Къилбаседа Кавказехь дийнахь-буса 23 стаг велла коронавирусах. Цомгуш хилла - 276
ТIаьххьарчу дийнахь-буса Къилбаседа Кавказехь коронавирус шайца карийначу нахах велла 23 пациент. Цомгуш хилла кхин а 276 стаг.
Уьнна дуьхьалоечу оперативан штабан хаамца, COVID-19 цамгар кхеттачу нахах Краснодар-махкахь велла 12 стаг, Ставропол-махкахь – 4, Кхарачой-Чергазийчохь, ГIебарта-Балкхаройчохь – шишша, Дагестанехь, Адыгейхь, ГIалмакхойчохь – цхьацца. Верриг а коронавирусах пандемин муьрехь уьнах велларг ву Къилбаседа Кавказехь 10 683 стаг.
Уггаре дукха ду пандемин дараш Краснодар-махкахь, лахара – Адыгейхь.
Краснодар-мохк + 96 (49 103 пандемин ерриг хенахь)
Ставропол-мохк + 50 (55 248)
Дагестан + 53 (33 973)
ГIалмакхойчоь + 16 (20 933)
ГIебарта-Балкхаройчоь + 13 (24 422)
Нохчийчоь + 13 (12 369)
Кхарачой-Чергазийчоь + 11 (20 534)
ГIалгIайчоь + 10 (15 852)
Къилбаседа ХIирийчоь + 7 (17 061)
Адыгей + 7 (14 730)
Таханенна, официало бахарехь, Къилбаседа Кавказехь 264 225 стаг ву шайца коронавирус хааелла. Ерриг Оьрсийчохь* - 5 135 866.
*Оьрсийчоьнан официалан статистико шена юкъаоьцу аннекси йинчу ГIирмера хьал.