Новости за 22.12.2020

АКШнын коргоо министринин милдетин аткаруучу Крис Миллер Ооганстанга сапар менен барды. Анда ооган президенти Ашраф Гани менен жолугуп, Талибан кыймылы менен жүрүп жаткан тынчтык сүйлөшүүлөрдүн жүрүшүн талкуулады. Пентагон 22-декабрдагы билдирүүсүндө Миллердин сапары тууралуу коопсуздуктан улам алдын-ала маалымат берилбегенин түшүндүрдү. Ошондой эле Пентагондун жетекчиси АКШнын Ооганстандагы аскерлеринин башчысы Скотт Миллер менен жолугуп, террорчулукка каршы күрөш, коопсуздук маселелерин талкуулаган. Читать дальше...

Арменияда оппозициянын тарапкерлери 22-декабрда Еревандын борбордук аянтына нааразылык чарасына чыкты. Алар «Никол чыккынчы» деген ураандарды кыйкырып, премьер-министр Никол Пашиняндын кызматтан кетишин талап кылышты. "Республика" аянтына жакын жайгашкан өкмөттүн имаратын милициянын ыкчам тобу кайтарып турду. Полиция демонстранттарды борбордук аянтка тигип алган чатырларын кечкурун жыйнап кетүүнү талап кылды.  Аянтка коопсуздук күчтөрүнүн улам жаңы бөлүктөрү келгендиги тууралуу кабардалды. ... Читать дальше...

Бишкектин Биринчи май райондук соту бүгүн, 23-декабрда Кой-Таш окуясы боюнча ишти кароону улантары күтүлүп жатат. Бул тууралуу айыпталуучулардын бири, мурдагы президент Алмазбек Атамбаевдин адвокаты Замир Жоошев билдирди. Анын айтымында, өткөн аптада ишти карап жаткан сот кийинки жараянды 23-декабрга, саат 14.00гө белгилеген. Жараянга Атамбаев алып келинүүгө тийиш. Кримтөбөл Азиз Батукаевдин 2013-жылы түрмөдөн мыйзамсыз бошотулушу боюнча иштин алкагында Атамбаевди кармоо операциясы 2019-жылдын... Читать дальше...

Соода-өнөр жай палатасынын айрым мүчөлөрү 22-декабрда Бишкектеги басма сөз жыйында жетекчи шайлоо одоно мыйзам бузуу менен өткөнүн айтып чыгышты. Маалымат жыйынды Соода-өнөр жай палатасына мүчө ишкерлер - Талантбек Маткерим уулу жана Авазбек Керимбеков өткөрүштү. Алар 18-декабрда палатанын курултайында президенттикке Марат Шаршекеевдин кайра шайланышы мыйзамсыз экенин, ал жең ичинен өзүн колдогон тарапташтарын палатанын жаңы кеңешине мүчө кылып шайлаганын билдиришти. Курултайда устав жана регламент бузулганын... Читать дальше...

Бишкекте 23-декабрда экологиялык коопсуздукту камсыздоо  жана айлана-чөйрөнү коргоо багытындагы мамлекеттик стратегиянын аткарылышы талкууга алынат. Айлана-чөйрөнү коргоо жана токой-чарба мамлекеттик агенттиги билдиргендей, талкууга тиешелүү мекемелердин өкүлдөрү, коомдук уюмдар, экологдар чакырылган.  Бишкекте акыркы убакта абанын булганышы башкы экологиялык маселеге айланды. Жыл сайын айрыкча кыш мезгилинде абанын булганышы күчөп, башкалааны ыш каптайт. Буга чейин экологдор Бишкекте абанын... Читать дальше...

"Комитет 93" тобу Кыргызстандын 1993-жылдагы Конституциясына кайтуу боюнча референдум өткөрүү сунушу менен Юстиция министрлигине кайрылды. Бул тууралуу аталган топтун басма сөз кызматы 22-декабрда билдирди. Маалыматка караганда, министрликке мыйзамдуу түрдө элдик демилге катары 1993-жылдагы Баш мыйзамга кайтууну референдумга чыгаруу жөнүндө арыз берилди.  Жогорку Кеңештин мурдагы депутаты  Максат  Кунакунов башында турган демилгелүү топ легендарлуу парламент кабыл алган Конституцияга кайтууну буга чейин сунуш кылган. Читать дальше...

Бишкектеги «Манас» кинотеатрында 23-декабрда режиссер Эмил Атагелдиевдин «Көл» аттуу дебюттук тасмасынын ачылышы болот. Бул тууралуу Маданият, маалымат жана туризм министрлиги билдирди.  Эрке Жумакматов менен Садык Шер-Нияз продюсерлик кылган фильм аталган министрликке караштуу Кинематография департаментинин каржылык колдоосу аркылуу тартылган. Аны «Оймо» студиясы »Айтыш фильм» киностудиясы менен бирге тарткан. Тасманын премьерасы быйыл июль-август айларында Шанхайда өткөн «А» класстагы тасмалардын эл аралык фестивалында көрсөтүлгөн. Читать дальше...

Казакстандын мурдагы президенти Нурсултан Назарбаевдин жакындары дүйнөнүн кеминде алты өлкөсүндө 785 миллион долларлык кымбат баалуу мүлк сатып алган. Бул тууралуу «Азаттыктын» казак кызматы жасаган жаңы иликтөөдө айтылат. 22-декабрда жарыяланган иликтөөдө Назарбаевдин туугандары, кыздары жана неберелери ишке ашырган бардык инвестиция жана кыймылсыз мүлк тууралуу маалымат бербесе да, бул байлыктын масштабын көрсөтүп, аны документалдуу түрдө далилдөөнүн алгачкы аракети болду. Бул мүлктүн айрымдары буга чейин маалымат каражаттарын кызыктырып... Читать дальше...

Экономикалык мунапыс жөнүндө мыйзамга парламент сунуш кылып жаткан өзгөртүү киргизилсе, 1300дөй адам экономикалык кылмышка байланыштуу келтирген чыгымды төлөп, камактан кутулушу мүмкүн.

«Медиа Полиси Институту» уюмунун директору Бегаим Усенова журналистика чындыктын акыркы инстанциясы болуп калганын айтты.

«Прецедент» юридикалык борборунун башчысы, адвокат Нурбек Токтакунов бир катар парламент депутаттарына каршы УКМКга арыз менен кайрылды. Ал муну депутаттар референдум дайындоо жөнүндөгү мыйзам долбоорун талкуулоого жана кабыл алууга коомчулукту катыштырган жок жана муну менен мыйзам бузулду деген жүйө менен негиздеди. Бул тууралуу Токтакунов 22-декабрда билдирди. Анын айтымында, документтин автору Акылбек Жапаров, 22-декабрда кызматын тапшырууну чечкени айтылган вице-спикер Мирлан Бакиров, эксперттик... Читать дальше...

Өзбекстан коронавирустун жаңы штаммы катталган сегиз өлкөнүн жарандарына убактылуу чектөө киргизди. 22-декабрда жарыялангандай, Австралия, Австрия, Дания, Германия, Италия, Нидерланд, Түштүк Африка жана Улуу Британия мамлекеттеринин жарандары 10-январга чейин Өзбекстанга кире албайт. Бул өлкөлөрдөн кайтып келген өзбек жарандары 14 күндүк карантинге алынат. «Аталган өлкөлөрдөгү эпидемиологиялык абал турукташканына жараша бул чектөөлөр бара-бара алынат», деп айтылат Өзбекстандын тиешелүү мекемеси тараткан билдирүүдө. Читать дальше...

Ички иштер министрлигинин Ички аскерлеринде кызмат өтөп жатып каза болгон Бексултан Адылбек уулунун сөөгү туулуп өскөн Өзгөн районундагы Кызыл-Октябрь айыл өкмөтүнүн Алга айылында жерге берилди.

Ош шаарынын борбордук аянтындагы жаңы жылдык балатыны жасалгалоого шаардык казынадан дээрлик 700 миң сом жумшалды. Бул боюнча маалымат мамлекеттик сатып алуу боюнча расмий порталга жарыяланды. Балатыны жасалгалоону Ош шаардык маданият башкармалыгы 782 миң сомго баалап, тендер жарыялаган. Натыйжада буга чейин бир нече жолу уткан Беделов Бакыт бул ишти 699 620 сомго баалап алды. Ош шаарында жаңы жылды майрамдоого каражат бөлүнбөй турганы айтылган болчу. Аянтты коздоо, балатыны жасалгалоо сыяктуу... Читать дальше...

АКШ Сенаты «Беларустун эгемендиги, адам укуктары жана демократия жөнүндө» мыйзам долбоорун кабыл алды. Бул документ Кошмо Штаттардын президентине Беларустун бийлик өкүлдөрүнө карата санкция салууга кошумча укуктарды берет. Расмий Вашингтон Беларуста быйыл августта өткөн шайлоонун жыйынтыгын тааныбай, нааразылык акцияларынын учурунда кармалган жарандар боюнча камтамачылыгын билдирип келген. Буга чейин мыйзам долбоорун Өкүлдөр Палатасы кабыл алган. Документ республикачы-конгрессмен Кристофер Смиттин демилгеси менен иштелип чыккан. Читать дальше...

Адамдын деңгээлин аныктоочу көрсөткүч – сөз. Сөз адамды өлтүрүшү да мүмкүн. Мөөнөтүнөн мурда президенттик шайлоонун үгүт иштери күч алып, президенттик жарышка аттанган 18 талапкер чама-чаркына жараша эл менен жолугушуу өткөрүп жатат. Дароо эле байкаганыбыз, президенттикке ынтылып жаткан азаматтардын көпчүлүгүнүн көксөгөнү ал кызматка жетүү эмес экен. Айрыкча эл арасында анча белгисиздери саясий тажрыйба топтоо үчүн, экинчи жагынан өз программаларын элге жеткирүү максаты менен, үчүнчүдөн негизги... Читать дальше...

Олимпиада оюндарын өткөрүүгө 1,64 триллион иен (15,9 миллиард доллар) каражат талап кылынат. Бул сумма буга чейин болжолдонгон чыгашадан 1,35 триллион иенге көп.

Өкмөт үй-бүлөлүк зомбулуктун алдын алуу, ага жол бербөө максатында иш алып барарын вице-премьер-министр Максат Мамытканов бүгүн, 22-декабрда билдирди. Ал Жогорку Кеңештин Укук тартиби, кылмыштуулукка жана коррупцияга каршы күрөш комитетинин жыйынында сүйлөп жатып, бул үчүн атайын телепрограммалар аркылуу элге маалымат жеткирүүнү сунуш кылды. «Келгиле, атайын телепрограммаларды иштеп чыгалы. Ошолор аркылуу үй-бүлөдө зомбулук болсо 111 же 112 түз номурлары аркылуу тиешелүү тараптарга кайрылыш керек экенин жайылталы», - деди Максат Мамытканов. Читать дальше...

Орусия Европа Биримдигинин кызмат адамдарына карата санкциялар тизмесин кеңейтти. Орус бийлиги мындай чечимди оппозиционер Алексей Навальныйдын ууландырылышына байланыштуу Евробиримдиктин Орусияга киргизген санкцияларына жооп иретинде киргизди. Тышкы иштер министрлигинин 22-декабрда тараткан маалыматы боюнча, Орусияга каршы санкцияларды даярдоого катышкан Еврошаркет өлкөлөрүнүн жана андагы институттардын өкүлдөрүнө Орусиянын аймагына кирүүгө тыюу салынат. Тизмедеги адамдардын аты-жөнү так жарыялана элек. Читать дальше...

Башкы прокуратура «Коопсуз шаар» долбоорун ишке ашырууда Маалыматтык технологиялар жана байланыш боюнча мамлекеттик комитет өлкөгө ири өлчөмдө зыян келтирген деп эсептейт. Мекеме 22-декабрда тараткан маалыматка караганда, комитет долбоордун «Акылдуу шаар» компонентин жүзөгө ашырыш үчүн тандап алган ишкана менен макулдашылган мөөнөттү 50 күнгө негизсиз өзгөртүп, ал төлөй турган 20 миллион сомду кечип койгон. 2018-жылы болгон бул окуя, башкы көзөмөл органы белгилегендей, Кылмыштар менен жоруктардын... Читать дальше...

Чүй облустук ички иштер башкармалыгынын (ОИИБ) ыкчам кызматкери - Р. Б. аттуу жаран жүз миң сом пара алып жаткан жеринен кармалды. Бул тууралуу Экономикалык кылмыштарга каршы күрөш боюнча мамлекеттик кызмат (Финансы полициясы) маалымдады. Ага ылайык, мурдараак Финполицияга Т. Б. аттуу жарандан милиция кызматкерине каршы арыз түшкөн. 21-декабрь күнү Финполдун кызматкерлери ИИМдин Ички тартип кызматы менен кошо атайын операция жүргүзүп, 100 миң сом өлчөмүндө пара алып жаткан жеринен Чүй облусунун... Читать дальше...

2020-жылы өз жумушун аткарып жүрүп өлтүрүлгөн журналисттер былтыркыдан эки эсе көбөйдү. Бул тууралуу Журналисттерди коргоо комитети (CPJ) 22-декабрда жарыялаган баяндамада белгиленет. Быйыл бери дегенде 30 журналист өлтүрүлүп, анын 21и өз ишин аткарып жатканда каза болгон. Калгандары согуш талааларында, эки тараптын атышында көз жумган. Баарынан көп журналисттер Мексикада, Ооганстанда жана Филиппиндерде өлтүрүлгөн.  «Былтыркы жылга салыштырмалуу журналисттер эки эсе көп өлтүрүлүшү - бул үрөй учурган көрүнүш. Читать дальше...

Беларустун Башкы прокуратурасы оппозициянын лидерлеринин бири, президенттикке талапкер болгон Светлана Тихановскаяга жана оппозициянын Координациялык кеңешинин мүчөсү Мария Колесниковага каршы кылмыш ишин козгоду. Алар экстремисттик жамаат түзгөн жана мыйзамсыз жол менен мамлекеттик бийликти басып алыш үчүн тымызын иш алып барган деп айыпталып жатат. 21-декабрда Александр Лукашенко Ички иштер министрлигине нааразылык акцияларынын катышуучулары боюнча бирдиктүү электрондук базасын түзүүнү тапшырды. Читать дальше...

Кыргызстандагы «Жарандык көзөмөл комитети» уюму 22-декабрда бийлик армияны өз жарандарына каршы колдонууга аракет кылышы ыктымал деген тынчсыздануусун билдирип чыкты. Уюм армиянын жетекчилиги Бишкектин четинде шайлоодон кийинки нааразылык акцияларын басыш үчүн аскерлер тартылган командалык-штабдык машыгуу өткөргөнү тууралуу басма сөздө тараган маалыматка таянып, жарандык нааразылыкты басууга армияны катыштыруу Конституцияга каршы келерин эскертти. Ошону менен катар уюм өз чөнтөгүнөн салык төлөп... Читать дальше...

Мирлан Бакиров Жогорку Кеңештин вице-спикерлигинен кетүү боюнча чечим кабыл алды. Бул тууралуу 22-декабрда парламенттеги «Өнүгүү-Прогресс» фракциясынын лидери Бакыт Төрөбаев «Фейсбуктагы» баракчасына жазды. Ал Бакиров төраганын орун басары катары жакшы иштеп бергенин, тажрыйба топтогонун айтып, өзүн саясий чөйрөдө жакшы көрсөтө алганын белгиледи: «Ал өз ыктыяры менен башка өсүп келе жаткан депутаттарга орун бошотуу максатында кызматын тапшыруу боюнча чечим кабыл алды. «Өнүгүү-Прогресс» партиясынын... Читать дальше...