادي راډیو ته وویل چې په تېرو څلورو ورځو کې درې سوداګر په هرات ولایت کې تښتول شوي دي چې د یوه جسد تېره ورځ پیدا شو.
د نوموړي په خبره، په تېر نظام کې هم په هرات کې د سوداګرو تښتونه ډېره وه او د طالبانو له واکمنېدو سره وضعیت بدلون نه دی کړی.
نوموړی وايي، د نظام د بدلون پر مهال د ډېرو زندانیانو د ازادېدلو له امله په دې ولایت کې د تښتونې پېښې ډېرې شوي.
ښاغلی غوثي وايي، د سوداګرو او پانګه والو تښتونه په هرات کې په سوداګریزو چارو منفي اغېز کوي.
نوموړی د طالبانو له حکومت څخه غواړي چې د دې ولایت د سوداګرو د امنیت په اړه اقدام وکړي.