کرکټ؛ نن د افغانستان-زېمبابوې د ۲۰ اوریزو لوبو لړۍ پیلېږي
د افغانستان او زېمبابوې د کرکټ ملي لوبډلو ترمنځ سر له نننه د ۲۰ اورونو د درې لوبو لړۍ پیلېږي.
دا درې سره لوبې د متحده عربي اماراتو په ابوظبۍ کې ترسره کېږي.
لومړۍ یوه یې نن، بله یې بل سبا د جمعې په ورځ او درېیمه او وروستۍ یې د شنبې په ورځ ده.
د دغو دوو لوبډلو ترمنځ تر دې مخکې په متحده عربي اماراتو کې دوه ټېسټ لوبې وشوې چې یو د یوه پر وړاندې مساوي شوې.