Новости за 27.12.2020

Оппозиционер Алексей Навальныйдын үзөңгүлөшү, Коррупцияга каршы фонддун юристи Любовь Соболь жекшембинин (27-декабрдын) кечинде Москвада тергөө абагынан чыкты. Бул тууралуу Соболь “Дождь” телеканалына өзү билдирди. Активист жума күнү 48 саатка камалган. Андан мурун активистти Тергөө комитетине алып келишкен. Ага "менчик турак жайдын кол тийбестигин бузган" деген негизде айып тагылган. Кандайдыр бир баш коргоо чарасы каралган-каралбаганы азырынча белгисиз. Соболдун сөзүнө караганда, иште «дал келбеген жагдайлар көп». Читать дальше...

Беларустун баш калаасы Минскинин чордонунда ушул жекшембиде 9-августтан бери биринчи жолу Александр Лукашенконун бийлигине каршы нааразылык жүрүшү өткөн жок. Бул тууралуу Nexta телеграм-каналы билдирди. Борбор шаардын чеке белинде жашаган тургундар гана өздөрү бир нече колонна болуп, бийликке каршы ураан-чакырыктар менен көчөлөрдү аралашты. Социалдык сайттарда тараган көптөгөн видеолордо ар кайсы райондордо ондогон, жүздөгөн киши наразылыкка чыкканын көрүүгө болот. Жергиликтүү убакыт боюнча... Читать дальше...

Орусиянын президенти Владимир Путиндин салтка айланган Жаңы жыл алдындагы ишкерлер менен жолугушуусу быйыл болбойт. Бул тууралуу Кремлдин басма сөз катчысы Дмитрий Песков билдирди. Анын себеби айтылган жок, буга чейин да президенттин коомчулук менен түз байланышы өткөн эмес. Путин адатта ишкерлер менен Жаңы жыл алдында жолугушчу. Былтыр Крмелде өткөн мындай жолугушууга миллиардерлер Михаил Гуцериев, Михаил Прохоров жана Михаил Фридман, Геннадий Тимченко, Владимир Потанин, "Роснефтинин" башкармалыгынын төрагасы Игорь Сечин катышкан. Читать дальше...

Бүгүн, 27-декабрда Бишкекте балдарга арналган президенттик балаты болуп өттү. Анда өлкөнүн туш тарабынан келген таланттуу кыздар-балдар оюн-зоок куруп, чоң концерт тартуулашты. Аягында мамлекет башчысынын милдетин аткарып жаткан Жогорку Кеңештин төрагасы Талант Мамытов куттуктоо сөз сүйлөп, өтүп бараткан жылы коронавирус пандемиясы дүйнө жүзүндө, анын ичинде Кыргызстанда көптөгөн көйгөйлөрдү, өзгөчө билим берүү жаатында бир топ түйшүктөрдү жаратканын белгиледи. «Бирок силер кыйынчылыктарга карабай... Читать дальше...

Жалал-Абад облусунун Ала-Бука районундагы Бозымчак алтын кенин иштеткен казакстандык «KAZ mineralz Bozymchak» компаниясы 26-декабрда ишин кайра жандандырды. Бул тууралуу өкмөттүн басма сөз кызматы кабарлап, премьер-министрдин милдетин аткаруучу, биринчи вице-премьер-министр Артем Новиков ишембиде сөз болуп жаткан ишканага барганын билдирди. «Ишкананын иштебей токтоп калуусунан улам бардык жагынан жоготуу болду, мисалы, бюджетке салык төгүлбөй, 1000ге жакын адам жумушсуз калган. Эми биздин жарандар жумушуна кайтып келишти... Читать дальше...

АКШнын шайланган президенти Жо Байден президент Дональд Трампты коронавирустун каарын тарткан элге экономикалык көмөк көрсөтүү тууралуу мыйзам долбооруна кол коюуга чакырды. «Майрам күндөрү миллиондогон америкалыктар үй-жайы жана дасторконуна тамак-аш алгыдай болсун» - деди Байден. Шайланган президенттин билдирүүсүндө «Конгресстеги эки партиянын тең басымдуу бөлүгү жактырган экономикалык жардам тууралуу мыйзам долбооруна Трамптын кол коюудан баш тартканы үчүн Рождествонун эртеси миллиондогон үй-бүлө... Читать дальше...

Бразилиялык мотоспортчу Андре Вериссимо марага жете электе эле жеңишти майрамдайм деп алтын байгеден кол жууду.

Өзбекстандын вице-премьери Азиз Абдухакимов эл аралык «Ал-Бухари» спутник (жасалма жандоочу) аркылуу таркалчу телеканалын ачып, ал аркылуу Борбордук Азиядагы бул ири өлкөнүн туристтик жайларын дүйнөдөгү мусулмандар көп жашаган мамлекеттерде даңазалоо өнөктүгүн жүргүзүүнү сунуш кылды. Туризмди өнүктүрүү боюнча мамлекеттик агенттик билдиргендей, вице-премьер Абдухакимов мындай сунушун 23-декабрда Өзбекстандын эл аралык Ислам академиясынын зыярат кылчу жайларга туристтерди тартууну талкуулаган жыйынына катышканда айткан. Читать дальше...

Улуттук коопсуздук боюнча мамлекеттик комитет (УКМК) Жогорку соттун төрайымы Гүлбара Калиеванын коррупциялык ишке тиешеси боюнча айныксыз далилдер бар экенин билдирүүдө.  Бирок Судьялар кеңеши жана Жогорку сот атайын кызматтын бул айыптоосунан кийин сот бийлиги тартип коргоо органдарынын болуп көрбөгөндөй басымына кабылып жатканын айтууда. Судьялар кеңеши Улуттук коопсуздук боюнча мамлекеттик комитеттин (УКМК) төрагасы Камчыбек Ташиевдин 24-декабрда басма сөз жыйынында «Жогорку соттун төрайымы кармалат... Читать дальше...

28-декабрда Кыргызстандын көпчүлүк аймактарында кар жаайт. Жолдор тайгалак болот. Ойдуң жерлерди туман каптайт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй,Талас облустарында түнкүсүн -5...-10, күндүз -3...+2; Ысык-Көл дубанында түнкүсүн -4...-9, күндүз -2...+3; Баткен, Ош, Жалал-Абад облустарында түнкүсүн -3...-8, күндүз -1...+4; Нарын облусунда түнкүсүн -20...-15, күндүз -12...-7; Бийик тоолуу райондордо түнкүсүн -30га чейин түшөт, күндүз... Читать дальше...

Армениянын премьер-министри Никол Пашинян өлкөдөгү саясий күчтөргө 2021-жылы кезексиз парламенттик шайлоо өткөрүүнү сунуш кылды. Бул тууралуу өкмөт башчы «Фейсбук» баракчасына жазды. «Эл чечсе, премьерлик кызматтан кетүүгө даярмын. Кызматтан жалпы элдин чечими менен гана кете алам. Мындай кыйын кырдаалда эл ишеним артса, Арменияны жетектөөнү улантууга даярмын. Бул суроолорго жооп алуунун жалгыз жолу – кезексиз парламенттик шайлоо өткөрүү», - деп  Пашинян жазды. Премьердин сөзүнө караганда,... Читать дальше...

27-декабрда Пакистандын Кытайга жакын бийик тоолуу чек ара аймагында аскердик тик учак кыйроого учурап, андагы төрт жоокер набыт болду. Тик учак Гилгит-Балтистан аймагында мурдараак кар көчкүгө калып өлгөн жоокердин сөөгүн алып чыгуу аракетин жасап жатканда, “техникалык себептерден улам” кыйроого учураганы аскердик басма сөз өкүлү тарабынан маалымдалды. Жыл башынан бери Пакистанда бир нече учак кырсыкка учураган. Февралда Пенжаб вилайетинде аскердик машыгуу маалында “Мираж” учагы кыйраган.... Читать дальше...

Таанымал кыргыз журналисти Бейшенбек Бекешов 27-декабрда жүрөгү кармап, мезгилсиз дүйнөдөн кайтканы тууралуу кабарды кыргызстандыктар терең кайгыруу менен кабыл алышты.

Жол кыймылынын коопсуздугун камсыздоо кызматынын Чүй облустук башкармалыгынын башчысы Шаирбек Бопонов 26-декабрда Улуттук коопсуздук боюнча мамлекеттик комитети тарабынан кармалды. Баштапкы маалыматтар боюнча, ал коррупция боюнча сотко чейинки өндүрүшкө алынган иштин алкагында суракка чакырылып, андан кийин кармалган. Бопоновдун кармалганы тууралуу УКМК расмий кабарлай элек. ИИМдин басма сөз кызматы бул маалыматты ырастады.(ZKo)

Журналист Бейшенбек Бекешов 27-декабрда, саат 12:30 чамасында жүрөгү кармап каза болгонун жакындары “Азаттыкка” билдиришти. Бейшенбек Бекешов 61 жашта эле. Жакындарынын айтуусунда, маркумдун сөөгү өзү туулуп-өскөн Ысык-Көл облусуна караштуу Түп районундагы Балбай айылында жерге берилет. Бейшенбек Бекешов кыргыз журналистикасында аты таанымал, КТРК, ЭлТР телеканалдарында жетекчилик кызматтарда иштеген. 1990-жылдары ал КТРдеги “Коломто” автордук программасы аркылуу көпчүлүккө таанылган.  Тасма. Читать дальше...

Европа Биримдигине мүчө өлкөлөр 27-декабрда коронавируска каршы эмдөө программасын орток баштады. Дүйнө жүзүндө 1,7 миллион кишинин өмүрүн алган бул алааматтуу пандемияны ооздуктоонун чарасы катары эмдөө иштери башка айрым өлкөлөрдө буга чейин эле башталган. Европада оболу карыялардын үйлөрүнө (интернаттарына) вакциналар жеткирилүүдө. Европа Биримдиги 2021-жылдын ичинде бардык эрезеге жеткендерди эмдеп чыгуу максатын көздөп жатат.       Ошол эле учурда бул ынтымакка кирген бардык өлкөлөргө бирдей мамиле кылуу аракети жасалмакчы.

Жогорку соттун басма сөз кызматы бүгүн, 27-декабрда билдирүү таратты. Анда: “Бүгүн биз баарыбыз сотторго негизсиз басым жасалып жатканына күбө болуп атабыз. Сот системасында көйгөйлөр бар экенин танбайбыз, аларды оңдоп, соттордун аброюна шек келтиргендерден арылуу иштери жүрүп жатат”, деп жазылган. Билдирүүдө ошондой эле жакында vb.kg сайтына жарыяланган макала тууралуу да сөз болуп, анда айтылган соттук териштирүүлөргө мыйзам боюнча чечимдер чыгарылганы тууралуу жазылган. Ошондой эле айрым журналисттерди иштин чоо-жайын билбестен... Читать дальше...

Жаңы команданын жетекчилиги оюндагы стандарттык абалды тебүүдө Бахтияр Дүйшөбековго көбүрөөк укук беришкен.

Учурда Орусияда жашап жаткан, АКШнын Улуттук коопсуздук агенттигинин мурдагы кызматкери Эдвард Сноудендин ымыркай уулу менен түшкөн сүрөтүн анын жубайы Линдси Миллс 26-декабрда Интернетке жарыялады. Сноудендин орусиялык адвокаты Анатолий Кучерена жубайлар уулдуу болушканын журналисттерге ырастады. Анын айтуусунда, "ымыркайдын жана энесинин абалы мыкты". Декабрдын башында адвокат Эдвард Сноуден (Edward Joseph Snowden) АКШ паспортун да сактап калып, убактылуу орус паспортун алууну чечкенин маалымдаган. Читать дальше...

Орусия өкмөтү мамлекеттик сатып алууларда чет өлкөлүк беткаптарды импорттоого убактылуу тыюу салды. Бул чечим келерки жылдын аягына чейин күчүндө болот. Өнөр жай жана соода министрлиги чет өлкөлөрдөн беткаптарды импорттоону тыюуну 2-ноябрда сунуштаган. Бул жергиликтүү тигүүчүлөрдү колдоо максатында деп түшүндүрүлгөн. Быйыл жазында COVID-19 илдети күч алган учурда Орусиянын аймактарында беткап таңкыстыгы байкалган. Москвада жетишсиздик оору алгач башталган февралда эле катталган. Мунун шартында беткаптын баасы эселеп көтөрүлгөн. Читать дальше...

Жарандык активисттер жекшемби сайын өткөрүп келе жаткан «Мыйзамдуулук үчүн тынчтык жүрүшү» бүгүн, 27-декабрда да уланды. Жүрүш мурдагыдай эле темир жол бекетинен башталып, Эркиндик гүлбагында митинг менен аяктады. Сегиз жумадан бери жекшемби сайын уланып жаткан жүрүш “Бийликти узурпациялоого жана мыйзамсыздыкка каршыбыз!” деген ураан менен өтүп жатат.  Иш-чаранын демилгечиси – “Баштан башта” коомдук уюму. 4-октябрдагы кезектеги парламенттик шайлоодон кийинки нааразылыктан улам өлкөдө бийлик алмашкан. Читать дальше...

КРдин өкмөтүнө караштуу Жаштар иши, дене тарбия жана спорт боюнча мамлекеттик агенттигинин директору Канат Шабданбаев кыргызстандык спортчулар 2021-жылы Токиодо өтө турган олимпиадада 13 спорттун түрү боюнча 21 лицензия алуу пландалып жаткандыгын айтты.

2020-жылы аялдардын абалы кубана тургандай болгон жок. Жыл кайгылуу окуялар менен башталып, акыйкаттыкка жетпей жаткан, зордукталган 13 жаштагы кыздын маселеси менен жыйынтыкталууда. “Эже-сиңдилер” берүүсүндө кыз-келиндердин укугуна байланыштуу урунттуу окуяларды эстеп, кийинки жылга багыттарды аныктайбыз.

Жаңы жылды утурлай Айыл чарба, тамак-аш жана мелиорация министрлиги Бишкекте азык-түлүк жармаңкесин уюштурду. Министрлик жармаңкеде баалар арзан болорун убада кылган. Жармаңкени айыл чарба министри Тилек Токтогазиев ачты. Жармаңкеге барган кардарлардын айтуусунда, эт 390-400 сомдун айланасында сатылды.

10-январга дайындалган референдумда Кыргызстандын башкаруу формасын аныктоого карата “каршы” жана “үгүт” топтору катталды. Борбордук шайлоо комиссиясынын (БШК) маалымдашынча, жалы 13 үгүт тобу катталды. Анын ичинде президенттик башкаруу формасы үчүн “макул” деп үгүттөөчү 8, президенттик башкаруу формасына “каршы” – 1, парламенттик башкаруу формасы үчүн “макул” деп үгүттөөчү 2, бардык варианттарга каршы 2 үгүт тобу бар. Парламенттик башкаруу үчүн «макул» үгүт тобун Жогорку Кеңештин депутаты Дастан Бекешев жетектейт. Читать дальше...