د نوي کال پر لومړۍ ورځ د ورکو بلوڅانو موندلو لپاره د هڅو کوونکي سازمان (وایس فار بلوچ مېسېنګ پرسنز) لسګونه پلویانو او د ورکو خلکو د کورنیو غړو د کراچۍ د خبریالانو مرکز مخې ته مظاهره وکړه. دوی له حکومته غوښتنه وکړه چې ورک کسان دې پیدا کړي او عدالتونو ته دې یې وړاندې کړي. په پاکستان کې د ورکو کسانو د قضیو څېړلو سرکاري کمېشن د ۲۰۲۱ز کال په جنورۍ کې ویلي ول چې د ۶،۹۴۴ ورکو کسانو قضیې یې عدالتونو ته وړاندې کړې وې چې ورڅخه یې تر ۴،۸۰۰ زیاتې هغه هوارې کړې دي. ویډیويي رپورټ.
