مصطفی حدید په جرمني کې له خپل پخواني فوټبال کلپ سره یوځای شو
افغان فوټبال لوبغاړی مصطفی حدید په جرمني کې له خپل پخواني فوټبال کلپ سره یوځای شو.
مصطفی حدید چې په ۲۰۰۹کال کې د افغانستان د فوټبال له ملي لوبډلې سره یو ځای شو، په ۲۰۱۶ کال کې جرمني ته کډوال شو او هلته یي د جرمني د فوټبال لیګونو په څو مطرح کلپونو کې د فوټبال ډګر په بېلابېلو موقعیتونو کې لوبې وکړې.
حدید په وروستیو کلونو کې د التونا۹۳ په نوم له فوټبال کلپه له وتلو وروسته د افغانستان ملي ټیم لپاره په څو کورنیو او بهرنیو سیالیو کې لوبه وکړه.
د فوټبال دغې وتلې څېرې په لومړیو کې د فوټبال ډګر په یرغلیزه لیکه کې لوبه کوله، خو د جنوبی اسیا فوټبال سیالیو په مهال د افغانستان فوټبال ملي لوبډلې په ترکیب کې بیا دفاعی کرښې ته ورستون شو.
حدید په دې وروستیو کې یوځل بیا د جرمني التونا۹۳ کلپ سره یوځای شوی دی.