Новости за 07.01.2022

Австралия дүйнөлүк рейтингинде биринчи сапта турган сербиялык теннисчи Новак Жоковичти вакцина алуудан баш тартканы үчүн өлкөдөн чыгарышы мүмкүн. Ал шаршембиде Australian open турниринде өзүнүн чемпиондук титулун коргоо үчүн Австралиянын Мельбурн шаарына учуп келген. Чек ара кызматы аны COVID-19га каршы вакцинаны албоо үчүн медициналык кагазды негизсиз алган деп тапты. Полиция Жоковичти аэропортто үч саатча кармаган. Маалыматта анын визасындагы эмдөө жөнүндө маалыматы туура эмес толтурулганы айтылат. Читать дальше...

Коронавируска каршы республикалык ыкчам штабдын бүгүнкү, 7-январдагы маалыматына караганда, соңку бир суткада Кыргызстанда бул инфекциядан үч адам каза болду. Жалпысынан өлкөдө коронавирустан көз жумгандардын расмий саны 2814 адамга жетти. Соңку бир күн ичинде вирусту жуктуруп алган дагы 247 адам катталды. Алардын эң көбү Бишкек шаарында (151 адам). Өлкөдө коронавирус жуккандардын расмий катталган саны 185 484 адамга жетти. Адистер расмий статистика чыныгы абалды чагылдырбай жатканын, ооругандар да... Читать дальше...

Бүгүн, 7-январда Жогорку Кеңеш чукул жыйынга чогулуп, Казакстандагы соңку кырдаалга байланыштуу Жамааттык коопсуздук келишими уюмунун (ЖККУ) аскерлерин ал жакка жөнөтүү маселесин карап жатат. Депутат Исхак Масалиев Казакстан аймагына кимдер кол салганы жөнүндө Кыргызстандын атайын кызматтарынын маалыматын сурады. Улуттук коопсуздук боюнча мамлекеттик комитеттин жетекчиси Камчыбек Ташиев “казак президенти Касым-Жомарт Токаевдин Жамааттык коопсуздук келишими уюмунун алкагындагы кайрылуусу менен ушундай чечим кабыл алынды. Читать дальше...

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев Жамааттык коопсуздук келишими уюмунун (ЖККУ) алкагында Кыргызстандан Казакстанга 150 аскер, сегиз брондолгон техника, 11 машине барарын билдирди. Бүгүн Жогорку Кеңеш чукул жыйынга чогулуп, Казакстандагы соңку кырдаалга байланыштуу Жамааттык коопсуздук келишими уюмунун (ЖККУ) аскерлерин ал жакка жөнөтүү маселесин карап жатат. Баш мыйзамдын 11-беренесине ылайык, Кыргызстандын Куралдуу күчтөрүн Кыргызстандын... Читать дальше...

ЖККУнун чечимине ылайык Кыргызстандын аскер күчтөрүн Казакстанга киргизүүгө макулдук берүү үчүн Жогорку Кеңеш кошуна өлкөнүн келтирген аргументтерин жакшылап териштирип чыгышы керек. Мындай пикирин мурдагы премьер-министр Феликс Кулов “Азаттыктын” суроолоруна жооп берип жатып билдирди.  - Жамааттык коопсуздук келишим уюмунунун (ЖККУ) күчтөрүнүн Казакстанга кирүү чечимине кандай баа берип жатасыз?  - ЖККУнун алкагында биз кол койгон келишимде мүчө мамлекетке каршы куралдуу агрессия болсо, башка мүчө өлкөлөр ага тиешелүү жардам... Читать дальше...

Бишкекте парламент имаратынын алдында кыргыз аскерлерин Казакстанга жибербөөнү талап кылгандар пикетке чыкты. Бүгүн Жогорку Кеңеш чукул жыйынга чогулуп, Казакстандагы соңку кырдаалга байланыштуу Жамааттык коопсуздук келишими уюмунун (ЖККУ) аскерлерин ал жакка жөнөтүү маселесин карап жатат. Баш мыйзамдын 11-беренесине ылайык, Кыргызстандын Куралдуу күчтөрүн Кыргызстандын аймагынан тышкары жиберүүнүн ар бир учуру Жогорку Кеңештин депутаттарынын үчтөн экисинен кем эмес көпчүлүк добушу менен кабыл алынат. Читать дальше...

Улуттук коопсуздук боюнча мамлекеттик комитеттин Чек ара кызматы Казакстандын Бирдиктүү маалыматтык системасы бузулгандыктан кыргыз-казак чек арасындагы “Кең-Булуң", "Токмок" автоунаа бекеттерин убактылуу жабууну сунуштаганын билдирди. 7-январдан баштап аталган чек ара бекеттери жабылды. Чүйдөгү кыргыз-казак чек арасында "Ак-Жол", "Ак-Тилек", "Чалдыбар", жана Ысык-Көлдөгү "Каркыра", Таластагы "Чоң-Капка" бекеттери иштеп жатат. Бул бекеттерде тыгын жок. Учурда кыргыз-казак чек арасында абал туруктуу. Читать дальше...

Кыргызстандын Монополияга каршы жөнгө салуу мамлекеттик агенттиги жакынкы күндөрү суюлтулган газ 2-3 сомго арзандашы күтүлүп жатканын маалымдады. Агенттик арзандоо эмнеге байланыштуу экенин түшүндүргөн эмес. Экономика жана каржы министрлигинин алдындагы мекеменин сайтында автоунаага колдонулган газ тууралуу кенен маалымат жарыяланды. Монополияга каршы жөнгө салуу мамлекеттик агенттиги акыркы жылдары автоунааларга газ жабдууларын орнотуу көбөйгөндүктөн суюлтулган газдын баасы жогорулап кеткенин белгилейт. Читать дальше...

Бүгүн, 7-январда дүйнөнүн бир катар мамлекеттеринде, анын ичинде Кыргызстанда православдар Иса пайгамбардын туулган күнүн (Рождество) майрамдайт. Бул күнгө байланыштуу Бишкек жана Кыргызстан орус православ чиркөөсүнүн епархиясынын епискобу Даниил куттуктоо видеосун жарыялады. Иса пайгамбардын туулган күнүн Орусиядагы, Болгариядагы, Сербиядагы жана бир катар өлкөлөрдөгү православ чиркөөлөрү эски Григориан жылнаамасы боюнча 7-январда белгилешсе, католиктер Юлиан календары менен 25-декабрда өткөрүшөт. Читать дальше...

Министрлер кабинетинин төрагасынын орун басары Эдил Байсаловго манжасы менен ишарат көрсөткөн 19 жаштагы жигит эки суткага камалды. Бул тууралуу Байсалов өзү "Твиттерге" жазып, ага доосу жоктугун, бирок милиция аны "бийлик өкүлүн мазактады" деген негиз менен камакка алганын билдирди.   6-январда Жогорку Кеңештин алдында Кыргызстандын аскерлерин Казакстанга жиберүүгө каршы пикет өтүп жаткан кезде имаратка кирип бараткан Байсаловго бир киши ортоң манжасын көрсөткөн. Анын сүрөтү социалдык желеге тарап, кызуу талкууга алынган. Читать дальше...

Бишкектеги Биринчи май жана Свердлов округдарындагы кайра шайлоодо талапкер болуу ниетин билдиргендер саны 19 адамга жетти. Бул тууралуу Борбордук шайлоо комиссиясынын сайтында кабарланды. Алардын тизмесин менен бул жактан таанышыңыз. Аталган эки округда ноябрдагы шайлоода “баарына каршы” деген добуш эң көп болгондуктан 27-февралга кайра шайлоо дайындалган. Жогорку Кеңештин 29-декабрда ишин баштаган жетинчи чакырылышы 90  депутаттан турат. Алардын 36сы өлкө боюнча түзүлгөн бир мандаттуу округдардан шайланып келет. Читать дальше...

Кыргызстандын президенти Садыр Жапаров Түркия лидери Режеп Тайып Эрдоган менен телефон аркылуу сүйлөшүп, региондогу кырдаалды, анын ичинде Казакстандагы окуялардын талкуулашты. Бул тууралуу президенттин басма сөз кызматы маалымдады. 2-январда Казакстандын Жаңы-Өзөн шаарындагы суюлтулган газдын баасын арзандатууну талап кылган митинг ондон ашык шаарга жайылды. Бул акцияларда социалдык талаптардан тышкары саясий чакырыктар айтылды. Азыркы маалда эң курч кырдаал Алматыда болуп жатат. Казакстандын жалпы аймагында өзгөчө абал жарыяланган. Читать дальше...

Беларустун Могилев шаарында саясий туткун Дмитрий Дудойт өз жанын кыйды. Тергөө комитети көчөдөгү байкоо камерасында жазылып калган видеону 6-январда таратты. Анда Дудойт автоунаа жолунун үстүндөгү көпүрөдөн бой таштаганын көрүүгө болот. Сморгони шаарынын тургуну,  43 жаштагы Дмитрий Дудойт социалдык түйүнгө жергиликтүү полиция башчысына карата мыйзамда тыюу салынган сөздөрдү камтыган комментарий калтырганы үчүн эки жылга камалган эле. Өткөн жылдын декабрында Дудойт жаза мөөнөтүн өтөш үчүн Могилевге жөнөтүлгөн. Читать дальше...

“Манас” эл аралык аэропортунун басма сөз катчысы Алия Курбанова Bombardier маркасындагы учак буюртманын негизинде 6-январда аба майданга конгонун, ал Дубайдан учуп келгенин билдирди. Курбанова "Фейсбуктагы" баракчасындагы билдирүүсүндө самолёт коммерциялык каттам экенин, кимге караштуу жана жүргүнчүлөр кимдер экенин билбей турганын жазды. Курбанова аларды тактоо аэропорттун компетенциясына кирбей турганын кошумчалады. “Манас” аэропортунун басма сөз кызматкери 6-январда дагы бир Bombardier үлгүсүндөгү учак Македониядан учуп келип... Читать дальше...

Казакстандагы жергиликтүү медиа каражаттары билдиргендей, 6-январда “Алматы ТВ” телеканалынын бир кызматкери атылган октон каза таап, бир журналисти жаракат алды. Маалыматка ылайык, мерт болгон адам журналисттик топтун айдоочусу болгон. Алардын жанында жүргөн оператор жабыркаган эмес. “Алматы ТВнын” кызматкерлери Алматыдагы Республика аянтынын айланасында жүргөндө ок атууга туш болушкан. Ар кыл кабарларга ылайык, 6-январдын кечинде бул райондо атайын техника менен жүргөн аскердик кызматкерлер нааразылык билдирип чыккан адамдарга ок аткан.

Бир канча күндөн бери нааразылык уланып жаткан Казакстанда Жамааттык коопсуздук келишими уюмунун (ЖККУ) баш-аягы 2500 аскери болот. Бул тууралуу аймактык уюмдун баш катчысы Станислав Зась Орусиянын мамлекеттик “РИА Новости” жаңылыктар агенттигине билдирди. "Кырдаалга жараша иш кылабыз. Керек болсо, күчтөндүрөбүз", - деди Зась. Ал Казакстанга ЖККУнун күчтөрүн жөнөтүү процесси 7-январда жыйынтыкталарын, жалпысынан уюмдагы “бейпилдик күчтөрүнүн” саны 3600гө жетерин кошумчалады. 6-январга караган... Читать дальше...