افغان سوداګر: ۵ میاشتو کې ۵۸ زره او ۹۳۲ جلده قره قل پوستکي صادر شوي
د افغانستان د قره قل پوستکي ادارې مدیر محمد عارف نن سې شنبه (د مرغومي ۲۸مه) ازادي راډیو ته وویل، یاده اندازه د قره قل پوستکي د طالبانو تر واکمنۍ وروسته د ایران له لارې فنلنډ ته صادر شوي دي.
ښاغلی عارف وايي چې په افغانستان کې د مالي کال له پیل راهیسې دوی یو لک و څلور زره جلده د قره قل پوستکي روسیي او د منځنی اسیا هېوادونو ته صادر کړي دي.
د نوموړي په خبره د قره قل اداره هڅه کوي چې په راتلونکي کال کې نورو هېوادونو ته هم قره قل پوستکي صادر کړي.