Новости за 26.12.2020

26-декабрда Түркиянын Анталия шаарында 23 жаштагы кыргызстандык Р.К.нын өлүмү боюнча Анталия шаардык прокуратурасы тергөө ишин баштаганын кабарлады. Бул тууралуу жергиликтүү "Демирөрен" кабар агенттиги жана башка кабар агенттиктери маалымат таратты. Анда Анталия шаарынын Муратпаша районунун тургуну, түрк жараны Е.О. полицияга чалып, чогуу жашап жүргөн сүйлөшкөн кызы кыргызстандык Р.К.нын эртең менен каза болуп калганын кабарлаган. Окуя болгон жерге келген тез жардам кызматкерлери кыргызстандык кыздын каза болгонун айтышкан. Читать дальше...

Сүрөтчү, керамист, дизайнер Замир Илипов «Манас» эпосу «Сүрөттүү Манас» деген аталышта комикс вариантында чыккан китептин сүрөттөрүн, «Беш берен», “Манастын келиши”, «Сейтек» аттуу композицияларын жараткан.

Жыл жыйынтыгы чыгарылып жатканда, 2021-жылга да сереп сала кетели. Коронавируска каршы күрөш маалында айрым жаңы технологиялык демилгелер күтүлгөндөн да тездеп жүзөгө ашырылмакчы. Алардын оош-кыйыш жактары барбы?

Шайлоо өнөктүгү маалында ак-караны элебеген жапатырмак жинденүүгө (психозго) батуу – улут болочогуна кедергисин гана тийгизет. Журналист Аким Кожоевдин кезектеги блогу.

Бул тууралуу Орусиянын Тышкы чалгын кызматынын пресс-бюросунун төрагасы Сергей Иванов 26-декабрда ТАСС агенттигине билдирди. Георгий Бехтер 11-ноябрда туулган күнүн белгилеген. Тыңчы 1922-жылы 11-ноябрда Роттердамда туулган. Британиянын Mи-6 чалгын кызматында Жорж Блейк деген ысым менен иштеген. Түндүк Кореяда туткунга түшкөндөн кийин, Советтер союзу тарапка өткөн. 20 жылдан ашуун убакта эки тарапка тең тыңчы болуп иштеп, Москвага Британия тууралуу маалыматтарды берип турган. Блейк саткынчылыгы... Читать дальше...

Кыргызстан Сирия менен Иракта калып кеткен кыз-келиндерди жана балдарды алып келүү аракетин көрүп жатканы менен аны ишке ашыра элек. Балдардын ата-энелери менен жакындары бул боюнча бийликтен байма-бай жардам сурап жатышат. Ал арада Сирияга кеткен аялын жана эки кызын алты жыл күткөн Рамаз Сариев 13-декабрда инфаркт оорусунан каза болду.

27-декабрда Кыргызстандын көпчүлүк аймактарында кар жаайт. Жолдор тоңголок, тайгак болот. Батыштан соккон шамалдын ыламдыгы 4-9 м/с болот. Абанын температурасы: Чүй өрөөнүндө түнкүсүн -7…-12, күндүз -4…+1; Талас облусунда түнкүсүн -4…-9, күндүз 1…6; Баткен, Ош, Жалал-Абад облустарында түнкүсүн -1…-6, күндүз 2…7; Ысык-Көлдө түнкүсүн -3…-8, күндүз -2…+3; - Нарын облусунда түнкүсүн -13…-18, күндүз -6…-11 градус суук болот. Бишкек шаарында 27-декабрда түнкүсүн кар жаайт. Батыштан соккон... Читать дальше...

Чет элдиктер Түркияга кирүү үчүн ПЦР-тесттин жыйынтыгын көргөзүшү керек. Бул тууралуу Түркиянын саламаттык сактоо министри Фахреттин Кожа маалымат берди. "28-декабрдан баштап авиакаттам аркылуу, 30-декабрдан тарта автоунаа аркылуу чет өлкө жарандарынын Түркияга болгон сапары учурунда, акыркы 72 саат ичинде коронавирус жок экендигин тастыктаган ПЦР-тестинин жыйынтыгын көрсөтүү зарыл. Эгер анализ тапшырбай келсе, обсервацияга алынат. Бул чечим 2021-жылдын 1-мартына чейин уланат", - деп кабарлады министр Кожа. Читать дальше...

Жалал-Абад санаториясынын жетекчилик кызматы кайрадан талашка түштү. Аталган жайга убактылуу жетекчи катары келген Эгемберди Айтиевди андагы кызматкерлер кабыл алган жок. Алар учурдагы жетекчини иштен алуу жана жаңысын дайындоо мыйзамсыз болгонун айтышууда. Ал ортодо бул фактыны милиция Кылмыштардын жана жоруктардын бирдиктүү реестрине, имаратты өз алдынча басып же ээлеп алуу беренеси менен каттоого алып, териштирүү жүргүзө баштады.

Орусиянын Саламаттык сактоо министрлиги коронавируска каршы "Спутник V" вакцинасы менен 60 жаштан жогору курактагы адамдарды эмдөөгө уруксат берди. Бул тууралуу саламаттык сактоо министри Михаил Мурашко билдирди. Министрдин бекемдешинче, Орусияда аталган вакцина менен кеңири масштабда эмдөө башталды. Тобокел тобундагы адамдарды эмдөө Москва шаарында 5-декабрдан тарта башталган. Саламаттык сактоо министрлиги жыл аягына чейин өлкөнүн аймактарына 500 миңден ашуун вакцина жибериле турганын маалымдаган. Читать дальше...

Казакстандын мурдагы президенти Нурсултан Назарбаевдин жакындары дүйнөнүн кеминде алты өлкөсүндө 785 миллион долларлык кымбат баалуу мүлк сатып алган. Бул тууралуу «Азаттыктын» казак кызматы жасаган жаңы иликтөөдө айтылат. Иликтөөдө Назарбаевдин туугандары, кыздары жана неберелери ишке ашырган бардык инвестиция жана кыймылсыз мүлк тууралуу маалымат бербесе да, бул байлыктын масштабын көрсөтүп, аны документалдуу түрдө далилдөөнүн алгачкы аракети болду.

Жеңиш Абидовду 26-декабрда облустук милициянын жамаатына ички иштер министринин биринчи орун басары Сүйүнбек Өмүрзаков тааныштырды. Абидов буга чейин Бишкектин Ленин райондук ички иштер бөлүмүн, Чүй облусунун Панфилов райондук милициясын жетектеген кызматтарда иштеген. Бул тууралуу Ош ОИИБнин басма сөз катчысы Жеңиш Аширбаев “Азаттык” радиосуна билдирди. Анын айтымында, мурдагы жетекчи Малик Нурдинов ден соолугуна байланыштуу, өз арызынын негизинде кызматтан кетти. Малик Нурдинов 24-декабрда... Читать дальше...

Улуттук коопсуздук боюнча мамлекеттик комитети тараткан маалыматка ылайык, бажы тармагындагы коррупциялык иштерден улам, мамлекетке кайтарылган батирлер коопсуздук кызматкерлерине берилбейт. Бул мүлктөрдүн баары мамлекеттин эсебине кайтарылат. Бишкекте өткөн 24-декабрдагы басма сөз жыйынында мекеменин төрагасы Камчыбек Ташиев Мамлекеттик бажы кызматынын башчысынын мурдагы орун басары Райымбек Матраимов мамлекетке өткөрүп берген тогуз батирдин сегизи Улуттук коопсуздук боюнча мамлекеттик комитеттин... Читать дальше...

2020-жылы дүйнөдөгү католик жана протестант христиандар өздөрүнүн ыйык майрамы болгон Ыйсанын туулган күнүн коронавирустун алааматы жаатындагы санааркоолор менен кошул-ташыл белгилешти. Көп өлкөлөрдө үй-бүлөлөр демейдегиден аз санда чогулушту, сыйынуулар онлайн кырдаалда жүргүзүлгөн учурлар арбын болду. Рим папасы Франциск (бул кызматка чейинки ысымы – Хорхе Марио Бергольо) салттуу сыйынуу жөрөлгөсү маалында мүшкүлдүн бардыгынын артта калышы жана ынтымак үчүн табынганы маалымдалды. Ал өзүнүн Ватикандагы... Читать дальше...

«Коопсуз шаар» долбооруна байланыштуу алешемдиктердин улам жаңы өңүттөрү ачыкка чыгууда.

Башкы прокуратура “Манас” аэропорту сатып алууларды ишке ашырууда мамлекетке ири өлчөмдө зыян келтиргенин аныктады. Мекеменин басма сөз кызматы кабарлагандай, мында аэропорт жетекчилиги чет элдик ишкана менен келишип алып, өлкө бюджетине 65 млн. сом зыян келтирген. Маалыматка ылайык, жетекчилик 2018-2020-жылдары 16 сынакка төрт чет элдик компаниянын негиздөөчүсү А.Ш. аттуу жаран менен жеке кызыкчылыктын негизинде мыйзамсыз келишимдерин түзгөн. Мунун негизинде аэропортко 430 млн. 617 миң 935 сомдук атайын жабдуулар сатылып алынган. Читать дальше...

Ош облустук ички иштер башкармалыгынын (ОИИБ) башчысы Малик Нурдинов ден соолугуна байланыштуу кызматтан кетүү үчүн арыз жазды. Бул маалыматты облустук милициянын басма сөз катчысы Жеңишбек Аширбаев “Азаттыкка” ырастады. Анын айтымында, Нурдинов кызматтан кетүү жөнүндө арызын 24-декабрда жазган: «Бир айдан бери амбулатордук дарыланууга барып жаткан. Дарыгерлер убагында дарылануу керектигин айтышыптыр. Ошондуктан арыз жазды», - деди Аширбаев. Малик Нурдинов Ош ОИИБне жетекчи болуп 2018-жылы май айында дайындалган. Читать дальше...

25-декабрда КМШ өлкөлөрүнүн VIII "Үмүт"кинофорумунун жеңүүчүлөрү сыйланды. Бул туралуу маданият, маалымат жана туризм министринин басма сөз катчысы Айнура Асанбаева билдирди. Улуттук сынактын жеңүүчүлөрү: - Эң мыкты тасма үчүн сыйлык Чыңгыз Самудин уулу тарткан "Кыял" тасмасына; - Мыкты режиссура үчүн сыйлык "Кат" тасмасын койгону үчүн Алымбек кызы Айзадага; - Калыстар тобунун атайын сыйлыгы режиссер Чыңгыз Сулумбековдун "Күн карама" тасмасына; - Калыстар тобу тарабынан өзгөчө бааланган... Читать дальше...

Улуттук коопсуздук боюнча мамлекеттик комитети (УКМК) Жогорку соттун жана Соттор кеңешинин билдирүүсүнө жооп кайтарды. Анда УКМК тарабынан Жогорку соттун жетекчилерине “Жергиликтүү сот” автоматтык маалымат системасын иштеп чыгуудагы коррупция үчүн сотко чейинки өндүрүш жүрүп жатканы кабарланган.  “Тергөө учурунда бул ишке Жогорку соттун төрайымы Гүлбара Калиеванын тиешеси бар  экени тууралуу айныксыз далилдер алынды. Аскер прокуратурасына Соттор кеңешинин Тартип комиссиясына Жогорку соттун төрайымы... Читать дальше...

Коронавируска каршы республикалык ыкчам штабдын 26-декабрга карата берген маалыматы боюнча, акыркы суткада илдеттен төрт киши көз жумду. Алардын баары Бишкекте катталды. 26-декабрга карата коронавирус дагы 157 адамдан жаңы аныкталды. Басымдуу бөлүгү Бишкек шаары (60) менен Чүй облусунда (27). Ош шаарында алты, Ысык-Көл облусунда 20, Баткен облусунда төрт, Жалал-Абад облусунда 10, Ош облусунда 20, Талас жана Нарында бештен киши ооруга чалдыккан. Кыргызстанда коронавирус алгач катталган март айынан... Читать дальше...

Көйкашка кыргыз тарыхчысы, академик Бегимаалы Жамгырчиновдун өмүр жолу сыдыргыга салынгандай жеңил болгон эмес. Ал да совет доорунда тар жол, тайгак кечүүлөрдөн өтүүгө мажбур болгон. Б.Орунбековдун блогу.