Францино цIехьа хьажийна нохчийн мухIажар Исмаилов Мансур дарба лело аьтто боцуш висна. Кехаташ дац цуьнан. Бакъонашларъярхой гIерта уьш юхаметтахIитто, амма иза дан дикка хан оьшур ю царна.
Москвара Тверан кIоштан суд реза ца хилла оппозиционерана Навальный Алексейна гIортор яран акцехь ОМОН-ан белхахойх леттачу нохчочунна Джумаев Сайд-Мухьаммадна кхел ян. Суьдхочо кхидIа талла хьажийна цуьнан гIуллакх.
Колганова Нина Ахшо ду Ростов гIалин юккъехь лаьтта маьждиг хилла гIишло къуьйсуш айдина гIуллакх листа артбитражан кхел ца хIутту. Цо пхоьазза дехьатеттина дов. Кхелера йолчу информацица, хIинца иза тIехьатеттина къестамашна юкъа кхоалгIа агIо – гIалин культуран урхалла - озо езаш хиларна. ГIишло а, цунна гонахара 2,5 эзар квадрат-метр латта а къуьйсу шайлахь ТIеман министралло а, Ростовн администрацино а, меттигерчу Назаретов Киман цIарах йолчу исбаьхьаллийн школо а. Ткъа кхел хьахаялале дуьйна а... Читать дальше...
2019-чу шарахь ГIалгIайчохь хиллачу протестийн лидершна дуьхьал даьккхинчу гIуллакхна тIехула Ессентуки гIаларчу кхело левина къайлаваьхьна теш. Цо мукIарло дина, бехкебечеран позицигахьа безам болуш ву ша аьлла, дийцина Кавказ.Реалиига адвокато Ахильгов Калойс. Чемурзиев Барахан а, Барахоев Ахьмадан а юристо дийцарехь, къайлаваьккхина теш ву 2019-чу шеран Зазадокху-баттахь митингехь хилларг. Цуьнан цIе хьулъяран бахьана ду, шена кхерамаш тийса тарло аьлла, цунна хетар. Цкъачунна цхьана а кепара кхерамаш тийсина бац цунна. Читать дальше...
ТIьаххьарчу дийнахь-буса Къилбаседа Кавказехь коронавирус кхетта хилар билгалдаьллачу нахах велла 23 пациент, цомгуш хиллар кхин а 279 стаг. Уьнна дуьхьалоечу оперативан штабан хаамца, Краснодар-махкахь COVID-19 цамгарх велла 11 стаг, Ставропол-махкахь – 5, Дагестанехь а, Кхарачой-Чергазийчохь а - шишша велла, ГIалмакхойчохь а, Адыгейхь а, ГIалгIайчохь а - цхьацца. Пандемин муьрехь верриг а велларг ву уьнах Къилбаседа Кавказехь 10 564 стаг. Уггаре дукха бу дийнахь буса цамгар кхеттарш Краснодар-махкахь, уггаре кIезиг – Адыгейхь. Читать дальше...
"ХукВам" шоун эфирехь Absolute Championship Akhmat лиган вице-президенто Бадаев Асланбека дийцина, Дагестанерчу латархочунна Нурмагомедов Хьабибна 440 миллион сом дала кийча ду шаьш, шайн организацехь иза латахь аьлла. "440 миллион, я цул а алсам ахча дала кийча юй-те АСА? И ахча дала хьунар ду. Хаттар хIутту, мел Iалашо йолуш ду и. Карарчу заманчохь мехкан куьйгалхочо боху цунах лаьцна. ХIаъ, дера лига кийча ма ю и ахча дала, хIунда аьлча, АСА-н лигехь Хьабибан тIаьххьара латар - сенсаци йолуш хIума ма ду", - аьлла, дIахьедина Бадаевс. Читать дальше...
Дагестанерчу Талламан комитетан урхалло бехкзуламан гIуллакх долийна 23 шо долчу Дербентан кIоштарчу вахархочунна дуьхьал. Террорхойн тобанехь дакъалацарна а, терроризмана ахча латторна а шеконаш кхоллаелла цунах. Урхаллан пресс-гIуллакххоша бина цунах лаьцна хаам. Талламан версица, ши шо хьалха шеконе эцначо социалан машанашкахула 200 эзар сом ахча гулдина хилла, дуьненаюкъарчу террорхойн организацешлахь йолчу тобанашна лерина. Цул совнах, Таламан комитето чIагIдарехь, 2019-чу шеран Охан-баттера... Читать дальше...
Францино депорт йина Нохчийчоьнан вахархо Исмаилов Мансур карахь кехаташ а доцуш висина, цхьанхьа вехаш ву аьлла, дIаязвина цахиларна дарбан цIийне охьавижа аьтто бац цуьнан, дийцина "Кавказский узел" интернет-гIирсе бакъоларъярхочо Титиев Аюба. Ша Исмаиловс дIахьедарца, хIора баттахь лоьрех чекхвала везаш ву иза. Титиевс дийцарехь, карарчу заманчохь Москвахь ву Исмаилов. "Цкъачунна документаш доцуш ву иза, векалто делла кехат доцург. Цуьнан документаш меттахIиттон кехаташ чуделла оха, амма сихо йоцу процедура ю иза"... Читать дальше...