Новости за 13.08.2020

Борбордук шайлоо комиссиясы (БШК) Жогорку Кеңештин депутаттарын шайлоого катышкысы келерин билдирген партиялардын ичинен үчөөнү тизмеден чыгарды. Алар: «Кыргызстан коммунисттеринин партиясы», «Агрардык партия» жана «Жаратман» партиясы. БШКнын басма сөз катчысы Руслан Изрековдун «Азаттыкка» берген маалыматына ылайык, «Кыргызстан коммунисттеринин партиясы» шайлоого катышуудан өз эрки менен баш тарткан. Ал эми «Агардык партия» менен «Жаратман» партиясы шайлоо фондун мөөнөтүндө ача албаганы үчүн жарыштан чыгарылды. Читать дальше...

17-августтан тартып ички паспорт (ID) кымбаттайт. Бул биометрикалык электрондук ID-картты бекер чыгаруу мөөнөтү аяктаганына байланыштуу болууда. Мамлекеттик каттоо кызматынын маалыматына караганда, мындан ары ички паспорттун бланкы үчүн 206 сом төлөнөт. Ошондой эле паспортко ээси тууралуу маалыматтарды кошууга 241 сом, банк кызматы үчүн 23 сом төлөнөт. Натыйжада ички паспорттун жалпы баасы 470 сом болот. ID картты шашылыш алууну каалагандар 1260 сом төлөшөт. Жарандарды биометрикалык ID-карт... Читать дальше...

Орусиянын Бишкектеги элчилиги тараткан маалыматка ылайык, 15-августтан 30-августка чейин 16 каттам болот. Анын ичинде Бишкек- Москва, Бишкек- Санкт-Петербург, Бишкек-Екатеринбург, Ош- Москва, Ош-Санкт-Петербург, жана Ош-Екатеринбург багытындагы каттамдар бар. Орусиянын жарандары учууга чейин үч күн ичинде ПЧР ыкмасы менен коронавируска анализ тапшырууга тийиш, анын жыйынтыгын “Мамлекеттик кызмат” порталына жайгаштыруусу керек. Учакка отурардын алдында аталган порталдагы атайын форманы толтуруусу зарыл. Читать дальше...

13-август күнү мамлекет башчы Ош жана Жалал-Абад облустарын кыдырып, жергиликтүү тургундар, дарыгерлер менен жолукту. Бир катар айыл чарба жана өнөр жай мекемелеринин, социалдык обьекттерден кабар алды. Жалал-Абад облусунда президент Жээнбеков облустук оорукананын курулушу менен таанышып, “Тез жардам” бөлүмүнүн жаңы имаратын көрдү. Ош облусунда мамлекет башчы Өзгөн районунда 1,5 миң гектар жерди суу менен камсыздоого шарт түзүүчү ирригациялык долбоордун иши менен таанышты. Жергиликтүү эл менен... Читать дальше...

Ысык-Көлдө төгүлгөн цианидден жабыркагандар менен Кумтөр кенин иштеткен компаниянын ортосундагы соттук талаш боюнча 15 жылдан кийин жаңы чечим чыкты.

АКШнын Ташкенттеги элчиси Дэниел Розенблюм өзбекстандык журналист Бобомурод Абдуллаевдин өзбек бийлигинин өтүнүчү менен Бишкекте кармалганы тууралуу маалыматка катуу тынчсыздануусун билдирди. Элчи 13-августта Твиттерге “Кыргызстандын жана Өзбекстандын өкмөттөрү Абдуллаевдин эркин жүрүү укугун урматтоого жана ал өзү каалаган жерге кетүүсүнө жол берүүгө тийиш” - деп жазды. Элчи журналисттин кармалышына байланышкан окуяга жакындан байкоо салып турганын кошумчалады. Кыргызстандын Улуттук коопсуздук... Читать дальше...

Дисциплинардык комитет оюн талаасында күч колдонгон, үчтөн ашык эскертүү алган жана маалымат жыйынга катышпаган тараптарга айып салды.

Азербайжан президенти Илхам Алиев Орусия чек арадагы кагылышуудан кийин Арменияга аскердик жардам берип келатат деген тынчсыздануусун билдирди. Алиевдиин кеңсеси 13-августта жасаган билдирүүдө президент “түшүндүрмө” алуу үчүн алдынкы күнү Орусиянын президенти Владимир Путинге телефон чалганы айтылат. Баку Москва “Казакстандын, Түркмөнстандын жана Ирандын аба мейкиндиктери аркылуу Арменияга “400 тоннадан ашуун” аскердик жүк жөнөткөн деп эсептейт. Өз кезегинде Кремль Путин менен Алиевдин телефон сүйлөшүүсү тууралуу билдирүү таратты... Читать дальше...

АКШда демократтардын президенттикке талапкери Жо Байден жана ал жаңы эле вице-президенттикке тандаган Камала Харрис 12-августта биринчи жолу шайлоо кампаниясынын алкагындагы иш-чарага катышты. Харрис президент Дональд Трампты өлкөнү “бүлүндүгө” учураткан компетентсиз лидер деп атады. Саясатчы өлкө коронавирус пандемиясына, расалык адилетсиздикке жана экономикалык кыйынчылык түрүндөгү үч жагынан кризиске туш болгонун айтты.   Трамп Харрис вице-президенттикке ат салышары белгилүү болору менен ага чабуул койгон. Читать дальше...

АКШын мамлекеттик катчысы Майк Помпео расмий сапар менен Чехияга келгенде «Эркин Европа/Азаттык» үналгысынын суроолоруна жооп берди. Ал Беларустагы окуялар, Иранга байланыштуу эмбарго жана Орусия маселелерине токтолду.

«Супер-Инфо» гезитинин директору баштаган үч адам кызматтан кетти. Жетекчилик орундан бошогон кызматкерлер басымдан улам ушундай кадамга барууга аргасыз болушканын билдиришүүдө.

Казакстандык жарандык активист Асия Тулесова эки ай камакта отургандан кийин тергөө изоляторунан бошотулду. Сот аны мамлекеттик кызматкерди "мазактаган" жана полиция кызматкерине карата "зомбулук көрсөткөн" деп күнөө койгон. Өкүм чыккандан кийин Тулесованын тарапташтары, достору жана туугандары аны тергөө изоляторунун дарбазасында тосуп алды.

Бейшембиде тажикстандык белгилүү акын жана журналист Гүлназар Келдиев 75 жаш курагында көз жумду. «Азаттык» радиосунун тажик кызматы кабарлагандай, маркум коронавирус инфекциясын жугузуп алган деген шек менен Дүйшөмбүдөгү ооруканага жаткырылган.  Келдиев 1945-жылы Ленинабад облусундагы айылда туулган. 1966-жылы Тажик мамлекеттик университетиндеги тажик филологиясы факультетин аяктагандан кийин гезитте иштей баштаган. 1969-жылдан тартып ырларын чыгара баштаган. Кийин адабий журналда иштеп, СССР Жазуучулар бирикмесине кабыл алынган. Читать дальше...

Кыргызстанда парламенттик шайлоо өнөктүгү кызый баштады. Шайлоого аттанган партиялар жыйындарын өткөрүп, талапкерлердин тизмесин бекитишет. Жарыштын алдында саясий бийлик, партиялар жана шайлоочулар кайсы жагдайларга көңүл бурушу керек? Бул суроолорду «Эксперттер талдайт» берүүсүндө талкууладык. Ага «Ата Мекен» партиясынын лидери Өмүрбек Текебаев, «Бүтүн Кыргызстан» партиясынын лидери Адахан Мадумаров, «Мекеним Кыргызстан» партиясынын лидери Мирлан Бакиров жана саясий пиар боюнча адис Азим Азимов катышты.

83 жашка келгенде Кыргыз эл акыны Гүлсайра Момунова акка моюн сунду.

Бул жолку парламенттик шайлоого оппозициячыл партиялар да, бийликчил партиялар да альянстарга бириге алышкан жок. Бул тууралуу «Ата Мекен» партиясынын лидери Өмүрбек Текебаев «Азаттыктын» талкуусуна катышып жатып билдирди. Анын айтымында, мындай саясий кырдаал шайлоодогу атаандаштыкты арттырууга шарт түзөт.  «Бул жолу кубандырганы - оппозиция гана эмес, бийлик да бириге албай жатат. Мен ошону каалагам. Ушундай система түзүлсө экен деп ойлогом. Бийликтегилер сүйлөшө албай, чабышып, эл колдогон байлыгы жок... Читать дальше...

ИИМдин Ош облустук башкармалыгы «Кактус Медиа» порталынын Ош шаарындагы кабарчысы Марат Уралиевди күбө катары суракка чакырды. Ага бир ай мурун тойканадагы мыйзамсыз өтүп жаткан мааракени чагылдырганы себеп болгон. Уралиевдин айтымында, милиция кызматкерлери 14-август күнү саат 10:00гө расмий чакыруу тапшырып кетишти. Ага чейин бир нече жолу телефон аркылуу чакырышкан. «Азырынча мыйзамсыз аракеттер деле болгон жок. Кечээ түндөсү 22:00дө, бүгүн да эртең менен телефон аркылуу суракка чакырганы эле болбосо... Экөөнө тең айттым... Читать дальше...

Тажикстан Республикасынын Тоолуу Бадахшан автоном облусунун курамындагы кадим замандардан бери кыргыздар байырлаган Мургаб району дүйнөнүн эӊ бийик жеринен орун алганы үчүн бул аймак «дүйнөнүн чокусу» деп аталып келет.

Белгилүү беларус жазуучусу, Нобел сыйлыгынын лауреаты Светлана Алексиевич Беларустагы демонстранттарга каршы күч колдонулганын айыптады. Бейшембиде жазуучу «Азаттыктагы» маегинде бийлик өз элине каршы согуш жарыялаганын айтып, Александр Лукашенкону кызматын тапшырууга чакырды:  «Сыйың менен кетип кал. Бирок ал мүмкүн болбой калды окшойт. Кан төгүлдү. Кеч болуп калды. Убакыт болуп турганда элди жарандык согушка түртпөй кетип кал. Эч ким Майдандын кайталанышын каалабайт. Эч ким кан төгүлүшүн каалабайт. Читать дальше...

Футболчунун агенти бир катар клубдарга байланышып, Роналдуну командаларына алууга каалоосун сураган. Арасында Барселонага да кайрылган.

Москвадагы кыргыз элчилиги орусиялык алып баруучу Артур Цветков кодулаган кыргызстандык Манапты укуктук жактан коргоого алды.

АКШ коронавируска каршы вакцина даярдап жаткан "Moderna" компаниясы менен келишим түздү.

Бишкектин Биринчи май районунда 10-августта Патрис Лумумба көчөсүндө Чоң Чүй каналына түшүп кеткен беш жаштагы бала дагы эле табыла элек. Баланын атасы Талант Жаркынов каналда суу көп болуп, издөө иштерине тоскоолдук кылып жатканын айтып «Азаттыктын» «Эл үнү» берүүсүнө кайрылды: «Тиешелүү мамлекеттик мекемелерге «сууну токтотуп бергиле» деп кайрылдык. Бирок азырынча жыйынтык болбой жатат. Сууну жок дегенде бир метр ылдыйлатып беришсе ӨКМдин балдары таап берерин айтышты. Себеби, азыр суу көп болгондуктан ылдый кирүү мүмкүн эмес экен». Читать дальше...

«Кумтөр» алтын кен компаниясы цианид чуусуна байланышкан доо арыз боюнча чечимди колго ала элек. Бул тууралуу компаниянын басма сөз кызматы 13-августта «Азаттыкка» билдирди.  «Компания соттун жазуу жүзүндөгү чечимин азырынча ала элек. Эгер апелляция берилбесе, биринчи инстанциянын чечими 30 күндөн кийин күчүнө кирет. Андан аркы аракеттер соттун жазуу жүзүндөгү чечимин алгандан кийин аныкталат. «Кумтөр» өзүнө кабыл алган милдеттенмелерди талаптагыдай аткарарын белгилеп кетебиз», деп айтылат маалыматта. Читать дальше...

Түркиянын жашы жете элек балага жыныстык ыдык көрсөткөн деп шек саналып, эл аралык издөөдө жүргөн 32 жаштагы жараны Кыргызстанда кармалды. Бул тууралуу Кыргызстандын Ички иштер министрлиги (ИИМ) кабарлады. Маалыматка караганда, кылмыш 2011-жылы жасалып, Интерполдун багыты боюнча шектүү 2020-жылдан бери издөөдө жүргөн. Аны ИИМдин Интерпол улуттук борбордук бюросунун кызматкерлери колго түшүрүп, шектүү Бишкек шаардык ички иштер башкармалыгынын убактылуу кармоочу жайына киргизилди. Бул боюнча Түркия тарапка кабар берилди. Читать дальше...