Новости за 29.12.2020

Пакистандын соту тыюу салынган уюмга мүчө болгон деп шек саналган эки кишини терроризмди каржылаган деген айып менен узак мөөнөттөргө түрмөгө кести. Карачидеги сот эки башка иштин өкүмүн 29-декабрда жарыялады. «Jamaat-ud Dawa» уюмуна мүчө болгону айтылган Гулям Расул Раббани 25 жылга эркинен ажыратылып, 13 700 доллар айыпка жыгылды. Карачидеги мечитке жана медресеге ээлик кылган Раббани 15-ноябрда кармалган. Прокуратура ал уюм үчүн чогулткан акча терроризмди каржылоого жумшалган деп эсептейт. Раббани өзүнө коюлган айыпты четке кагууда. Читать дальше...

«Аркус» басма үйү коомчулукка жакында кыргыз тилине которулган кытайлык эмгектерди тааныштырды жана Кыргызстандагы бир катар жогорку окуу жайлардын китепканаларына бул котормолордун нускаларын белекке берди. 29-декабрда Бишкектеги Касымалы Баялинов атындагы Республикалык балдар жана жаштар китепканасында өткөрүлгөн бул маданий иш-чарага Жусуп Баласагын атындагы Кыргыз улуттук университетинин, Ишеналы Арабаев атындагы Кыргыз мамлекеттик университетинин, Исхак Раззаков атындагы Кыргыз техникалык университетинин... Читать дальше...

Президенттикке талапкерлер Садыр Жапаров менен Рашид Тагаев 29-декабрда Коомдук телерадиоберүү корпорациясындагы (КТРК) теледебатка келген жок. «Садыр Жапаров менен Рашид Тагаев бир күн мурда кат жазып, аймактардагы жолугушуулардын графигине байланыштуу бүгүнкү дебатка катышпай турганын билдиришкен», - деди телетаймаштын алып баруучусу Алмаз Касымалиев. Дебатка президенттикке дагы башка талапкерлер Мыктыбек Арстанбек, Имамидин Ташов, Арстанбек Абдылдаев жана Элдар Абакиров катышууда. Президенттикке... Читать дальше...

Жаңы жыл алдында дүйнөдөгү бир катар өлкөлөр кошумча чектөөлөрдү киргизүүдө. Мындай жол менен майрам алдындагы вирустун таралышынын алдын-алууга аракет кылып жатышат.

Кыргызстанда парламентаризмди колдоо кыймылы түзүлдү. Таанымал куудулдар Рахман Разыков менен Абдылда Иманкулов ОшТВ телеканалы бийликти сындаган концерттин жарнамасын эфирге бербей жатканына даттанышты. Быйыл дүйнөдө кесибине байланыштуу 50 журналист киши колдуу болду.

Президенттикке жарышкан саясатчылардын КТРКдагы теледебаты 28-декабрда башталып, ага алгачкы алты талапкер - Канатбек Исаев, Клара Сооронкулова, Адахан Мадумаров, Аймен Касенов, Бактыбек Калмаматов жана Каныбек Иманалиев чыгышты. Оппозициялык маанайдагы талапкерлер 6-октябрдан кийин келген бийликти, убактылуу кызматын тапшырган Садыр Жапаровдун саясатын кескин сындашты.

Айлана-чөйрөнү коргоо жана токой чарба агенттигинин жаңы шайланган директору Динара Кутманова менен мекеменин жамааты өз ара тирешип жатат.

Жаш акын Максат Жангазиев ырларында турмуштагы карама-каршылыктар тууралуу баяндап, конфликттүү кырдаалдарды ачык сүрөттөгөнү менен калемдештеринен өзгөчөлөнүп турат.

Кыргызстандын башкаруу ыкмасын аныктоо боюнча референдумга карата үгүт жүргүзүүчү 14 топ катталып, мамлекеттик телеканалдардан акысыз үгүт жүргүзө баштады. Ал арада парламенттик башкаруу формасын сактап калууну көздөгөн «Парламентаризм» кыймылы түзүлдү.

29-декабрда Балкан жарым аралындагы Монтенегро (Черногория) жумуриятынын парламенти дин эркиндиги боюнча мыйзамга киргизилген карама-каршылыктуу өзгөртүүлөрдү жактырды. Оппозиция добуш берүүгө бойкот жарыялады. Мурунку күнү баш калаа Подгорицада парламент имаратынын алдына бир нече миң киши чогулуп, сунушталган түзөтүүлөргө нааразылыгын билдирди. Президент Мило Дуканович жети күндүн ичинде өзгөртүүлөргө кол коюп же артка кайтарышы керек. Бир жыл мурун кабыл алынган мыйзамда диний жамааттар... Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) «Не сахар» долбоору менен бирге Бишкекте сапатсыз жана мөөнөтү өтүп кеткен өндүрүмдү сатуу фактысын аныктады. Мекеме тараткан маалыматка караганда, «ТТТ Компани» ишканасы Садыгалиев көчөсүндөгү кампада мөөнөтү өтүп кеткен кондитердик азыктарды (конфеттер, печенье жана ар кандай таттуулар) ири өлчөмдө сактап, аларды саткан. Компаниянын кызматкерлери таттуулардын жарактуулук мөөнөтүн жана чыгарылган күнүн өзгөртүшкөнү белгилүү болду. Читать дальше...

2020-жылы «Азаттык» радиосунун жамаатында орду толгус жоготуу болду. Чыгаан журналист, көпчүлүктүн устаты Бүбүкан Досалиева жана белгилүү акын, журналист Зайырбек Ажыматов дүйнө салышты. Аларды жаркын элесине арналган баянды сунуш кылабыз.

Чүй облусунун Сокулук районундагы «Оазис» кафесинде 25-декабрда үлпөт тойго катышкан 230 кишинин 70ке жакыны тамак-аштан ууланды. Той ээси Канатбек Чокиев «Азаттыкка» үлпөткө союлган жылкынын этин чийки алып барып бергенин, калган тамак-аш, азык-түлүктүн баарын кафенин администрациясы сатып алып даярдаганын билдирди. Анын маалыматына караганда, азыр уулануу белгилери менен ооруканага улам кайрылгандар болуп жатат. Үлпөткө Нарын, Токмок, Бишкек жана башка аймактардан коноктор барган. Чүй облустук... Читать дальше...

Франциялык белгилүү модельер Пьер Карден бүгүн 99 жашында көз жумду. Бул тууралуу маркумдун үй-бүлөсү «France-Presse» агенттигине билдирди. Карден - азыркы жогорку жарашык (мода) өнөрүн негиздөөчүлөрдүн бири. 1960-жылы биринчи болуп эркектер үчүн коллекциясын тартуулаган. Биринчилерден болуп дизайнердик кийим-кечени массалык дүкөндөрдө сата баштаган. Модельер Италиянын Тревизо шаарынын жанында төрөлгөн. Бала чагында ата-энеси менен Францияга көчүп барган. 14 жашында эле кийим тигүү тармагында эмгектене баштаган... Читать дальше...

Жогорку соттун төрайымы Гүлбара Калиева премьер-министрлик кызматты убактылуу тапшырып, азыр президенттикке ат салышып жаткан Садыр Жапаровго карата саясий куугунтук болгон деген ойго кошулат. Бул тууралуу ал 29-декабрда «Азаттыктын» эфиринде билдирди. Калиева «барымтага алуу боюнча иш» кайра тергөөгө жөнөтүлгөнүн, тергөөчү ишти сотко жеткирбестен, прокурордун макулдугу менен өзү эле кыскартып коюшу мүмкүн экенин айтып, «Жапаровго карата саясий куугунтук болгон деген ой калган эмес беле сизде?» деген суроого төмөнкүчө жооп берди... Читать дальше...

Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы 29-декабрда Мамлекеттик бажы кызматынын Түштүк-Батыш бажысынын бажы тариздештирүү тобунун башкы инспекторун 1000 доллар пара алып жаткан жеринен кармады. Бул тууралуу УКМКнын басма сөз кызматы кабарлап, иш пара талап кылуу фактысы боюнча иликтенип жатканын билдирди. Такталгандай бажы кызматкери (К.М.А.) Кыргызстандын аймагы аркылуу жүк ташуучу транспорт каражаттарын транзиттик жол менен өткөрүш үчүн жеке ишкерден акча талап кылган. Читать дальше...

Башкы прокуратура Жогорку соттун төрайымы Гүлбара Калиева боюнча Судьялар кеңешинин Тартип комиссиясына сунуштама жөнөттү. Бул тууралуу 29-декабрда «Азаттыкка» кеңештин басма сөз кызматы кабарлап, сунуштама 28-декабрда келип түшкөнүн билдирди. Улуттук коопсуздук боюнча мамлекеттик комитет (УКМК) Калиева коррупцияга байланыштуу шек саналып жаткандыктан тергөө органдары аны жазык жообуна тартуу максатында Тартип комиссиясына сунуштама бериш үчүн Башкы прокуратурага өтүнүч келтиришкенин 26-декабрда маалымдаган. Читать дальше...

2020-жыл оор сыноо менен коштолду. Пандемия кадыресе жашоо менен кошо спортту да жарга кептеди. Карантиндик чектөөлөрдөн улам көптөгөн мелдештер токтоп, эң чоң жарыш — Олимпиада оюндары да кийинкиге калтырылды.

COVID-19 пандемиясы 2020-жылы дүйнө экономикасын кыйла алсыратты. 2021-жылы экономика калыбына келеби жана коронавируска каршы эмдөө буга канчалык жардам бере алат?

Кыргызстандагы «Жергиликтүү сот» автоматташтырылган маалымат системасын ишке киргизүү долбооруна байланыштуу тендерди өткөрүүгө Жогорку соттун тиешеси жок. Бул тууралуу Европа Биримдигинин Кыргызстандагы өкүлчүлүгүнүн басма сөз катчысы Аскар Эркебаев «Азаттыкка» билдирди. Анын айтымында, Евробиримдик каржылаган долбоорду ишке ашыра турган мекемени тандоо боюнча тендерди Германиянын Эл аралык кызматташтык боюнча коому (GIZ) башында турган эл аралык уюмдардын концорсиуму ишке ашырган. Евробиримдик аны көзөмөлдөп турат. Читать дальше...

Москванын Таганск райондук соту казакстандык оппозиционер, БТА Банктын мурдагы жетекчиси Мухтар Аблязовду 15 жылга сыртынан эркинен ажыратты. Саясатчы 60 миллиард рубль (800 миллион доллар) кымырып алгандыгы үчүн күнөөлүү деп табылды. Бул тууралуу орус Башкы прокуратурасына шилтеме менен «Настоящее Время»  телеканалы кабарлады. Аблязовго жана дагы бир нече кишиге көз боёмочулук, кылмыштуу жол менен табылган мүлктү мыйзамдаштыруу, уюшулган топ менен алдамчылыкка баруу жана чоң зыян келтирүү айыптары тагылды. Читать дальше...

Быйылкы жылдын 11 айында Кылмыштар менен жоруктардын бирдиктүү реестрине үй-бүлөлүк зомбулук боюнча 8337 факты катталды. Бул тууралуу 29-декабрда өкмөттөгү басма сөз жыйынында эмгек жана социалдык өнүгүү министринин орун басары Улан Маматканов билдирди. Анын маалыматына караганда, үй-бүлөлүк зомбулукка байланыштуу катталган фактылардын 71и сотко өткөн.  Зомбулуктан жалпысынан 49 адам жабырлануучу деп табылган. Анын 11и балдар. Статистикага караганда, быйыл зомбулук фактылары көбөйгөн.  Расмий эсеп боюнча... Читать дальше...

Орусия коронавирустан өлгөндөрдүн санын азайтып көргөзгөнүн, чыныгы статистика жарыялангандан үч эсе көп экенин моюнга алды.  Жаңы маалыматты эске алганда Орусия өлүм-житим боюнча АКШ менен Бразилиядан кийинки 3-орунда турат. 28-декабрда «Росстат» агенттиги жарыялаган маалыматка караганда январдан ноябрга чейин өлкөдө түрдүү себептерден өлгөндөр былтыркы ушул эле мөөнөткө караганда 229 700 кишиге көп болду. Вице-премьер министр Татьяна Голикованын айтымында, өлүмдөрдүн 81% көбү COVID-19 жана анын кесепеттерине туура келет. Читать дальше...

2020-жылы журналисттик ишмердигинен улам 50 адам киши колдуу болду.

Москва шаарынын соту шейшембиде энергетикалык «Интер РАО» компаниясынын мурдагы жогорку жетекчиси Карина Цурканды Молдованын пайдасына тыңчылык кылган деп 15 жылга колонияга кести. Жабык процессте прокурор аны 18 жылга эркинен ажыратууну суранган. Цуркан өзү жана адвокаттары бул иш жок жерден токулганын, далилдер бурмаланганын, Днестр боюнун бийлиги менен талаш-тартышка байланышы болушу мүмкүн экенин айтып келишти. Мурдагы жетекчини 2018-жылы кармашкан. Ал кезде Цуркан Чыгыш Европада, арасында Молдовадагы долбоорлорду көзөмөлдөчү. Читать дальше...