وېسټ انډیز د هند په وړاندې د سیالیو لپاره خپله نارینه لوبډله اعلان کړه
د ورزشي اژانسونو د راپورونو له مخې، ټاکل شوې چې وېسټ انډیز د فبرورۍ له شپږمې تر ۲۰مې هند ته په سفر کې له هندي لوبډلې سره درې یو ورځنۍ او درې شل اوریزه سیالۍ ترسره کړي.
د معلوماتو پر بنسټ، درې شل اوریزې لوبې به د فبروري مياشتې په ۱۶ مه، ۱۸ مه او ۲۰ مه نېټه د کلکتې په( ایډن ګارډن ) لوبغالي کې ترسره شي، خو له هغې وړاندې به د درې یو ورځنیو لوبو لړۍ د فبروري په ۶ مه ، ۹ مه او ۱۱ مه نېټه د احمد اباد په نریندرا مودي لوبغالي کې ترسره شي.