Новости за 20.12.2020

Дүйнөлүк саламаттык сактоо уюму Британияда коронавирустун азыркыдан да жугуштуу болгон жаңы түрү табылганы тууралуу маалыматтарга расмий комментарий берди. Маалыматка караганда, Британиядан башка мамлекеттерде коронавирустун жаңы түрү менен он бир учур катталды. "Инфекциянын жайылышы интенсивдүү болуп, кеңири тарап жаткан Европа мамлекеттери көзөмөл жана алдын алуу чараларын күчөтүшү керек" деп айтылат уюмдун билдирүүсүндө. Вирустун мутацияланган түрү менен Данияда тогуз, Нидерланд менен Австралияда бирден учур катталды. Читать дальше...

АКШда республикачыл жана демократ эки сенатор кызматтык мөөнөтү аяктап жаткан президент Дональд Трамптын администрациясын өлкөнүн мамлекеттик мекемелерин бутага алган масштабдуу киберчабуулга жооп кайтарууга чакырышты. Республикачыл сенатор, партиядагы президентти ачык сындаган саналуу саясатчылардын бири Митт Ромни киберчабуулду кооптуу деп атап, Орусия тууралуу кеп козголгондо Трампта "сокурдук" пайда болот деп сындады. Ал эми сенаттагы демократтардын бири, Чалгын боюнча комитеттин мүчөсү... Читать дальше...

1917-жылы айтылуу Октябрь революциясынын натыйжасында Совет өкмөтүн негиздеген Владимир Ленинге 1920-жылы кыргыз элинин атынан кат жиберилгенинен бери 100 жыл өткөнүн изилдөөчү Асел Даниярова эске салат.

Жалал-Абад облусунда акыркы он бир айдын жыйынтыгында кыз ала качуу боюнча катталган 19 фактынын дээрлик баары тергөөдөн кыскартылды. Облустук милициянын басма сөз катчысы Шеркул Тургунбаев "Азаттыкка" билдиргендей, буга  ала качууга туш болгон кыздардын "эч кандай дообуз" жок деген көрсөтмөлөрү негиз болгон.    Тургунбаевдин айтымында, көп учурда ала качууга дуушар болгон кыздардын ата-энелери милицияга арыз менен кайрылышкан. Текшерүү учурунда кыздар өз ыктыяры менен турмушка чыгып жатканын билдиргендиктен... Читать дальше...

Коронавирустун жаңы штаммы же түрү Европа өлкөлөрүн бушайманга салып жатат. Улуу Британиянын баш калаасы Лондондо жана өлкөнүн түштүк-чыгышындагы аймактарда дал ушул жаңы козгогучтан улам кайрадан катуу чектөөлөр киргизилди.

Маданият, маалымат жана туризм министрлиги билдиргендей, КМШ мамлекеттеринин кинофоруму 21-25-декабрда Бишкекте өтөт.   Иш-чара жыл сайын уюштурулуп келет.  Аны өткөрүүгө КМШнын Мамлекеттер аралык гуманитардык кызматташтык фонду, Кыргызстандын Маданият, маалымат жана туризм министрлиги, жогорку окуу жайлар жана коомдук уюмдар каржылык колдоо көрсөтөт.  Бүгүн уюштуруучулар кинофорум тууралуу басма сөз жыйын өткөрүшөт. Саамалыктын расмий ачылышы 22-декабрда  «Ала-Тоо» кинотеатрында болот.  Казакстандык... Читать дальше...

Президенттин милдетин аткарып жаткан спикер Талант Мамытов 20-декабрда Жалал-Абад облусунун Ноокен районунун тургундары менен жолугушууда быйылкы парламенттик шайлоо таза өтпөгөнүн кеп кылды.   Бул тууралуу президенттин басма сөз кызматы тараткан маалыматта айтылат. Кабарга караганда, жолугушууда өлкөдөгү коомдук-саясий кырдаал, республиканын социалдык-экономикалык абалы боюнча сөз болду. Мамытов быйыл 6-7-октябрда өлкөдө элдик толкундоолор болуп, анын натыйжасында бийлик тынчтык жолу менен алмашканын эске салды. Читать дальше...

Нарындагы Жетим-Тоо темир кенин коргоо кыймылы түзүлүп, ага жүздөгөн жарандар киргенин активист Тилекмат Кудайбергенов 20-декабрда "Азаттыкка" билдирди. Ал өзү кыймылдын төрагасы болуп шайланганын кошумчалады. Кудайбергеновдун айтымында, аталган кыймыл Жетим-Тоону чет элдик ишкерлерге колдонууга бербөөнү жана экологияны сактоону талап кылат. Активисттер ушул күндөрү Нарынга барып, жергиликтүү эл менен жолугушуп келген. Бир нече кишиден турган топ 18-декабрда Бишкектеги Ала-Тоо аянтында Жетим-Тоого байланыштуу акция да өткөрүшкөн. Читать дальше...

Пеле Мессинин бүтүндөй карьерасында бир клуб үчүн ойноп, ага берилгендигин жогору баалай турганын билдирген.

Коронавирус пандемиясына байланыштуу чектөөлөргө карабай Европанын түштүк-чыгышындагы Словения менен Хорватиянын, Венгрия менен Сербиянын чек арасында автоунаалардын узун кезеги пайда болду. "Associated Press" агенттиги муну Рождество жана жаңы жылдын алдында каникулдарга байланыштырды. Маалыматка ылайык, Түркиянын, Македониянын, Косовонун жана Босниянын көптөгөн жарандары Батыш Европа өлкөлөрүндө иштешет. Алар майрамдардын алдында мекенине кайтышат. Хорватиянын HRT телеканалы 19-декабрда хорват-босния... Читать дальше...

Беларустун борбору Минск баштаган бир нече шаарда бийликке каршы жүрүштөр жекшембиде (20-декабрда) улантылды. Бул ирет “Элдик трибуналдын жүрүшү” деп аталган нааразылык чарасы Минскинин бир нече районунда өттү. Колдоруна ак-кызыл түстөгү желектерди кармаган адамдар бир нече чакан топко бөлүнүп, Александр Лукашенконун бийликтен кетишин талап кылды. Өлкөдөгү укук коргоочулар 20-декабрдагы жүрүш учурунда бир нече адамды милиция кармаганын кабарлоодо. Беларуста быйыл август айындагы президенттик... Читать дальше...

Президенттин милдетин аткарып жаткан спикер Талант Мамытов 20-декабрда Маданият-Жалал-Абад жолунун курулушу менен таанышты. Президенттин басма сөз кызматы билдиргендей, учурда Мамытов Жалал-Абад облусунда иш-сапар менен жүрөт.   Мамытов жол курулушу менен таанышкан учурда транспорт жана жолдор министри Бакыт Бердалиев  2020-жылдын ичинде планга киргизилген бардык иш аткарылганын билдирди. Анын айтымында, быйыл жол курулушундагы казуу иштерин 78% бүткөрүү, 15 чакырымга асфальт-бетон төшөө жана... Читать дальше...

Босния менен Герцеговинанын түштүгүндөгү этностук жактан жиктелген Мостар шаарында 12 жылдан бери алгач жергиликтүү шайлоо өтүп жатат. Шаардык кеңештин 35 мүчөсү жаңы эрежелерге ылайык шайланат. Мындан соң шаардык кеңештин мүчөлөрү калаанын башчысынын шайлашат. Мостардагы добушканалар жергиликтүү убакыт боюнча эртең мененки саат 07.00дө ачылып, саат 19.00гө чейин иштейт. Шайлоонун алдында Босния менен Герцеговинада коронавируска байланыштуу кырдаал кескин начарлап кетти. Өлкөнүн саламаттык сактоо органдарынын маалыматы боюнча... Читать дальше...

19-декабрда Токмок шаарын айланып өткөн жолдогу кырсыкта сегиз киши каза болду. Дагы үч адам ооруканага түштү. Бул окуя жол коопсуздук темасын кайрадан күн тартибине чыгарды. Сегиз кишинин өмүрүн алган жол кырсыгы Бишкек – Торугарт жолунун 66-чакырымында, Токмок шаарынын тушунда түнкү саат 10 чамасында болгон. Жол коопсуздугун көзөмөлдөө кызматынын маалыматына караганда, «Фольксваген» үлгүсүндөгү автоунаанын айдоочусу жолдун ортосундагы тосмого карабай, каршы тилкеге чыгып айдап, «KIA К5» үлгүсүндөгү машине менен кагылышкан. Читать дальше...

Дүйнөлүк басма сөзгө баяндама. 14-19-декабрь, 2020-жыл.

Бишкек-Торугарт автожолунун 66-чакырымында катталып, сегиз адамдын өмүрүн алган жол кырсыгы боюнча сотко чейинки териштирүү иштери башталды.  Кырсыктан каза болгондордун, жаракат алгандардын жана айдоочулардын аты-жөнү, жашаган жерлери такталууда. Бул тууралуу  Чүй облустук Жол коопсуздугун көзөмөлдөө кызматынын маалымат катчысы Тилек Исаев билдирди. Анын айтымында, жол кырсыгы 19-декабрдын түнү саат 22.00 чамасы катталган. «Фольксваген» үлгүсүндөгү автоунаанын айдоочусу жол ортосундагы тосмого карабай... Читать дальше...

Абройлуу Goal.com басылмасы голду 2021-жылдагы ФИФАнын версиясы боюнча жылдын эң кооз голу сыйлыгына башкы талапкер деп атаган.

Ооганстандын борбору Кабулдагы жарылуудан кеминде тогуз киши набыт болду. Өлкө бийлигинин маалыматына караганда, жекшембиде, 20-декабрда,  парламент депутаты Хан Мухаммад Вардакка кол салуу болгон. Депутаттын автоунаасы камтылган колонна Кабулдун Хушал Хан районунан өтүп баратканда автоунаа жардырылып, андан жол боюндагы машинелер, имарат жана дүкөндөр да катуу зыян тарткан. Жарылуудан 20дай киши, анын ичинде депутат жаракат алган. Ооганстандын ички иштер министри Масуд Андараби депутаттын абалы түзүк экенин журналисттерге билдирди. Читать дальше...

АКШнын шайланган президенти Жо Байден өзүнүн болочокку өкмөтүнүн айлана-чөйрөнү коргоо жана отун-кубат тармагындагы мүчөлөрүн тааныштырды жана алар климаттык өзгөрүү көйгөйлөрүн чечүүдө олуттуу шериктерден болоорун айтты. 19-декабрда Делавер штатынын Уилмингтон шаарында сүйлөп жатып, Жо Байден климаттык өзгөрүү жана айлана-чөйрөнү коргоо маселелерин чечүү өз өкмөтүнүн негизги милдеттерине жата тургандыгын баса белгиледи. “Калайык, биз азыр кризиске кептелип турабыз. Азыр COVID-19 илдетине каршы... Читать дальше...

Кыргызстандагы экономиканын абалы, бажыдагы коррупция, бизнеске криминалдын таасири жөнүндө суроолорго премьер-министрдин милдетин аткаруучу Артём Новиков жооп берди.

Кыргызстандагы экономиканын абалы, бажыдагы коррупция, бизнеске криминалдын таасири жөнүндө суроолорго премьер-министрдин милдетин аткаруучу Артём Новиков жооп берди.

АКШнын кызматтык мөөнөтү аяктап бара жаткан президенти Дональд Трамптын администрациясы Орусиянын аймактарында жайгашкан бардык башкы консулдуктарды жабуу тууралуу чечим кабыл алды.  Консулдуктар жабылса Американын Москвадагы элчилиги жападан-жалгыз дипломатиялык өкүлчүлүк катары калат.   "Associated Press" агенттиги АКШнын Мамлекеттик департаменти Владивосток менен Екатеринбургдагы консулдуктардын ишин токтотуу ниети тууралуу конгрессти 10-декабрда кабардар кылганын эске салды. Кийинчерээк бул... Читать дальше...

«Чек арасыз репортёрлор» эл аралык уюму көз карандысыз Turkmen.news басылмасынын кабарчысы Нургелды Халыковду камактан бошотууга Түркмөнстанды чакырды.  "Азаттыктын" түркмөн кызматы билдиргендей, Халыков былтыр жайында коронавирус боюнча абалды баалоо үчүн Түркмөнстанга келген Дүйнөлүк саламаттык сактоо уюмунун миссиясынын сүрөтүн тараткандан кийин камакка алынган.  Маалыматка караганда, быйыл июлда Халыков сүрөттү "Инстаграмдан" көрүп калып, Turkmen.news сайтына жиберген. Ошондон кийин сүрөттү жарыялаган автор аны өчүрүп салган... Читать дальше...

Кышкы туристтик сезондун расмий ачылышы 19-декабрда Бишкектин четиндеги Чуңкурчак тоо-лыжа комплексинде өттү. Ага маданият, маалымат жана туризм министри Нуржигит Кадырбеков, Казакстан, Орусия, Тажикстан жана Венгриянын Кыргызстандагы элчиликтеринин өкүлдөрү жана башка эс алуучулар катышты. Кышкы туристтик сезонду ачып жатып министр Нуржигит Кадырбеков элди Кыргызстандагы туризмге салым кошууга чакырды. Иш-чара оюн-зоок, концерттик программалар менен коштолду. (NT)

Бишкек–Торугарт авто жолунун 66-чакырымында, Токмок шаарында 19-декабрдын түнү болгон кырсыктан сегиз кишинин өмүрү кыйылды. Азыр эки киши ар кандай жаракат менен ооруканада жатат. Чүй облустук Жол коопсуздугун көзөмөлдөө кызматынын маалыматына караганда, жол кырсыгы түнкү саат 22.00 чамасы катталган. «Фольксваген» үлгүсүндөгү автоунаанын айдоочусу жол ортосундагы тосмого карабай, каршы тилкеге чыгып айдап, жеңил машине менен кагылышканы кабарланды. Жол кырсыгынан кийин тартылып, Интернетте... Читать дальше...