Новости за 30.12.2020

Улуу Британиянын парламентинин Өкүлдөр палатасы  Евробиримдик менен соода келишимин жактырды.  Документти 521 депутат колдоп, 73ү каршы добуш берди. Ага чейин премьер-министр Борис Жонсон парламентке кайрылып, соода келишимин колдоо менен «өлкө тарыхындагы жаңы бөлүмдү ачууга» парламентарийлерди чакырган. Жонсон Британия Евробиримдиктин эң жакын өнөктөшү бойдон калат деп белгилеген. Британ парламентинин Өкүлдөр палатасы келишимди  жактыргандан кийин документ Лорддор палатасына жөнөтүлдү. ... Читать дальше...

Нарын шаарындагы «Насип майыптар коомдук бирикмесинин» жетекчиси Замира Абдраева жана дагы эки мүмкүнчүлүгү чектелген адам Нарын шаарынын Москва кичи районунда курулган он батирлүү муниципалдык турак жайды менчиктештирип берүүнү талап кылып жатат. Алар жууркан-төшөктөрүн алып барып, шаардык мэриянын имаратына түнөй турганын билдиришти. Ушундай эле талапка кошулган  башка кишилер үйлөрүнө кеткени кабарланды. Нарын шаарынын мэри Нурбек Молдокадыров майыптар коомунун мүчөлөрүн 30-декабрда эртең менен кабыл алып... Читать дальше...

«Азаттыктын» 2х1 форматындагы эксклюзив интервьюсунун кезектеги коногу - Жогорку соттун төрайымы Гүлбара Калиева. Ал журналисттердин сот бийлигинин бүгүнкү абалына, өзүнө карата козголгон кылмыш ишке, саясий буйруктар менен куугунтуктарга соттун мамилеси тууралуу суроолоруна жооп берди.

Иран жыл башында атып түшүрүлгөн Украинанын учагында каза болгон 176 адамдын жакындарына 150 миң доллардан төлөп берет. Бул тууралуу Иран өкмөтүнүн 30-декабрда тараткан билдирүүсүндө айтылат. Бийлик тиешелүү каражатты бөлүү чечимин  кабыл алган. Украина эл аралык аба жолдору компаниясына таандык «Боинг» учагы быйыл 8-январда Тегерандан Киевге учуп чыккандан көп өтпөй кыйрап түшкөн.  Бортто Украинанын, Канаданын, Британиянын, Ооганстандын жана Ирандын жарандары болгон. Ирандын бийлиги учакты атып түшүргөнүн алгач моюнуна албай жатып... Читать дальше...

Йемендин түштүгүндөгү Аден шаарындагы аэропорттогу жардыруудан кеминде 13 адам каза болуп, ондогон киши жараат алды. Бул тууралуу Al Hadath басылмасы бийлик өкүлүнө шилтеме берип жазды. Чабуул өлкөнүн жаңы өкмөтүнүн мүчөлөрү Сауд Арабиясынан учуп келген маалда жасалган. Reuters агенттиги учак конгондон бир аз убакыт өткөндөн кийин аэропортто жардыруу орун алганын жазды. Саудия телеканалы көрсөткөн кадрларда жардыруудан соң бронетехника ок ачканын көрүүгө болот. Маалыматка караганда, чабуулдар... Читать дальше...

Кыргызстан менен Кытайдын чек арасындагы «Торугарт» жана «Эркечтам» өткөрмө бекеттери 2021-жылдын 1-январынан баштап убактылуу жабылат. Бул тууралуу Мамлекеттик чек ара кызматы кабарлады. Мекеме тараткан маалыматка караганда, Жаңы жыл майрамына карата эки посттун ишин убактылуу токтото туруу демилгесин Кытай тарап көтөрдү. «Торугарт» бекетинен автоунааларды өткөрүү 4-январда, «Эркечтамда» 2-январда жандандырылат. Мамлекеттик чек ара кызматы бул посттор Кытайдан Кыргызстанга товар ташуу үчүн гана иштеп жатканын кошумчалады. Читать дальше...

Башкы прокуратура Жогорку соттун төрайымы Калиева боюнча Тартип комиссиясына сунуштама берди. Буга чейин УКМКнын төрагасы Ташиев эгер комиссия макулдугун берсе Калиева камалаарын айткан. Орус бийлиги оппозициячыл саясатчы Алексей Навальныйга көз боёмочулук беренеси менен кылмыш ишин козгоду. Бүгүнкү чыгарылышта Беловодскийдеги балдар үйүнөн атайын репортаж сунуштайбыз.

Беларуста Александр Лукашенко символикалуу түрдө милициянын атайын багыттагы отрядынын (ОМОН) катарына кабыл алынды. Ага ыкчам отряддын мыктыларына берилчү кара берет (баш кийим) тапшырылды. Аны Минск ОМОНунун командари Дмитрий Балаба тапшырды. Лукашенко өзгөчө беретти алыш үчүн атайын сынак тапшырбаганын айтканы менен милиция кызматкерлерине ыраазычылыгын билдирди. Беларуста быйыл августтагы президенттик шайлоодон бери нааразылык акциялары токтобой жатат. Акцияга чыккандар өлкөдө калыс шайлоо өткөрүүнү... Читать дальше...

Өзгөн шаарында 27-декабрь күнү Жол коопсуздугун көзөмөлдөө башкармалыгынын кызматкерине кол көтөргөн жаранга карата сотко чейинки териштирүү башталды. Бул тууралуу Ош облустук милициясы кабарлады. Ош облустук ички иштер башкармалыгынын маалыматына караганда 27-декабрда Өзгөн шаарындагы Гагарин жана Манас көчөлөрүнүн кесилишинде айдоочу милиция кызматкеринин буйругуна баш ийбей, ага кол көтөргөн. Окуя боюнча райондук ички иштер бөлүмү Жазык кодексинин 355- беренеси («Бийлик өкүлүн коркутуу же... Читать дальше...

Абдылас Малдыбаев атындагы Кыргыз улуттук опера жана балет театрында 29-декабрда кыргыз элинин залкар акыны, драматург, котормочу Жоомарт Бөкөнбаевдин 110 жылдыгы жана Кыргыз ССРинин Эл акыны Тенти Адышеванын 100 жылдыгы белгиленди.

Москва райондук прокуратурасы Чүй облусуна караштуу Москва районунун Александровка айылында жайгашкан үч бала бакча мыйзамсыз менчиктештирилип кеткенин аныктаган. Башкы прокуратуранын басма сөз кызматы кабарлагандай, 1995-1997-жылдары Москва райондук акимчилигинин, Александровка айыл өкмөтүнүн жана «Дружба» айыл чарба өндүрүш кооперативинин кызматкерлери мамлекет башчысынын 1995-жылдын 16-февралындагы №37 жарлыгынын талаптарын бузуу менен, үч бала бакчаны менчикке чыгарышкан. Текшерүүнүн жыйынтыгында... Читать дальше...

Кыргыз өкмөтү Бишкек шаарынын тургуну, үчүнчү топтогу майып Нургүл Чыдыевага 50 миң сом жана жаңы жылга карата балдарына белек тапшырды. Бул тууралуу «Азаттыкка» Чыдыева өзү билдирди. «Келип акча, белектерин берип кетишти. «Азаттыктын» сюжетинен кийин акча которгондор көп болду», - деди Чыдыева. Эки баланын энеси ушул тапта ишсиз үйүндө отурат. Былтыр ал күнү-түнү иштеп, топтогон акчасына бир бутуна операция жасаткан. Быйыл пандемиядан улам пландалган экинчи операциясы, дарылануусу болбой калган. Читать дальше...

Башкы прокуратура Транспорт прокуратурасы менен кошо эл аралык аэропорттогу «Манас Менежмент Компани» ишканасынын жетекчилиги тарабынан чет өлкөлүк компанияга мыйзамсыз жеңилдик берип келгенин аныктады. Бул тууралуу башкы көзөмөл органынын басма сөз кызматы кабарлады. Маалыматта жазылгандай, «Манас Менежмент Компани» ишканасы менен чет өлкөлүк «Г.Э» компаниясынын ортосунда «Эл аралык каттамдарда жүк ташуу үчүн кызмат көрсөтүү жөнүндө» түзүлгөн келишим менен эл аралык каттамдарда учкан жүргүнчүлөрдүн... Читать дальше...

Президенттикке ат салышып жаткан айрым талапкерлер биригүү тууралуу меморандум кабыл алышты. Алар шайлоонун экинчи айлампасы болуп калса бир талапкерди колдоп чыгарын айтып жатышат. Айрым серепчилер талапкерлердин бул кадамын оппозициялык блок түзүү аракети катары баалашууда.

Коомдук телерадиокорпорациясынын (КТРК) Байкоочу кеңеши бүгүн, 30-декабрда жыйынга чогулуп, корпорациянын башкы директорлугуна Бактияр Алиевди шайлады. Кеңештин добуш берүүгө катышкан 15 мүчөсүнүн 11и Алиевди колдоп добуш берди. 4-октябрдагы парламенттик шайлоодон кийинки нааразылык өлкөдө бийликтин алмашуусуна алып келген. 6-октябрда КТРКны 2019-жылдын март айынан бери жетектеп келген Жайнак Үсөн уулу кызматын тапшырып берген. Анын ордуна жаңы жетекчиге сынак жарыяланган. Корпорациянын жетекчисинин... Читать дальше...

Белгилүү куудулдар Рахман Разыков менен Абдылда Иманкулов Ош шаарында өтүүчү концертинин жарнамасын ОшТВ телеканалы эфирге бербей койгонун айтып чыгышты.

Кытайдын соту Тайванга качууга аракет кылган гонконгдук он активистти жети айдан үч жылга чейин түрмөгө кести. Быйыл августта гонконгдук 12 активист моторлуу кайык менен Тайванга баратканда кармалган. Аларга карата «Чек арадан мыйзамсыз өтүү» беренеси боюнча кылмыш иши козголуп, тергөө башталганы эл аралык коомчулуктун көңүлүн буруп, сын-пикирлерге кабылган. АКШнын бийлиги активисттерди тезинен бошотууга чакырган. Ал эми Евробиримдик гонконгдуктарга карата калыс соттук жараян өтөрүнөн күмөн санаган. Читать дальше...

«Азаттыктын» чыгармачылык жамааты үчүн жаңы тажрыйба топтоого, жаңы идея табууга, изденүүгө жол ачты. Жаңы долбоорлор, жаңы дем иштөөгө түрттү. Алдыдагы түрмөктө жамааттын бир жыл ичиндеги иши тууралуу отчет бермекчибиз.

«Азаттык» эл ичинен чыккан мындай баатырлардын, жарандык коомдун эмгегин баалайт жана алардын ак дилден кылган ишин чагылдыргандан баш тартпайт.

«Азаттык» радиосунун кабарчысы Бактыгүл Чыныбаева коронавируска каршы күрөш учурунда элге көрсөткөн колдоосу үчүн Бишкек шаардык мэриясынын алкышына татыды. Бүгүн, 30-декабрда шаар башкармалыгында өткөн жыйында ага мэриянын ыраазычылык каты тапшырылды. Катта «COVID-19 пандемиясы учурунда активдүү жарандык позициясы жана шаардыктарга көрсөткөн колдоосу үчүн» деп жазылды. Ыраазычылык каттары бир катар башка журналисттерге жана активисттерге да тапшырылды. Кыргызстанда март айында башталган коронавирус... Читать дальше...

Румыниянын президенти Клаус Йоханнис 29-декабрда Молдовага иш сапары менен келди. Бул румын президентинин Молдовага жасаган соңку алты жылдан берки алгачкы иш сапары болуп калды. Молдованы буга чейин башкарган орусиячыл Игорь Додондун учурунда эң жакынкы кошуна менен мамиле салкындап кеткен. Анын ордуна өткөн аптада президенттик кызматка киришкен Мая Санду өз сөзүндө Румынияны стратегиялык өнөктөш деп атады жана Румыния менен табыгый, бордоштук мамиле жанданып жатканын белгиледи. "Бул күндөрү Молдованын ички да... Читать дальше...

Эл аралык спорттук уюм узап бара жаткан жылдын жыйынтыгын чыгарып, өткөрүлгөн мелдештердеги жагымдуу учурларды эскерет.

Орусиянын президенти Владимир Путин «Чет элдик агенттер» тууралуу мыйзамга толуктоолорду киргизген документке кол койду. 30-декабрда күчүнө кирген мыйзамда сырттан каржы алып Орусияда саясат менен алектенген жеке адамдар менен коомдук бирикмелер да «чет элдик агент» катары тааныла тургандыгы жазылган. Мындай бирикмелер менен адамдар Юстиция министрлигине маал-маалы менен өз ишмердиги тууралуу маалымат берип турушу керек. Бул тизмеге киргендер мамлекеттик жана муниципалдык кызматтарды ээлей албайт. Читать дальше...

Кыргызстандын экс-президенти Сооронбай Жээнбековдун коомдук фонду түзүлдү. Бул тууралуу 30-декабрда анын социалдык түйүндөрдөгү расмий баракчаларында кабарланды. Коомдук фонд юстиция органдарында быйыл декабрь айынын башында катталганы, ал «социалдык, маданий, кайрымдуулук жана өлкө үчүн пайдалуу дагы башка иштер» менен алектенери белгилүү болду. Фонддун негизги максаты «коомдун руханий, маданий жана илимий деңгээлин жогорулатууга көмөктөшүү, өлкөнүн өнүгүшүнө багытталган жаратман демилгелерди колдоо» экени айтылды. Читать дальше...

Кыргызстанда бул жолку президенттик шайлоо мурдагы шайлоолорго салыштырганда абдан таза өтүп жатат. Бул тууралуу 30-декабрда «Азаттыктын» эфиринде өкмөттүк аппараттын жетекчиси Бактыбек Аманбаев билдирди. Ал нааразылык билдирип жаткан талапкерлер өзүнө саясий упай топтоого аракет кылып жатышы мүмкүн экенин белгилеп, кемчиликтер боюнча чара көрүш үчүн алар конкреттүү фактыларды келтириши зарыл экенин айтты: «Алардын айтканы жөн калбайт. Бирок алар конкреттүү факт менен кайрылса сөзсүз чара көрүлөт. Читать дальше...