Новости за 21.09.2021

د افغانستان د صرافانو ټولنه وایي،که د صرافانو مالي ستونزې هوارې نه شي دوی د فعالیتونو درولو ته به اړ شي. د افغانستان د صرافانو د سراسري ټولنې مرستیال حاجي داد ګل نن سې شنبې (د وږې په ۳۰مه) ازادي راډیو ته وویل، د افغانستان بانک له خوا لا هم د دوی ستونزه نه ده هواره شوې. نوموړي وویل، بانکونه صرافانو ته په اوونۍ کې شل زره افغانۍ او یا دوه سوه ډالر ورکوي چې دې چارې د صرافانو کارونه له خنډ او ځنډ سره مخ کړي. د افغانستان بانک دا پرېکړه په داسې حال کې کړې چې د افغانستان ډېره پانګه د نړیوال بانک له خوا ګنل ده. Читать дальше...

د افغانستان د کرنې،اوبو لګونې او مالدارۍ وزارت له ترکیې غواړي چې له دغه هېواد سره هر اړخیزو مرستو ته دوام ورکړي. د کرنې، اوبو لګونې او مالدارۍ وزارت سرپرست مولوی عبدالرحمن راشد نن سې شنبه (د وږي ۳۰مه) د افغانستان لپاره د ترکيې ۷۷ ودانيز شرکت مسؤل براق انسال سره د کتنې پر مهال له نوموړي وغوښتل چې هېواد دې خپلې پروژې په ځانګړي ډول د کرنې په برخه کې عملي کړي. وزارت په يوه خبرپاڼه کې ویلي، په دغه ناسته کې ښاغلي انسال په خپلو خبرو کې له افغانستان سره د ترکي پانګوالو د هر ډول همکاریو ژمنه کړې او ډاډ... Читать дальше...

مېل انلاین د بریتانیا مېل انلاین خپرونې په خپله پرونۍ ګڼه کې په دې اړه لیکنه خپره کړې چې د موبایل ټیلیفون د غلا په تور طالبانو یو تن په عام محضر کې په دُرو وهلی دی. د خپرونې په حواله، د طالبانو افراطي ډلې په افغانستان کې د خپلې بڼې د شریعت جاري کول پیل کړي دي. مېل انلاین د فرانسې خبري اژانس په حواله لیکي، دغه کس په کابل کې د پوهنې وزارت ته څېرمه وروسته له هغې وډبول شو چې یو بل کس دی د موبایل ټیلیفون په غلا تورن کړ. د تورن کس لاسونه د ټرافیکي اشارې په یوې پایې پورې تړل شوي چې تر هر ګوزار وروسته نارې وهي او خلک یې ننداره کوي. Читать дальше...

یو تونسی ځوان راز، راز خزنده ګان نیسي او بیا یې په اړه معلوماتي ویډیوګانې خپروي. محمد عزیز عبدالله وايي، له وړوکتوبه یې د مارانو، څرمښکیو، لټکو او لړمانو نیول پیل کړي او یوازینۍ موخه یې د خزنده ګانو په اړه معلومات خپرول دي. د رویټرز اژانس ویډیويي رپورټ.

په کاناډا کې د رسنیو وړاندوینې ښيي چې د صدر اعظم جسټن ټرودو لبرال ګوند به په نننیو ټاکنو کې ډېرې څوکۍ وګټي.  د وړاندوینو له مخې رایه ورکوونکو لبرال ګوند بریالی کړی، خو لا هم معلومه نه ده چې دا ګوند به پارلمان کې دومره اکثریت وګټي چې د اپوزیسیون له ملاتړ پرته خپلو هېلو ته ورسیږي او که نه؟  ټرودو دا مهال د داسې حکومت مشري کوي چې پارلمان کې کمې څوکۍ لري، دوی د قوانینو د پاس کولو لپاره د نورو ګوندونو ملاتړ ته اړتیا لري.  جسټن ټروډو تېره میاشت ویلي و، د کرونا وبا پر مهال خلک محافظه کاره حکومت نه غواړي. Читать дальше...

ټاکل شوې هند راتلونکې اکتوبر میاشت کې بېرته د کرونا ویروس د واکسینونو صادرات او مرسته پیل کړي.  هند په تېره اپریل میاشته کې وروسته تر دې دا کار ودراوه چې په کور دننه په کې د کرونا مثبتې پېښې اوج ته ورسېدې.  د هند د روغتیا وزیر منسوخ مندویا ( Mansukh Mandaviya) ویلي، د هندیانو واکسینول به د حکومت د یوه لومړیتوب په توګه پاتې وي، خو یوازې اضافي واکسین نورو ته لېږي.  هند ته د نړۍ په کچه د واکسین د لوی تولید ځای په سترګه کتل کېږي او د روغتیا وزیر یې ویلي، اکتوبر میاشت کې به د دوی د میاشتني تولید کچه درې سوه میلیونه ډوزو ته ورسیږي.

د هلمند اوسیدونکي له طالبانو د دغه ولایت د تاریخي ابداتو ساتنه غواړي. دا په داسې حال کې ده چې څو ورځې مخکې طالبانو د دغه ولایت د ګرشک ولسوالۍ د تاریخي بالاحصار یوه برخه د مدرسې جوړلو لپاره تخریب کړه. بشپړ ویډیويي راپور یې دلته وګورئ:

سپینې ماڼۍ یو وار بیا وویل چې په کابل کې د اګسټ نهه ویشتمې برید په تېروتنه شوی او امریکا یې یوه تراژیدي بولي. د سپینې ماڼۍ ویاندې جېن ساکي پرون دوشنبه (د وږي ۲۹مه) په خبري کنفرانس کې د کابل د اګسټ د نهه ویشتمې د برید په تړاو چې په کې لس افغان ملکیان وژل شوي له څو پرله پسې پوښتنو سره مخ شوه. یوه پوښتنه ترې دا وشوه چې ولسمشر د دې برید په تړاو څه پیغام درلود: "دا برید په تېروتنه شوی. څېړنې به روانې او ولسمشر ترې ملاتړ کوي. د یوه انسان، د یوه ولسمشر او د یوه داسې چا په صفت چې هم د رهبر او هم شخصاً... Читать дальше...

د طالبانو د کورنیو چارو وزارت اعلان کړی چې یو شمېر معینیتونو او ریاستونو ته یې نوي مشران ټاکلي دي. د دغه وزارت له خوا پرون په خپره شوې اعلامیه کې راغلي چې په څلورو معینیتونو او شااوخوا لسو نورو لویو ریاستونو کې دا ګمارنې د چارو د غوره ترسراوي او د خدماتو د وړاندې کولو لپاره شوي. د کورنیو چارو وزارت له خوا د نوېو ۱۵ ګمارل شوېو کسانو په ډله کې له څلورو تنو پرته د نورو ټولو له نومونو سره مولوي یا قاري لیکل شوی. د خواله رسنیو ګڼو کاروونکو په تېره بیا د کورنیو چارو وزارت د همدې اعلامیې په پای کې... Читать дальше...

هندي چارواکي وايي، نږدې درې زره کیلوګرامه هیرویین چې له افغانستانه انتقال شوي و د هند په یوه لویدیځ بندر کې کشف او ضبط شوي. د فرانسې خبري اژانس د هندي چارواکو په حواله د دغو هیروینو ارزښت دوه میلیارده او اووه سوه میلیونه ډالره اټکل کړې. د دغو هیروینو د انتقال په تور دوه هندیان نیول شوي دي. د هند د ګمرکونو استخباراتي اجنسۍ 'ډي.ار.ای' د دوشنبې په ورځ ویلي، په اصل کې دا مخدره مواد له افغانستانه بار او د ایران د یوه بندر له لارې د هند تر ګجراته رسول شوي وو. دې اجنسۍ ویلي، افغان اتباع هم په دې... Читать дальше...

طالبانو په پنجشیر کې په ډله ییزه توګه د خلکو د وژلو راپورونه رد کړل. د طالبانو ویاند او د اطلاعاتو او فرهنګ وزارت مرستیال ذبیح الله مجاهد پرون دوشنبه(د وري ۲۹مه) ازادي راډیو ته وویل چې دوی د پنجشیر تر نیولو وروسته چا ته زیان نه دی رسولی. هغه زیاته کړه چې د طالبانو غړیو په پنجشیر کې له خلکو سره بېلابېلې مرستې هم کړي دي. تر دې مخکې د "ملي مقاومت جبهې" ادعا کړې وه چې طالبان په پنجشیر کې په ډله ییزه توګه خلک وژلي دي. د بشري حقونو ځینو مدافعینو هم مخکې طالبان تورن کړي و چې په پنجشیر کې یې یو شمېر خلک وژلي دي. Читать дальше...

د انګلستان کرکټ بورډ پاکستان ته سفر او لوبې لغوه کړې. دغه بورډ دوشنبه مازېګر په یوه اعلامیه کې ویلي چې په سیمه کې حالات اندېښمنوونکي دي، نو له دې امله نه غواړي چې په لوبغاړو باندې له حده زیات فشار راولي. د پاکستان د کرکټ بورډ مشر رمیز راجا د انګلستان په دې پرېکړه سخت خپګان او غوصه ښکاره کړې:"د انګلستان په نه لوبېدو ډېر خپه شوو. خو د دې کار تمه کېدله. ځکه دا لویدیځ بلاک سره یو کېږي متاسفانه او بیا د یو بل د ملاتړ هڅه کوي." تر دې څو ورځې مخکې هم نیوزیلنډ له پاکستان سره لوبې د امنیتي ګواښونو په سبب لغوه کړې. Читать дальше...

د امریکا ولسمشر جو بایډن به متحده ایالاتونو ته د بهرنیانو د سفر په سر لګیدلي محدودیتونه په نوومبر میاشت کې لېرې کړي. د امریکا ادارې ټول بهرنیان مکلف ګرځولي چې امریکا ته د تګ پر وخت باید خپل واکسینونه پوره کړي وي. د سپینې ماڼۍ د کووېډ نولس ضد د همغږۍ مسوول جېف دینیز پرون دوشنبه (د وږي ۲۹مه) د محدودیتونو د لېرې کېدو او نویو پالیسیو په اړه وغږېد. هغه وویل، کوم بهرنیان چې امریکا ته سفر کوي باید له پرواز مخکې واکسین شوي وي او د کووېد منفي ټېسټ له ځانه سره ولري. ډینیز زیاته کړه، کوم کسان چې بشپړ واکسین وي قرنطین ته اړتیا نه لري.

نیویارک د ملګرو ملتونو د ۷۶ عمومي اسمبلۍ کوربه دی. د دې اسمبلۍ لپاره د نړۍ مشران داسې وخت سره ټولېږي چې اقلیمي بدلون، کووېډ نولس او جګړو د نړۍ په بېلابېلو هېوادونو سیوری غوړولی. د عمومي اسمبلۍ اصلي غونډه به چې د نړۍ د بېلابېلو هېوادونو مشران په کې په نوبت غږیږي نن د نیویارک په وخت د سهار په نهو او د افغانستان پر وخت د مازیګر په پنځه نیمو پیل شي. د اصلي مجلسونو تر پيل مخکې په حاشیوي غونډو کې یوه د دوامداره پراختیا د اهدافو ناسته وه چې د دوشنبې په ورځ په کې د نړۍ ځینې مشران وغږېدل. د ملګرو ملتونو... Читать дальше...

افغانستان چې شااوخوا یوه میاشت یې د ځمکې او هوا لارې تړلې وې په کې روغتیايي خدمتونو او درملو ته د خلکو د کم لاسرسي په خاطر سختې اندېښنې رامنځته شوي. د روغتیا نړیوال سازمان مشر ټېډروس ګبرېسوس ادهانم ویلي چې په افغانستان کې خلک د درملو د نشتوالي له امله مري. هغه وویل، له کابله مخکې لبنان ته تللی و او د دغو دواړو سیمو وضعه ډېره خرابه ده: "دواړو وضعیتونو دا را په یاد کړه چې نړۍ ولې د روغتیا نړیوال سازمان ډبلیو اچ او ته اړتیا لري او ولې دا هېوادونه ملاتړ ته اړتیا لري. دواړه ځایه وضعیت سخت خرابه دی. Читать дальше...