په اوکراین کې سر نننه د رسمي ژبې قانون عملي کیږي
د دې کار هدف د اوکراین په عمومي حوزه کې د روسۍ ژبې د کارونې د مخې ډب کول دي.
دغه قانون په ۲۰۱۹م کال کې تایید شوی و، خو په روسۍ ژبه یې نشرات نه وو منع کړي، بلکې سپارښتنه یې کړې وه چې په موازي ډول دې په اوکراینۍ ژبه هم مطالب چاپ شي.
دغه کار د چاپي رسنیو لپاره چې مارکیټ یې په خرابېدو دی، یو ګټور انتخاب نه ګڼل کېږي.
د دې نوي قانون ملاتړي وايي چې دا قانون یې ملي هویت پیاوړی کوی، خو انتقاد کوونکي استدلال کوي چې دغه قانون کولی شي هغه کسان له خپل حق څخه محروم کړي، چې مورنۍ ژبه یې روسي ده.