د طالبانو ویاند او د دوی د حکومت د اطلاعاتو او کلتور وزارت سرپرست معين ذبیح الله مجاهد نن (جنورۍ اوومه) پر خپله ټویټر پاڼه لیکلي دي چې "د هندوستان هېواد لخوا له افغانستان سره د مرستو په لړ کې نن سهار شپږ ټنه درمل کابل ته راورسېدل."
په داسې حال کې چې په افغانستان کې د طالبانو حکومت تر اوسه هېڅ یوه هېواد په رسمیت نه دی پېژندلی، د بهرنیو چارو سرپرست وزیر يې وايي، په تېرو څلورو میاشتو کې د پام وړ لاسته رواړنې یې درلودې. امیرخان متقي تېره ورځ ناوخته په کابل کې د حکومت ویاندویانو ته په یوې جوړې شوې غونډې کې ویلي چې اوس مهال له ډېرو هېوادونو سره د دوی اړېکې نورمال حالت ته اوښتې دي. د هغه په وینا یو شمېر هېوادونو په کابل کې د خپلو سفارتونو د بېرته پرانیستلو ژمنه کړې ده. دی وايي: "د نړۍ په ډېرو هېوادونو کې چې زموږ سفارتونه... Читать дальше...
د طالبانو حکومت د هند د مرستو هرکلی وکړ. د طالبانو ویاند ذبیح الله مجاهد نن په ټویټر کې لیکلي دي چې د هند د طبي مرستو یو بار نن کابل ته ورسېد. په دې کې شپږ ټنه دوا او روغتیایي مواد دي. ذبیح الله مجاهد څرګندوي چې د افغانستان اسلامي امارت د زړه له تله د هند د بشري مرستو مننه کوي. هند څو ورځې مخکې هم د کرونا پنځه لکه ډوزه واکسین مرسته له افغانستان سره کړې وه.
ولسمشر قاسم جومارت توقاییف وایي، په قزاقستان کې اساسي نظم راغلی دی، خو د ترهګرۍ ضد عملیات به له څو ورځنیو سختو ناکراریو وروسته ادامه پيدا کړي. دې ناکراریو د منځنۍ اسیا دغه هېواد اړ کړ چې د روسیې په مشرۍ له سیمه ییز پوځي اتحاد څخه پوځیان ور وغواړي. د ولسمشر دفتر وایي، توقایف نن له ترورېزم سره د مبارزې د ملي مرکزي دفتر د سهارنۍ غونډې مشري وکړه او ویې ویل چې روانې هڅې په بشپړ ډول د دولت د وسله والو مخالفانو له منځه وړلو په هدف دي. ویل کېږي چې لا هم د قزاقستان په تر ټولو ستر ښار الماتې کې د ښاروالۍ له دفترونو لوخړې په جګېدو دي. Читать дальше...
د فرانسې د بهرنیو چارو وزیر له ایران سره د اټمي تړون بېرته ستنېدو ته خوشبیني ښکاره کړه، خو ژان-ایو لو دریان په ورته وخت کې خبرداری ورکړ چې د دې نړیوالو خبرو وخت په تېرېدو دی. ښاغلي ژان-ایو لو دریان 'بي ایف اېم' ټلوېزیون او 'ار اېم سي' راډیو ته وویل چې ده دا ډاډ ترلاسه کړی دی چې یوه موافقه به وشي او په تېرو څو ورځو کې په دې خبرو کې پرمختګونه شوې دي. د فرانسې د بهرنیو چارو وزیر زیاته کړه، له څو ورځو راهیسې خبرې په سم لوري درومي خو وخت مهم دی او که ژر موافقه ونه شي بیا خبرې نه شي کیدای. له ایران... Читать дальше...
د هېواد د ډېری نورو سیمو په څېر په غزني کې هم د دوشنبې له ورځې راهیسې د سږني کال د لومړۍ واورې ورېدل پیل شول. اټکل کېږي چې د دغې واورې ورېدل به په وقفه يي شکل څو ورځې دوام وکړي. خو د سږنیو واورو ورېدل په داسې حال پیل شوې چې یوې خوا ته په هېواد کې بې وزلي زیاته شوې ډېری خلک د سونګ توکي نه لري، له زیاتې سړځګۍ څخه کړېږي، له بلې خوا وطن سختې وچکالۍ ځپلی او بل لورته بیا ډېری بزګران او کروندګر ورته خوشحاله دي. دغه بزګران او کروندګر وايي، تیرې وچکالۍ ناامېده کړي وو، خو اوس یې بېرته هیلې را ژوندۍ شوي دي. Читать дальше...
په افغانستان کې د طالبانو حکومت کابل ته د یو پاکستاني پلاوي د سفر خبر ورکوي. د طالبانو ویاند ذبیح الله مجاهد د جمعې په ورځ (د مرغومي ۱۷مه) ازادي راډيو ته وویل دوی ته خبر ورکړل شوی چې په نږدې ورځو کې به د پاکستان یو پلاوی کابل ته راشي، خو د ده په وینا لا معلومه نه ده چې په دې پلاوي کې څوک دي؟ ښاغلي مجاهد وویل، یاد پلاوی به له افغان لوري سره د بشري مرستو د دوام، دوه اړخیزو سوداګریزو اړیکو په پراختیا او دا شان د ډیورند کرښې په اوږدو کې د را پیدا شوېو ستونزو د حل په اړه خبرې او بحثونه وکړي. مجاهد زیاته کړه... Читать дальше...
د ډبلیو اېچ او د طبي چارو د انتظام مشرې جینېټ ډيياز د جنورۍ پر شپږمه وویل، لومړنۍ څېړنې ښيي چې د ډېلټا بڼې په نسبت په اومېکرون بڼې اخته کسان په روغتونونو کې د بسترېدو له کم خطر سره مخامخ دي.
دا ځل په اونيزه خپرونه "د مشال مرکه" کې د بلوچستان پخوانی ګورنر امان الله ياسين زی مليمه دی. نوموړی له ۲۰۰۵ز څخه تر ۲۰۰۹ز پوري د بلوچستان هاي کورټ چيف جسټس هم پاتې شوی. امان الله ياسين زی په ۲۰۱۸ز کال کې د بلوچستان ګورنر ټاکل شوی وو خو نوموړي د ۲۰۲۱ز کال په جولاي مياشت کې استفعا ورکړې وه. ياسين زی وايي، د ګورنرۍ مودي کې يې په بلوچستان کې تعليم ته زياته پاملرنه کړې وه او د پوهنتونونو شمېر يې زيات کړی وو. د نوموړي په خبره په بلوچستان کې په ځوانانو کې ډير صلاحيت دی او دوی بايد تخنيکي زده کړو ته زياته پاملرنه وکړي. Читать дальше...
د قازقستان په تر ټولو لوی ښار الماتې کې پولیسو د جنورۍ پر شپږمه وویل چې د تېرې ورځې پر مهال لسګونه بلوه ګر وژل شوي دي.
د خوست اوسېدونکي وايي، په هغه ولایت کې د کووېډ-۱۹ ناروغۍ لپاره ځانګړی روغتون اکسیجن او درمل نه لري. دوی له مشال راډیو سره په خبرو کې غوښتنه وکړه چې په ۲۰ بستریز روغتون کې دې نیمګړتیاوې پوره کړي ځکه چې په وروستیو کې په سیمه کې د کورونا وایرس پېښې زیاتې شوې دي. د روغتون کارکوونکي وايي، له شپږو میاشتو راهیسې یې تنخاګانې نه دي ترلاسه کړې. د خوست د ولایتي روغتون مشر د درملو د کمښت پوره کولو او روغتیاپالانو ته د تنخاګانو ورکولو ژمنه کړې. ویډیويي رپورټ.
ټاکل شوې د پاکستان د صدراعظم د ملي امنیت د سلاکار معید یوسف په مشرۍ یو پلاوی کابل ته ولاړ شي. دا پرېکړه پرون پنجشنبه (د مرغومي ۱۶مه) د افغانستان لپاره د پاکستان د وزارتونو د همغږۍ څانګې په هغه غونډه کې وکړه چې مشري یې د ملي اسامبلۍ مشر اسد قیصر کوله. له غونډې وروسته د ملي اسامبلۍ پر وېب پاڼه په بیان کې راغلي چې معید یوسف چارواکي له افغانانو سره د بشري مرستو په برخه کې له اقداماتو خبر کړل. د بیان له مخې ښاغلي یوسف د اسامبلۍ مشر ته وویل چې د اسلام اباد له خوا له افغانستان سره د پنځه میلیارد... Читать дальше...
ټاکل شوې چې په قزاقستان کې له قهرجنو اعتراضونو وروسته د ثبات د ټینګولو په هدف نن له روسیې او د ډله ییز امنیت د سازمان له نورو غړو هېوادونو څخه نور سرتېري دې هېواد ته ورسېږي. پرون ماښام له روسیې او بېلاروس څخه یو شمېر سرتېري هلته ورسېدل او په پام کې ده چې نن نور روسي سرتېري او له ارمنستان او تاجکستان او همدا راز د پارلمان د تصویب په صورت کې له قرغزستان څخه هم پوځي قطعې ورسېږي. د قزاقستان په لوی ښار الماتي کې پرون معترضانو پر دولتي ودانیو یرغل وکړ، ځینو ته یې اور واچاوه او دکانونه یې لوټ کړل. Читать дальше...
د پاکستان د پیپل ګوند مشر بلاول بوټو زرداري د حکومت او پاکستاني طالبانو ترمنځ پر مذاکراتو ژوره اندېښنه ښودلې ده. ښاغلي زرداري پرون پنجشنبه (د مرغومي ۱۶مه ) د ګوند د مرکزي اجراییه کمېټۍ له غونډې وروسته خبریالانو ته وویل، پټې خبرې تحریک طالبان پاکستان ته د تسلیمېدو په معنی دي. بلاول زیاتوي: "د ګوند مرکزي کمېټې وسله والو ته د حکومت د سلامي کېدو او د حکومت له خوا د پارلمان په شتون کې له پاکستاني طالبانو سره د پټو خبرو په اړه ژوره اندېښنه څرګنده کړې ده." د پاکستان حکومت د بلاول بوټو زرداري د... Читать дальше...
د طالبانو د حکومت د بهرنیو چارو سرپرست وزیر وايي، دوی افغانستان له اقتصادي سقوطه ژغورلی دی. امیرخان متقي پرون پنجشنبه (د مرغومي ۱۶مه) د یو شمېر وزارتونو ویاندویانو ته په وینا کې چې رسنیو ته هم استول شوي، وویل، په کور دننه مالي سرچینې سمبالې شوې دي. ده وویل، حکومت یې دولتي مامورانو ته د درېیو میاشتو معاشونه ورکړي او په خبره یې ژر به د څلورمې میاشتې هم حواله کړي. ښاغلي متقي وویل، ورځ تر بلې پر بانکي چارو فشارونه کمېږي او د نړیوالې ټولنې له خوا ورسره څو ځله نغدي مرستې هم شوي دي. نوموړی دا... Читать дальше...
د ښځينه معتادینو د درملنې مرکزونه چې ځينو ولايتونو کې له پنځو مياشتو راهيسې تړل شوي وو، اوس يې بېرته فعالیت پيل کړی دی. هغه معتادې مېرمنې چې دې روغتیايي مرکزونو ته ورغلي وايي چې د اعتیاد له سختو دردونو څخه تنګې شوي او غواړي چې د معتادو ښځو او ماشومانو د مرکزونو لپاره دې امکانات برابر کړل شي. ثريا چې بڼه يې ژېړه اوښتې او کمزورې شوې تر ډېرو ستونزو وروسته وکولی شوای چې ځان د نيمروز ولايت په مرکز زرنج ښار کې د ښځينه معتادینو په روغتيايي مرکز کې بستري کړي، دا هغه مرکز دی چې له څلورو مياشتو راهيسې تړل شوی و. Читать дальше...
جرمني کې د یوې مهمې تګلارې په بدلون سره هغو افغانانو ته د پاتې کېدو چانس زیات شوی چې تازه یې دغه هېواد کې د پناه غوښتنه کړې ده. د جرمني 'ډي.پي.اې' اژانس د پنجشنبې په ورځ (د مرغومي ۱۶مه) وویل، له دې اقدام سره به هغه افغانان هم ټولنه کې د یوځای کېدو په روزنیزو پروګرامونو کې شامل شي چې لا یې د پناه ورکولو په اړه پرېکړه نه ده شوې. د دغو روزنیزو کورسونو پیسې د جرمني د دولت له بودجې ورکول کېږي. جرمني دا تګلاره داسې مهال بدلوي چې تازه یې نوي ایتلافي حکومت د کډوالۍ په سیاست کې د "نوي پېل" ژمنه کړې وه. Читать дальше...
د بدخشان په کشم ولسوالۍ کې یو شمېر ښځو پرون پنجشنبه (د مرغومي ۱۶مه) د طالبانو له خوا پر دوی د لګول شوېو بندیزونو پرضد مظاهره وکړه. په بدخشان کې د ښځو فعالې او د همدې مظاهرې تنظیمونکې سٌمیه نعیمي ازادي راډیو ته وویل: "ښځې له ډېرو ستونزو سره مخامخ دي، ښځې حق نه لري چې درس ووایي او کار وکړي، د ښځو لپاره د ښونځینو او پوهنتونونو دروازې تړلې دي. له طالبانو غواړو چې نجونو ته د ښونځیو او پوهنتونونو دروارې پرانیزي، دوی باید ښځو ته د ازادۍ او کار اجازه ورکړي." له دې وړاندې ښځو په کابل او یو شمېر نورو... Читать дальше...
د کندز په خان اباد ولسوالۍ کې د سپرلۍ د یوه بس د چپه کېدو په پېښه کې ۱۰ تنه ټپيان شوي دي. د دغې ولسوالۍ په پنځوس بستریز روغتون کې یوې سرچینې ازادي راډيو ته وویل چې ټپيانو کې مېرمنې او ماشومان هم شامل دي. د سرچینې په باور، دغه بس له کابله تخار خوا ته روان و چې پرون د خان اباد اړوند سیمه کې چپه شو. د سیمې یو شمېر اوسیدونکو ازادي راډیو ته ویلي، پېښه د موټر چلونکي د بې احتیاطۍ او چټک تګ له کبله رامنځته شوې ده.
د بې پولې ډاکټرانو ټولنه وایي، د دوی ډلې وروسته تردې د پولنډ له پولې ولاړې چې د پولنډ چارواکو یې پناه غوښتونکو ته د لاسرسي مخه ونیوله. د پولنډ او لېتوانیا لپاره د 'اېم.اېس.اېف' د بیړنیو چارو همغږې کوونکې فراوک اوسیګ 'Frauke Ossig' په یوه بیان کې ویلي، دې سازمان درې میاشتې هڅه وکړه چې د بیړنۍ ځواب ورکونې ټیمونو ته سرحدي سیمه کې د ځنګه دننه د تګ اجازه واخلي. د راپورونو له مخې، دغې سیمه کې د ژمي په دې سړه هوا کې پناه غوښتونکي بند پاتې دي. اروپایي ټولنه د بېلاروس د واکمن الکساندر لوکاشینکا رژيم... Читать дальше...
د امریکا او روسیې د دفاع وزیرانو د اوکراین پولې ته نژدې د "خطر پر کمولو"خبرې وکړې. د امریکا د دفاع وزارت یا پنټاګون په یوه لنډ بیان کې ویلي چې لویډ اسټن او سیرګي شویګو پرون پنجشنبه(د مرغومي ۱۶مه) دا خبرې کړي دي. د امریکا د دفاع وزارت یوه چارواکي د نوم نه ښودو په شرط رویټرز اژانس ته ویلي: "موږ اوس هم په ښکاره ډول د هغه څه په اړه اندېښمن یو چې وینو یې." د روسیې او امریکا د دفاع وزیران داسې مهال دا خبرې سره کوي چې لویدیځ قدرتونه د اوکراین پولې ته نژدې د روسیې له خوا د یو لکو سرتیرو په ځای پر... Читать дальше...
په وروستۍ اوونۍ کې دوه ځله د نشه يي توکو ډېر مواد د ډيورنډ کرښې ها خوا ته او دوه ځله نور زرګونه کيلوګرامه کېمياوي نشه يي مواد هم په هند کې ونيول شول. دا هغه مواد وو چې لومړی له افغانستانه پاکستان او بيا د پاکستان د کراچۍ له لارې هند ته قاچاق شوي وو. د هند د نشه يي موادو د کنټرول ادارې مشر د دې هېواد رسنيو ته ويلي چې په دې وروستیو مياشتو کې تر ميانمار وروسته افغانستان دوهمه سرچينه ده چې هند ته ډېر نشه يي مواد قاچاقوي. که څه هم د طالبانو حکومت له نشه يي موادو سره د مبارزې لپاره د ځانګړي ستراتيژۍ... Читать дальше...
د افغانستان د هوا پیژندنې ریاست وایي، نن جمعه(د مرغومي ۱۷مه) او سبا شنبه(د مرغومي ۱۸مه) په نهو ولایتونو خوست، پکتیا، لوګر، ننګرهار، لغمان، پنجشیر، نورستان، کونړ او بدخشان کې د درنې واورې او باران احتمال شته. دغه ریاست پرون پنجشنبه (د مرغومي ۱۶مه)په یوه خبرپاڼه کې د باران اندازه ۱۵ تر ۳۰ ملي مترو پورې ښودلې او په بېلابېلو سیمو کې یې د واورې کچه هم تر ۱۵ او ۳۰ سانتي مترو پورې اټکل کړې ده. دا په داسې حال کې ده چې په افغانستان کې وروستیو ورښتونو خلکو ته د سر او مال زیان اړولی دی. د باختر دولتي... Читать дальше...
دا پرېکړه د افغانستان لپاره د پاکستان د وزارتونو د همغږۍ دفتر د جنورۍ پر شپږمه په یوه غونډه کې کړې چې مشري یې د قامي اسمبلۍ سپیکر اسد قیصر کوله.