جلالاباد کې دوه جلا چاودنې شوي
په جلالاباد کې نن دوو جلا چاودنو یو تن وواژه او یو تن ټپي کړ.
د ننګرهار مطبوعاتي دفتر ازادي راډیو ته په رالېږل شویو معلوماتو کې ویلي چې نن سهار د جلالاباد ښار په دوهمه ناحیه کې چاودنه وشوه چې پهکې د جلالاباد ښاروالۍ یو کارکوونکی ووژل شو.
په همدې مهال د جلالاباد ښار د څلورمې ناحیې په مربوطاتو کې هم چاودنه وشوه چې یو تن ملکي وګړی ټپي شو.
د دغو چاودنو مسؤلیت لا چا نهدی منلی.