Новости за 18.01.2022

په فاریاب کې د تېرې اوونۍ له اعتراضونو وروسته د طالبانو ځواکونو د دې ولایت په مرکز میمنه کې پوځي تمرینونه ترسره کړل.  د طالبانو د دفاع وزارت یو چارواکی لطف الله حکیمي وایي، په سلګونو سرتیري یې د فاریاب په څنګلورو ولایتونو کې ځای پرځای شوي چې پر وضعیت کنټرول ولري.  په میمنه کې د تیرې پنجشنبې په ورځ اعتراضونه وروسته له هغې پیل شول چې د معترضانو په خبره د طالبانو د پوځي کمېسیون پخوانی رییس او ازبک ټبره قوماندان مخدوم عالم توقیف شوی دی.  د روح الله په نوم د میمنې ښار یو هټیوال وایي، اوس وضعیت بیرته عادي شوی دی: "نن ارامي ده. Читать дальше...

د ملګرو ملتونو د ملکي هوایي چلند ادارې د راین ایر هوایي شرکت د هغې الوتکې په اړه خپل څېړنیز راپور بشپړ کړی چې تېرکال بېلاروس کې ناستې ته اړ ایستل شوې وه.  د هوایي چلند دغې نړیوالې ادارې پرون" د جنورۍ په ۱۷مه" وویل، د حقیقت موندنې دا راپور یې د خپلې شورا د ۳۶ هېوادونو په ګډون  ۱۹۳ غړو  ته سپارلی دی.  ټاکل شوې د ملګرو ملتونو د هوایي چلند شورا  د جنورۍ په ۳۱مه د خپل راپور د موندنو په اړه غونډه وکړي او ځینې اقدامات اعلان کړي.  دا الوتکه تېر کال په مې میاشت کې د بېلاروس په پلازمېنه مېنسک کې په دې... Читать дальше...

ټاکل شوې چې د پاکستان د ملي امنیت سلاکار معید یوسف له طالب چارواکو سره د خبرو لپاره نن کابل ته ولاړ شي.  د راپورونو له مخې ښاغلی یوسف به په دغه دوه ورځني سفر کې د طالبانو د حکومت له چارواکو سره د ډیورند پر کرښه د اغزن سیم د غځولو پر موضوع او د ملګرو ملتونو د غوښتنې پر اساس افغانستان ته د مرستو د رسولو پر چارو خبرې وکړي. پاکستاني چارواکو ډان ورځپاڼې ته ویلي چې له ښاغلي یوسف سره به په دې سفر کې د پاکستان د حکومت یو شمېر غړي ملګرتیا کوي، خو په دې اړه نور جزئیات نه دي ورکړل شوي.  د ډیورند پر کرښه... Читать дальше...

په افغانستان کې پرون دوشنبه(د مرغومي ۲۷مه) د دوو زلزلو له امله د لږ تر لږه ۲۶ کسانو د مړه کېدو او په سلګونو کورونو د ویجاړېدو راپورونه ورکول شوي.  دغه زلزلې ترکمنستان پولې ته نژدې په بادغیس ولایت کې شوي دي.  د امریکا د جیولوژۍ د سروې مرکز د یوې زلزلې چې پرون سهار وختي شوې، د قدرت اندازه د ریښتر په کچه ۵،۳ او د بلې یوې چې څو ساعته وروسته شوې، ۴،۹ ثبت کړې ده. یوې زلزلې د بادغیس د مرکز قلعه نو ختیځ په ۴۱ کیلومترۍ او بلې په جنوب ختیځ پنځوس کیلومترۍ کې سیمې لړزولي دي. د طالبانو د حکومت د بیړنیو... Читать дальше...

د پولنډ د فوتبال وتلې څیرې رابرټ لیواندوسکي Robert Lewandowski د ۲۰۲۱م زیږدیز کال د نارینه وو د فوتبال د تر ټولو غوره لوبغاړي لقب وګاټه. په هغو مراسمو کې چې پرون دوشنبې (د مرغومي ۲۷مه) د فوټبال د نړیوال فدراسیون یا فیفا له خوا جوړ شوي و، دغه لقب لیواندوسکي ته ورکړل شو. ۳۳ کلن لیواندوسکي د پولنډ په ملي ټیم او د جرمني په بایرن مونیخ په ټیم کې لوبې کوي.  نوموړي د دوهم ځل لپاره دغه لقب خپلوي.  سږکال دغې جایزې ته د ارجنټاین د فوتبال وتلې څېره لیونیل میسي او مصري فوتبالر محمد صلاح هم کاندیدان و.

د اوکراین پخوانی ولسمشر پترو پروشینکو بېرته خپل هېواد ته ستون شوی چې پر ځان لګول شوي د خیانت له تورونو سره مبارزه وکړي.  پروشینکو چې پرون له پولنډ څخه کیف ته ورسېد، په هوایي ډګر کې یې یو شمېر پلویانو ته په څرګندونو کې وویل چې له خپل ځانه د دفاع په خاطر نه بلکې له اوکراین څخه د دفاع لپاره مبارزه کوي.  هغه زیاته کړه چې اوکراین د روسیې د ولسمشر ولادمیر پوتین د بدماشۍ پر وړاندې ولاړ دی او په پوره ځواک دفاع کوي.  پروشینکو پر ځان د خیانت لګول شوي تورونه ردکړي او د هغو ترشا یې سیاسي انګېزې بللي دي. Читать дальше...

د کریملن سرسخت منتقد الکسي ناوالني وایي، له زنداني کېدو یې یو کال تیریږي خو په دې هېڅ پښیمانه نه دی او له خپلو پلویانو غواړي چې له هېڅ شي ونه ډار شي. ناوالني پرون په خپل انسټاګرام پاڼه کې په یوه بیان کې ویلي چې نه غواړي هغه خلک چې د ده خبره صادق دي، په ویره کې ژوند وکړي. هغه له خپلې مېرمنې سره د زندان په جامو کې یو تصویر هم ایښی دی. د بښنې نړیوال سازمان یا امنیسټي انټرنیشنل د ناوالني د نیول کېدو د یو کال په پوره کېدو سره له نړیوالې ټولنې غوښتي چې د هغه د خوشې کېدو لپاره خپل غږ اوچت کړي. الکسي... Читать дальше...

د ایران د بهرنیو چارو وزرات پرون دوشنبې(د مرغومي ۲۷مه) اعلان وکړ چې د ایران استازي په سعودي کې مېشت د اسلامي هېوادونو د همکارۍ سازمان ته بېرته ستانه شول. دا له ۲۰۱۶م زیږدیز کال راهیسې چې د تهران او ریاض ترمنځ اړیکې کړکېچنې شوې، لومړنی ډپلوماتیک اقدام دی چې کېږي. د بهرنیو چارو وزارت ویاند سعید خطیب زاده په یوه خبري کنفرانس کې وویل، ایرانی پلاوی اوس په جده کې دی چې د اسلامي همکاریو په سازمان کې خپل کار بېرته پیل کړي. خطیب زاده زیاته کړه:"دا به د دې لپاره یو ښه پیل وي چې دواړه هېوادونه له خپلو... Читать дальше...