Новости за 29.08.2020

Кыргызстан мурдагы СССРдин курамынан бөлүнүп, көз карандысыздыгын жарыялаганына 29 жыл толду. 31-августта Эгемендик майрамы белгиленет. Жогорку Совет 1990-жылдын октябрында өлкө аталышын Кыргыз ССРинен Кыргыз Республикасына өзгөртүп, 15-декабрда Эгемендик декларациясы кабыл алынган. 1991-жылдын 31-августунда өлкөнүн Эгемендик күнү жарыялаган. Бул датага байланыштуу жыл сайын Бишкек шаарында жана аймактарда майрамдык иш-чаралар уюштурулат. Бул ирет пандемиядан улам баш калаанын Ала-Тоо аянтындагы майрамдык иш-чарага адамдар киргизилбейт. Читать дальше...

Бишкек мэриясы 29-августта коронавирустан каза болгондорду эскерди. Мунун алдында илдеттен каза болгондордун жакындары пандемияда көз жумган миңден ашуун адамдын өлүмүн иликтөөнү бийликтен талап кылышкан.

29-августта COVID-19 дартынан жана пневмониядан каза болгондордун жаркын элесине арналган «Эскерүү шамы» акциясы болот. Коронавирус инфекциясынан каза болгондорду шам жагып, эскерүү демилгесин Бишкек мэриясы көтөргөн. Демилгечилер кечки саат 21:30да электр жарыгын өчүрүп, терезени ачып, шам жагып, каза болгондорду эскерүүнү сунушташууда. Былтыр декабрда Кытайдын Ухань калаасынан чыккан COVID-19 вирусу 2020-жылдын алгачкы айларынан тарта дүйнөнүн булуң-бурчуна тараган. Дүйнөлүк саламаттык сактоо уюмунун маалыматына караганда... Читать дальше...

Кыргызстандын чет мамлекеттердеги элчиликтери жана башкы консулдуктары өлкөнүн Саламаттык сактоо министрлигине 49 кычкылтек концентраторун тапшырышты. Бул жабдуулар мекемелердин жеке каражатына алынган. 49 кычкылтек концентраторунун 15и президенттик жана өкмөттүк иш башкармалыгынын клиникалык ооруканасына тапшырылды. Калгандары Саламаттык сактоо министрлигине өткөрүлүп берилди. Министрлик аны муктаждыгына ылайык өлкөдөгү бейтапканаларга бөлүштүрүп берет. Кыргызстанда коронавирус инфекциясы июнь-июль айларында күч алып... Читать дальше...

Берлинде коронавирус пандемиясына каршы бийликтин саясатына жана чектөөлөргө нааразылардын митинги өтүп жатат. "Интерфакс" агенттиги маалымдагандай, 29-августта Берлиндин жашоочулары көптөгөн борбордук көчөлөргө чогулду. Митингге чыккандардын көпчүлүгү беткапсыз. Метролордун кире бериштеринде Берлин транспортунун коопсуздук кызматкерлери элди беткап кийүүгө үндөп турушат. Адамдар чогулган жерлерде полиция да жүрөт, бирок алар чогулгандарга эч кандай тоскоолдук жараткан жок. Эл чогулуп жаткан аймактын... Читать дальше...

"Биз жана дин" түрмөгүндө "Дин түшүнүгү" деген темага кайрылып, аны адис менен бирге талдап бергенге аракет кылабыз. Дин түшүнүгүнүн калыптанышы, адамдын акылын башкарган ишеним, анын оош-кыйышына кайрылабыз.

Эртең, 30-августта Кыргызстандын көпчүлүк райондорунда жаан жаайт. Кээ бир аймактарда өткүн өтөт. Батыштан соккон шамалдын ылдамдыгы секундасына 4-9 метрге жетет. Абанын температурасы: Нарын облусунда түнкүсүн 4...9, күндүз 20...25; Ысык-Көл дубанында түнкүсүн 8...13, күндүз 20...25; Баткен, Ош, Жалал-Абад облустарында түнкүсүн 13...18, күндүз 28...33; Талас жергесинде түнкүсүн 9...14, күндүз 22...27; Чүй өрөөнүндө түнкүсүн 11...16, күндүз 25...30. Борбор калаа Бишкек шаарында түнкүсүн 14...16... Читать дальше...

Берлиндеги “Шарите” клиникасы уу жана химиялык заттар боюнча эксперттерден жардам сурашты. Бул тууралуу "Der Spiegel" журналы өз булактарына таянып жазды. Маалыматка караганда, дарыгерлер Мүнхендеги уу жана химиялык заттарды изилдеген аскердик жабык лабораторияга кайрылышкан. Мындан тышкары оорукана Британиядагы «Портон-Даун» аскер лабораториясына да кайрылганы кабарланды. Бул лаборатория орусиялык полковник Сергей Скрипал менен анын кызынын диагностикасын иликтеген. Орусиялык оппозиционер... Читать дальше...

Кыргыз мамлекеттик М. Жангазиев атындагы куурчак театры 82-театралдык сезонун ачууну пландап жатат. Театрдын артисттери "Күнөстүү коён", " Үйдө ким кожоюн? " аттуу спектаклдерин карантиндик чектөөлөр токтогондо бөбөктөргө тартуулашат.

Мамлекет башчы Сооронбай Жээнбеков 29-августта "Биринчи радиого" маек куруп, кыргызстандыктарды келе жаткан Эгемендүүлүк майрамы менен куттуктады. Президент Кыргызстан буга чейин башынан апрель, июнь окуяларын эскерип, бул окуялар тынчтыктын, биримдиктин, Эгемендиктин баасын сездирип, мамлекеттүүлүк деген эмне экенин эске салганын айта кетти. “Бул окуялар - эл үчүн да, бийликтегилер үчүн да чоң сабак болду. Саясий талаш-тартыштар, күрөш, атаандаштык, бардыгы болушу керек. Бирок ушул талаштар... Читать дальше...

Кыргызстандын Эгемендик майрамын утурлай бүгүн, 29-августта Баткен шаарында 5 миң адам катышкан ишембилик болуп өттү. Өкмөттүн Баткен облусундагы өкүлчүлүгүнүн басма сөз катчысы Чолпон Бердикулованын “Азаттык” радиосуна билдиргени боюнча, ишембиликке облустагы мекеме, уюмдардын беш миңден ашуун кызматкери катышты. Ишембиликте көчө, парк, базарлар тазаланды. Мындан тышкары мекеме-уюмдардын айланасы иреттелип, көчө боюндагы дарактар акталды. Кыргызстанда Эгемендүүлүк күнү 31-августта белгиленет. Читать дальше...

Жакшылык Мурат 2008-жылдан бери Америкада жашайт. Азыр Чикаго шаарындагы Kyrgyz Community Center уюмунун ишмердигин уюштурган диаспоранын активисттеринин бири. Ал шаардагы жагдай, АКШ менен Кыргызстандагы окшоштуктар тууралуу айтып берди.

Ливиянын Улуттук биримдик өкмөтүнүн башчысы Фаиз Сараж ички иштер министри Фатхи Али Башагуну Триполидеги нааразылык акцияларынан кийин кызматтан бошотту. "Reuters" маалымдагандай, буга демонстранттарга каршы ок атылганы себеп болду. Фаиз Сараж ок атууну иликтөөгө убада берген. Ливиядагы демонстрациялардын катышуучулары өкмөттүн кызматтан кетишин талап кылууда. Алар өкмөттү инфляцияга, коррупцияга, жумушсуздукка жана коронавирус пандемиясына айыпташууда. Триполидеги нааразылык акцияларында эки ирет полиция менен кагылышуу болгон. Читать дальше...

Биринчи май райондук сотунун чечими менен Даниел Ажиев Жаңы-Жер айылындагы психиатриялык диспансерге дарыланууга жиберилди. Бул маалыматты Ажиевдин жакындары "Азаттыкка" билдиришти. Алардын айтымында, тергөө алкагында милиция Ажиевдин психикалык саламаттыгын соттук-психиатриялык экспертизадан өткөрүүнү талап кылган. Экспертиза "Ажиев психикалык жактан дарыланууга муктаж" деген корутунду чыгарган. Ага байланыштуу учурда Ажиевге карата козголгон кылмыш иши токтотулуп, экспертизанын корутундусу сотко берилген. Читать дальше...

«Кылым шамы» укук коргоо уюмунун жетекчиси Азиза Абдирасулованын “Азаттык” радиосуна билдиргени боюнча 7-августта Түп районуна кыз ала качуу фактысы боюнча кылмыш иши бүгүн, 29-августта сотко өтүшү керек болчу. Биринчи май райондук сотунун басма сөз кызматы бул маалыматты жокко чыгарды. Соттун канцеляриясынан "Азаттыкка" маалымдашкандай, бул факт боюнча иш сотко өтө элек. 7-августта Түп районуна 23 жаштагы кызды ала качууга шек саналып, үч киши кармалган. Алар убактылуу камоочу жайга киргизилген. Читать дальше...

Өзбекстандын коронавируска каршы штабы 31-августтан 30-сентбярга чейинки аралыкта чет өлкөлөрдөн жарандарын алып келүү тартибин жарыялады. Ага ылайык, сентябрь ичи чет мамлекеттерден келе албай калган өзбекстандыктарды алып келүү максатында жалпы 100 чартердик каттам уюштурулат. Анын ичинде Орусиядан келе албай жаткан өзбекстандыктарды алып кетүү үчүн 35 чартердик каттам бар. Орусиянын шаарларынан тышкары Дубай, Минск, Нью-Йорк, Сеул, Стамбул жана Франкфурттагы өзбекстандыктар да үйүнө жеткирилет. Читать дальше...

Шайлоочулардын добуш берүү жыйынтыктарын бурмалоонун кеңири жайылган, өтө эле олдоксон жана амалкөй түрлөрү шайлоонун жыйынтыгын аныктаган учурлар шайлоо жараяндарынын ажырагыс бир бөлүгү катары кала берүүдө.

Борбордук шайлоо комиссиясы (БШК) «Кыргызстан» партиясына карата Бишкектин административдик соту чыгарган чечимге макул эместигин билдирип, кассациялык арыз менен Жогорку сотко кайрылды. Бул тууралуу БШКнын мүчөсү Кайрат Осмоналиев "Азаттыкка" билдирди. Анын айтымында, арыз 28-августта кечке жуук берилди. Бишкектин административдик соту 27-августта «Кыргызстан» партиясынын БШКга каршы жазган арызын канааттандырган. Мындан кийин БШКнын төрайымы Нуржан Шайлдабекова Бишкектин административдик... Читать дальше...

Венгрия өкмөтү 1-сентябрдан тарта чет өлкөлүктөрдү киргизбей турган болду. Өлкөдө коронавируска чалдыккандар көбөйүп жатканына байланыштуу Венгрия Евробиримдиктеги чек арасын биринчи болуп жапты. Акыркы жумаларда Евробиримдиктеги көпчүлүк өлкөлөрдө коронавирус илдети кайра күч алганы байкалууда. Италия, Испания, Британияда ооруга чалдыккандардын саны суткасына миңден ашууда. Францияда 28-августка караган күнү жети миң адам ооруга чалдыкканы аныкталган. Мындай көрсөткүч Францияда 31-мартта катталган. Читать дальше...

29-августка карата Кыргызстанда коронавирустан жана пневмониядан каза болгондор катталган жок. Бул тууралуу коронавируска каршы республикалык ыкчам штаб маалымдады. Ал эми акыркы суткада коронавирус жана пневмониянын лабораториялык тастыкталган 125 жаңы учуру аныкталды. Анын ичинде басымдуу бөлүгү Бишкек шаарында. Бишкек - 30 Ош – 2 Чүй облусу – 8 Ош облусу - 12 Талас облусу - 6 Нарын облусу – 1 Ысык-Көл облусу – 13 Жалал-Абад облусу – 31 Баткен облусу - 22. Жалпысынан пандемия башталгандан... Читать дальше...

Орусиянын Беларустун ички ишине кийлигишкени - эң начар вариант экенин Франциянын президенти Эммануэл Макрон 28-августта Орусиянын президенти Владимир Путиндин Беларустагы кырдаалдын курчушуна жараша "аскер кызматкерлеринин ичинен "резерв" даярдоо" тууралуу сөзүнөн кийин айтты. Макрон Украинадагы 2014-жылдагы окуялардын кайталанышынын өзү да, немис канцлери Ангела Меркел да каалабасын эскертти. Француз лидери Путин тескерисинче Беларустун лидерин ЕККУнун арачылык кылышына макул болууга үндөшү керек деп эсептейт. Читать дальше...

Кыргызстан менен Өзбекстан чек арага байланыштуу сүйлөшүүлөрүн кайрадан жандантып, тактала элек эки жагдай боюнча макулдашууга жетишти.