د افغانستان د کورنیو چارو وزارت: کابل ښار کې د یوې چاودنې مخنیوی وشو
د دغه وزارت ویاند طارق ارین پر خپله ټویټرپاڼه لیکلي چې دا موټر تېر ماښام د کابل په ارغندې سیمه کې د کابل د ګډو امنیتي ځواکونو لهخوا نیول شوی او خنثی شو.
د یوې احتمالي خونړۍ پېښې مخه داسې مهال نیول شوې چې خلک نوی لمریز کال لمانځي.
ښاغلي ارین وویل چې د نوروز د مېلو د امنیت ټینګولو لپاره امنیتي ځواکونه په ټولو سیمو کې فعال دي.